2 Samuɛl 22:31 - EBƆRƐ BE KAWƆL

³¹ Le be Ebɔrɛ ere be asheŋ woraso niŋi ga, mo alɛ be kamalga maŋ kɔ saŋgre kikɛ! E du fanɛ kebɛlso be kusɔ kuŋso nna n sa bekama nɛ baa fin kekuŋ ashi mo kutɔ.

2 Samuɛl 22:31 ပူးပေါင်းရင်းမြစ်များ

2 Samuɛl 22:3

Ma Ebɔrɛ na e la ma kejembugboŋ nɛ ma eŋanakpa. Mo kutɔ nɛ ma kumɔlga bee shi. E bee kuŋ ma nna fanɛ kebɛlso be kusɔkuŋso. Mo e naa kɔ a sa ma, nsaa mɔlga ma. Mo e la ma emɔlgapo. Mo e naa kuŋ ma nsaa mɔlga ma, nsaa ta ma a ŋana basa nɛ baa ta eleŋ a tintiŋ basa na so.

Nehemaya 9:8

Ŋkpal e ka daa ji kashenteŋ a sa fo so fo nɛ mo daŋ wora kɔnɔkoŋwule be ŋkre nna fanɛ feeŋ ta Keenanebi nɛ Hitebi nɛ Amɔriebi nɛ Pɛrizebi nɛ Jebusiebi nɛ Giigaebi be nsawule n sa mbe kaman to ebi. Naniere fo wora fo kɔnɔ naseso na m bɔlɔ so fanɛ kananɛ fee wora saŋkikɛ na.

Job be kawɔl 34:10

Men nu nfe, menyi nɛ menyee pin asheŋ to ere! Enyɛnpetale Ebɔrɛ beeŋ shuli n wora kusɔ nɛ k maŋ daga a?

Nshɛ 119:140

Fo kamalga du fanɛ shuwa nna n sa fo kayɛrbi; mee sha kumo nsaa keni kumo a bɔlɔ kenishi alegaiso.

Nshɛ 12:6

Enyɛnpe be nnɔ naseso la kashenteŋ nna. A du fanɛ gbiti nɛ b ta n wɔtɔ edɛ to ale shunu n lara amo to be eyurpi kikɛ na nna.

Nshɛ 145:17

Enyɛnpe Ebɔrɛ na be kesheŋ wora kikɛ niŋi nna, mo alɛ kɔ kasha nna n sa mbe asɔ to so kikɛ.

Nshɛ 18:30

Enyɛnpe Ebɔrɛ maa wora shɛŋ a foe. Mbe kamalga la kashenteŋ nna. E du fanɛ benapo be kusɔ kuŋ so gboŋ nna, a kuŋ ekama nɛ e bee shile a ba mo kutɔ.

Nshɛ 2:7

Nɛ ewura na kaŋɛ le: “Meeŋ bɔ kɔnɔ nɛ Enyɛnpe Ebɔrɛ na nase n sa ma na be kubɔya.” E yɛ: “Fo e la m pibinyɛn na; kabre, ŋ ki fo tuto.

Nshɛ 35:2

Chɛ ma to nseŋ kuŋ ma.

Nshɛ 84:9

O Ebɔrɛ, nɛfa anyi be ewura, nɛ fo gbagba lara n sa fo kumu na.

Nshɛ 91:4

E beeŋ parga mbe atɛ m buu fo so a kuŋ fo nɛ fo nya fo kumu, Mbe kashenteŋji du fanɛ kebɛlso be kusɔ kuŋkumuso ŋko egbal nɛ k bee kuŋ kade nna.

Aŋasa 30:5

Ebɔrɛ be kamalga kikɛ la kashenteŋ nna. E la kusɔ kuŋso nna n sa bekama nɛ baa shile a ba mo kutɔ m baa ka fin kekuŋ na.

Kaŋinichiŋgeliŋ 3:14

M baa nyi geeŋ fanɛ kusɔ kama nɛ Ebɔrɛ wora beeŋ baa wɔtɔ mbaanaayɔ. Fo maaŋ tiŋ n ta shɛŋ n ti kumo so, fo alɛ maaŋ naaŋ tiŋ n lara shɛŋ ashi kumo to. Ebɔrɛ wora loŋ nna saŋɛ na so anyeeŋ baa bunyaŋ mo.

Danɛl 4:34

Nɛ ewura Nebukadneeza kaŋɛ le: “Nfɛnshunu na ka choŋ, nɛ ŋ keni esoso nɛ ma nfɛra ba abar so. Ndoŋ nna nɛ n di Enyɛnpetale Ebɔrɛ na epaŋ nseŋ ta kemaŋkura nɛ bunyaŋ n sa emo nɛ e wɔtɔ mbaanaayɔ na. Mo e naa ji kuwura mbaanaayɔ nɛ mbe kuwurji wɔtɔ saŋkama na.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Kelaraŋŋini 15:3

B daa yil nna a kɔ amo a boŋ anebi Mosis, Ebɔrɛ be kenya na be kashɛ nɛ Kpakpafɔlbi na be kashɛ a kaŋɛ: “Enyɛnpetale Ebɔrɛ, Enyɛnpe fo asheŋ woraso kɔ mamachi pasaa! Fo nɛ fo la efuli kama be Ewura na, fo ekpa niŋi nsaa kɔ kashenteŋ amo to pasaa!