2 Samuɛl 22:44 - EBƆRƐ BE KAWƆL

⁴⁴ Fo mɔlga ma ashi basa nɛ baa nyaŋɛto a sha nɛ b mɔ ma na be enɔ to nseŋ ta ma ŋ ki efuli pɔtɛana so be ejuŋkparpo hale nɛ baa shuŋ ma.

2 Samuɛl 22:44 ပူးပေါင်းရင်းမြစ်များ

2 Samuɛl 19:14

Ndoŋ nna nɛ Deevid be mmalga na shin nɛ Juda be basa na kikɛ be ŋgbene kilgi m bɛ mo so nɛ b shuŋi ŋ kaŋɛ fanɛ mo nɛ mbe benapo na kikɛ e bɛta m ba Jerusalɛm.

2 Samuɛl 19:9

Nɛ Israɛl be basa na kikɛ fara a bile asheŋ a kaŋɛ abar le: “Ewura Deevid e mɔlga anyi ashi anyi doŋana kutɔ, nseŋ naŋ mɔlga anyi ashi Filistiebi kutɔ ama e shile n lar efuli ere so ŋkpal Absalɔm so.

2 Samuɛl 20:22

Ndoŋ nna nɛ e yɔ kade na be basa kutɔ nɛ mo nɛ bumo kre ŋkre nɛ b ku Shɛba be kumu n ta kumo ŋ kpa egbal na be kaman n sa Jɔab. Nɛ Jɔab foŋ kabel a ŋini fanɛ mbe benapo na e lar kade na to. Benapo na ka lar n choŋ epe nɛ Jɔab malɛ bɛta n yɔ ewura Deevid kutɔ ashi Jerusalɛm.

2 Samuɛl 3:1

Kolu nɛ k tɔr benapo nɛ b yili Sɔɔl be kanaŋ to ebi be kaman na nɛ bumo nɛ bumo alɛ yili Deevid be kaman na daŋ chɛr ga. Ama saŋkama Deevid bre be eleŋ daa ti so nna a chɔ basa nɛ baa kɔ mo na.

2 Samuɛl 5:1

Ndoŋ nna nɛ Israɛl be kanaŋ na kikɛ ba Deevid kutɔ ashi Hibrɔn m ba kaŋɛ mo le: “Fo nio pibiana e la anyi.

Nshɛ 110:6

E beeŋ ji basa nɛ b wɔ efuli pɔtɛana so demu nseŋ shin nɛ bumo be basa e wu n deŋi abar so kasawule ere so.

Nshɛ 18:43

Fo mɔlga ma ashi kumukpakpaso wuraana be enɔ to; nseŋ ta ma ŋ ki efuli pɔtɛana be ejuŋkparpo. Basa nɛ n daa maŋ tama fanɛ baaŋ shuli n sɔ ma ŋ ki bumo be ewura na.

Nshɛ 2:8

Amoso kule ma, nɛ n ta efuliana ere kikɛ n sa fo; nseŋ shin nɛ durnya ere kikɛ e ki feya.

Aizaaya 55:4

Ma e daŋ shin nɛ e ki efuliana na be ejuŋkparpo nɛ ewura, nseŋ bɔla mo so ŋ ŋini bumo ma eleŋgboŋ.

Aizaaya 55:5

To, menyeeŋ kela a tre efuli pɔtɛana nɛ menyi maŋ nyi bumo be basa gba fanɛ b ba ti menyi so, nɛ b shile m ba buu menyi! Ma, Enyɛnpe, Israɛl be Ebɔrɛ cheembi na e naaŋ shin nɛ ade kikɛ e wora m bɔlɔ so. Meeŋ shin nɛ men nya kemaŋkura nɛ bunyaŋ ashi basa kikɛ to.”

Aizaaya 60:12

Ama efuli ŋko kuwurji kama be basa nɛ b maaŋ shuŋ menyi be basa kikɛ beeŋ mur cheche kuraa.

Aizaaya 65:1

Ade kikɛ be kaman nɛ Enyɛnpe Ebɔrɛ na kaŋɛ le: “N daŋ wora shiriya nɛ n nu ma basa be kabɔrɛkule nna, ama b maŋ kule ma. Ma alɛ daŋ naŋ wora shiriya nɛ n lara ma kumu ŋ ŋini bumo, ama b maŋ wora ania nɛ b fin ma gba kuraa. Ŋ ka wora shiriya nɛ n shuli so ŋ kaŋɛ fanɛ ‘ma nde, meeŋ chɛ menyi to na gba’, efuli na be basa na maŋ kule n fin ma kechɛto.

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Hoziya 2:23

Meeŋ chɛ ma basa to nɛ b chena kasawule ere so n dii dama. Meeŋ ŋini bekama nɛ b maa sha na ma kasha. Nseŋ shin nɛ bekama nɛ b yɛ b maŋ la ma basa na e ki ma basa, nɛ bumo alɛ e shuli so a tre ma bumo be Ebɔrɛ.”

Romebi 15:12

Ade malɛ gba kikɛ be kaman le nɛ anebi Aizaaya yɛ: “Jɛsi be kenanabi beeŋ ba kachako m ba lar n ji nnyamase so kuwura nɛ b ta bumo be tama kikɛ n deŋi mo so.”

Romebi 9:25

Le nɛ Ebɔrɛ daŋ bɔla anebi Hoziya so ŋ kaŋɛ: “Basa nɛ b daa maŋ la meya na, naniere meeŋ tre bumo ma basa. Efuli nɛ n daa maa sha na, naniere meeŋ tre kumo ma eshapo.”

Ditɛronɔmi 28:13

Nɛ menyeeŋ baa wora Enyɛnpe menyi be Ebɔrɛ na kasonu nsaa bɛ mbe mbraana nɛ n ta a sa menyi kabre ere kikɛ so kashenteŋto, e beeŋ shin nɛ men ki bejuŋkparpo durnya be efuliana kikɛ to.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”