2 Samuɛl 23:10 - EBƆRƐ BE KAWƆL

¹⁰ Ndoŋ nna nɛ Eliaza yili to ŋ kɔ Filistiebi na hale nɛ mbe enɔ ki shiŋgreŋ nɛ e maaŋ naŋ tiŋ n yige tokobi to. Kumo be kamɔnchɛ nɛ Enyɛnpe Ebɔrɛ na sa bumo kekɔmpɔɔso gboŋgboŋi. Kena na ka loge na nɛ Israɛl be benapo na kikɛ bɛta m ba Eliaza kutɔ m ba bela akɔsɔ nɛ a deŋ bubuni na so na kikɛ.

2 Samuɛl 23:10 ပူးပေါင်းရင်းမြစ်များ

2 Samuɛl 23:12

Nɛ Shamma bre daŋ yili kudɔ na to ŋ kɔ m pɔɔ Filistiebi na so ŋ kuŋ kudɔ na. Kumo be kamɔnchɛ kekɔmpɔɔso gboŋgboŋi nɛ Enyɛnpe Ebɔrɛ na daŋ sa bumo.

2 Bewura 5:1

Kanyɛn ko e daa wɔtɔ nɛ baa tre mo Neeman nɛ e daa la Siriya be benapo be enimu, nɛ Siriya be ewura daa sa mo bunyaŋ ga; ŋkpal Enyɛnpe Ebɔrɛ ka daŋ bɔla mo so n shin nɛ Siriyaebi be benapo daŋ kɔ m pɔɔ bumo doŋana so so. E daa nyi kena be kekɔ a chɔ ekama ama mo alɛ daa lɔ keboti nna.

1 Kronikɛls 11:13

E daŋ chɛ Deevid to nna ŋ kɔ Filistiebi na kena ashi Pas Dummin. Ayu be kudɔ to nɛ e daa wɔ nɛ Israɛlebi na fara a shile,

Nshɛ 108:13

Fo Ebɔrɛ na e naa shin nɛ anyee kɔ a pɔɔ so, nsaa chichi an doŋana so a mata kasawule.

Nshɛ 144:10

Fo e naa shin nɛ bewura bee kɔ a pɔɔ so, fo e naa kɔ a mɔlga fo kayɛrbi, Ewura Deevid ashi kena to.

Nshɛ 68:12

Bewura, nɛ bumo be benapo kilgi n shile, nɛ b chige asɔ nɛ b shile ŋ ka na to n sa abar.

Aizaaya 53:12

Amoso meeŋ sa mo kemaŋkuragboŋ nɛ eleŋgboŋ. E shuli so n ta mbe kumu n lara sarga, nseŋ yili alubiworapoana damta be aya to ŋ kule alubi be ketampaŋ n sa bumo.”

Romebi 15:18

Meeŋ baa kɔ kenyɛn nawule a malga asheŋ nɛ Kristo na wora ashi ma to nɛ loŋ e tiŋ n shin nɛ m bɔla mmalga nɛ ashuŋ shunso to n shin nɛ nnyamase e ba kaa nu a sa Ebɔrɛ.

2 Kɔrintebi 4:5

Ŋkpal manɛ so, mannɛ anyi gbagba be asheŋ be baru nɛ anyee bɔ, Yesu Kristo be baru nɛ anyee bɔ a kaŋɛ fanɛ mo e la Enyɛnpe na nɛ anyi alɛ la men be beshumpo ŋkpal Yesu so.

Joshuwa 10:10

Amɔriebi na ka wu Israɛl be benapo na nɛ Enyɛnpe Ebɔrɛ shin nɛ keyeŋiyeŋi tɔr bumo so, nɛ Israɛlebi na mɔ bumo ga ashi Gibiɔn, nseŋ ju m buu bumo so m bɔla kebee ase ashi Bɛf Hɔrɔn a mɔ bumo hale n ya fo kelargato be kaseto be kaba so ashi Azeka nɛ Makɛda kikɛ.

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.

Joshuwa 11:8

Nɛ Enyɛnpe Ebɔrɛ ta bumo m bɔɔ Israɛlebi na enɔ nseŋ shin nɛ b pɔɔ bumo so n ju m buu bumo so ŋ kɔ bumo n ya fo Misrefɔf Mayim nɛ Sidɔn ashi kelargato be esoso be kaba so, n ta loŋ n ya fo Mispa be ketaŋɛ nɛ k wɔ epeŋilarkpa na, m mɔ bumo kikɛ.

Demujipoana 15:14

B ka ta Samsɔn m ba ka fo Lehi be kade to nɛ Filistiebi na yarase a ponte to a ba mo kutɔ. Epul to nɛ Enyɛnpe Ebɔrɛ na be Kiyoyu gbelge Samsɔn so n shin nɛ e nya eleŋ nɛ efɔl nɛ b ta ŋ kre mbe enɔ nɛ aya na kikɛ tuge to n tɔr fanɛ nyaŋkpaŋfɔl wuso na.

Demujipoana 15:18

Achukoŋ ka pɛ Samsɔn ga nɛ e kule Ebɔrɛ ŋ kaŋɛ: “O Enyɛnpe Ebɔrɛ, fo e shin nɛ n tiŋ n ji eleŋ nseŋ tiŋ ŋ kɔ m pɔɔ so. Feeŋ shin nɛ achukoŋ e mɔ ma nɛ nnyamase ere e naŋ ba nya ma m pɛ a?”

1 Samuɛl 11:13

Ama le nɛ Sɔɔl bre daŋ kaŋɛ: “B maaŋ mɔ esa kama kabre ŋkpal manɛ so le be kachɛ ere nɛ Enyɛnpe Ebɔrɛ ta m mɔlga Israɛl be basa.”

1 Samuɛl 14:23

B daŋ kɔ bumo kena hale n ya choŋ Bɛf Avɛn so. Kumo be kamɔnchɛ nɛ Enyɛnpe Ebɔrɛ mɔlga Israɛlebi na.

1 Samuɛl 14:6

Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”

1 Samuɛl 17:53

Israɛl be benapo na ka yige kebaaju Filistiebi na, nɛ b bɛta m ba bumo doŋana na be keeyi to m baa muu bumo be asɔ.

1 Samuɛl 19:5

E ta mbe kumu gba nna ŋ kpa kelera saŋɛ nɛ e ya mɔ Goliɛf na. Kumo alɛ be loŋ e shin nɛ Enyɛnpe Ebɔrɛ kɔ n sɔ Israɛl be basa na. Fo alɛ gba ka wu kumo be loŋ nɛ fo kagbene fuli fo. Nɛ manɛ e ba nɛ fee sha kewora esa nɛ e maŋ wora shɛŋ kulubi hale a fin Deevid nɛ fo mɔ kenyanyaŋɛso?”