2 Samuɛl 23:16 - EBƆRƐ BE KAWƆL

¹⁶ Nɛ benapo lempo asa nɛ bumo be atre dii benapo adesa na to na pete n yɔ Filistiebi na be keeyito n ya jɔ ketirbu na be nchu m ba sa Deevid, ama Deevid daa maŋ nu nchu na. E daŋ chulgi amo nna n wurge kasawule fanɛ sarga n sa Enyɛnpe Ebɔrɛ,

2 Samuɛl 23:16 ပူးပေါင်းရင်းမြစ်များ

Jɛnesis 35:14

Ebɔrɛ ka yige mo n choŋ na nɛ Jeekɔb yuu ndulgi be kejembu ndoŋ nseŋ chulgi asɔnuuso ko nɛ ŋku n wurge kumo so fanɛ sarga na n sa Ebɔrɛ.

2 Samuɛl 23:9

Enyɔsopo e daa la Eliaza nɛ mo tuto la Dodo nɛ e shi Aho be kanaŋ to na. Kachako nɛ mo nɛ ewura Deevid juŋkpar Israɛlebi na nɛ b ya to Filistiebi na kena be emaŋ nɛ Israɛlebi be benapo bre kikɛ bɛta kaman gbrɛbi.

1 Kronikɛls 11:18

Nɛ benapo lempo asa na ŋana n yɔ Filistiebi na be keeyi to n ya jɔ ketirbu nɛ k wɔ Bɛtlɛhɛm be kabunagboŋ na ase na be nchu m bar Deevid nɛ e kini amo be kenu nseŋ chulgi amo n wurge kasawule fanɛ sarga n sa Enyɛnpe Ebɔrɛ,

Kaŋinichiŋgeliŋ 4:12

Kolu nɛ esa koŋwule beeŋ kɔ n tɔr na, basa nyɔ bre beeŋ kɔ kumo m pɔɔ so. K beeŋ ba du kpakpa ga nɛ fo tiŋ n tuge kemamprɔŋ nɛ b ta efɔl asa m mɛa abar n wora to.

Nfabel 2:19

Men koso n shu kanyɛ lelemu kikɛ ŋ ŋini Enyɛnpe Ebɔrɛ na nseŋ bugi ŋgbene ŋ kule mo nɛ e wu menyi be mbia nɛ akoŋ bee mɔ agbembi so be akɔlɔbi to kikɛ na kuwɔr!

Nɔmbɛs 28:7

B ta yabra belbelso kɔlba koŋwule n chulgi n wurge bɔrɛsure na so n ti ekpakpafɔlbi na be kekama so n lara sarga n sa Enyɛnpe Ebɔrɛ.

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Romebi 5:7

Pɔɛŋ nɛ esa e wu n sa elelapo, k du kpakpa. Shere esa ko beeŋ shuli n wu n sa esa nɛ e la esa bre.

2 Kɔrintebi 5:14

Ŋkpal manɛ so, Kristo be kasha e kɔ anyi a wora asheŋ ŋkpal an ka baa nyi geeŋ fanɛ esa koŋwule e yili ekama be katelamu to n wu so so. Kumo e la fanɛ ekama malɛ e wu.

Filipaiebi 2:17

Nɛ fanɛ b lara ma ŋklaŋ ere ma to n chulgi amo n wurge n ti men be yirda nɛ men kɔ a deŋi Ebɔrɛ so fanɛ sarga na so gba, k par ma. Ma alɛ beeŋ tu menyi a kɔ kagbenefuli.

1 Samuɛl 19:5

E ta mbe kumu gba nna ŋ kpa kelera saŋɛ nɛ e ya mɔ Goliɛf na. Kumo alɛ be loŋ e shin nɛ Enyɛnpe Ebɔrɛ kɔ n sɔ Israɛl be basa na. Fo alɛ gba ka wu kumo be loŋ nɛ fo kagbene fuli fo. Nɛ manɛ e ba nɛ fee sha kewora esa nɛ e maŋ wora shɛŋ kulubi hale a fin Deevid nɛ fo mɔ kenyanyaŋɛso?”

1 Samuɛl 7:6

Nɛ Israɛlebi na ba shɛr abar so ashi Mizpa. Samuɛl e daa la bumo be ejuŋkparpo. B daŋ saŋ nchu nna n chulgi n wurge kasawule fanɛ sarga n sa Enyɛnpe Ebɔrɛ. Bumo alɛ daŋ kishi kumo be kamɔnchɛ kikɛ nna nseŋ bugi to ŋ kaŋɛ Enyɛnpe Ebɔrɛ fanɛ b wora alubi n da mo so.