2 Samuɛl 22:7 - EBƆRƐ BE KAWƆL

⁷ Enyɛnpe Ebɔrɛ na nɛ n shu e tre ma etɔrɔsheŋ kikɛ to nɛ ma kushu tɔr mbe asoe to ashi mbe kuwurputi so ebɔrɛso nɛ e nu ma kushu nseŋ chɛ ma to.

2 Samuɛl 22:7 ပူးပေါင်းရင်းမြစ်များ

Nshɛ 107:6

Men ka daa wɔ kenishipere be tɔrɔ to nseŋ shu n tre Enyɛnpe Ebɔrɛ na, e daŋ nu nna nseŋ mɔlga menyi.

Nshɛ 116:4

Ndoŋ nna nɛ n shu n tre Enyɛnpe Ebɔrɛ na, fanɛ e jande e mɔlga ma!

Nshɛ 120:1

M baa wɔ tɔrɔ to, Enyɛnpe Ebɔrɛ na nɛ mee kule nɛ e bee nu ma kekule.

Nshɛ 18:6

Nɛ n ta kebɔltofinfin n shu n tre Enyɛnpe Ebɔrɛ. N shu n tre ma Ebɔrɛ fanɛ e chɛ ma to; nɛ ma kushu tɔr mbe asoe to nɛ e yili mbe bɔrɛlambu to n nu ma ebɔl.

Nshɛ 27:4

Kusɔ koŋwule nɛ mee fin Enyɛnpe Ebɔrɛ kutɔ; Kumo e la fanɛ, ŋ ka beeŋ baa wɔ mbe laŋ to saŋɛ so nɛ n wɔ ŋkpa to ere; saŋɛ na so mbe alelasheŋ beeŋ baa bɔlɔ ma kenishi, nɛ m baa wɔ mo kutɔ ashi mbe bɔrɛlambu to.

Nshɛ 34:6

Mo nɛ betentaŋasepo bee shu a tre, nɛ e bee nu bumo be kushu, nsaa mɔlga bumo ashi bumo be etɔrɔ to na.

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Jona 2:4

Nɛ n fɛ fanɛ fo ju ma fo anishito nna, nɛ m maaŋ naŋ wu fo bɔrɛlambu cheembi na kenishiso kikɛ.

Jona 2:7

Ma ŋkpa kaa bee fo ekar na nɛ n nyiŋi fo, Enyɛnpe Ebɔrɛ na, nseŋ kule fo nɛ fo nu ma kekule ashi fo bɔrɛlambu cheembi na to.

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Luuk 22:44

Mbe kagbene ka jija mo alegaiso nɛ e bugi kagbene ŋ kule Ebɔrɛ ga hale nɛ kebleŋ ya kaa lar mo so a do kasawule so fanɛ ŋklaŋ.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.