2 Samuɛl 22:3 - EBƆRƐ BE KAWƆL

³ Ma Ebɔrɛ na e la ma kejembugboŋ nɛ ma eŋanakpa. Mo kutɔ nɛ ma kumɔlga bee shi. E bee kuŋ ma nna fanɛ kebɛlso be kusɔkuŋso. Mo e naa kɔ a sa ma, nsaa mɔlga ma. Mo e la ma emɔlgapo. Mo e naa kuŋ ma nsaa mɔlga ma, nsaa ta ma a ŋana basa nɛ baa ta eleŋ a tintiŋ basa na so.

2 Samuɛl 22:3 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

2 Samuɛl 22:31

Le be Ebɔrɛ ere be asheŋ woraso niŋi ga, mo alɛ be kamalga maŋ kɔ saŋgre kikɛ! E du fanɛ kebɛlso be kusɔ kuŋso nna n sa bekama nɛ baa fin kekuŋ ashi mo kutɔ.

2 Samuɛl 22:47

Enyɛnpe Ebɔrɛ fo wɔtɔ! Meeŋ di fo epaŋ! Fo la kejembu nna nɛ mee ŋana fo to! Meeŋ maŋkura fo ŋkpal fo ka mɔlga ma so.

2 Samuɛl 22:49

Fo e naa mɔlga ma ashi ma doŋana kutɔ. O Enyɛnpe Ebɔrɛ fo e naa shin nɛ mee kɔ a pɔɔ ma doŋana so. Fo alɛ e naa kuŋ ma ashi basa nɛ baa ta eleŋ a tintiŋ basa na kutɔ.

2 Samuɛl 22:51

Fo Ebɔrɛ e naa sa esa nɛ fo lara fanɛ e baa la ewura na kekɔmpɔɔso be eleŋ. Fo alɛ be kasha nɛ fo kɔ n sa fo ewura laraso Deevid nɛ mbe kaman to ebi na maa loge kikɛ.

2 Samuɛl 23:3

Le nɛ Israɛl be Ebɔrɛ nɛ e la ma ekumpo na daŋ malga ŋ kaŋɛ: “Ewura nɛ e kɔ kasonu n sa Ebɔrɛ nseŋ ta kashenteŋji a ji mbe kuwura na

Nshɛ 14:6

Menyi, alubiworapoana e naa jija betirpo be ŋkre. Ama Enyɛnpe Ebɔrɛ e naa kuŋ bumo.

Nshɛ 140:1

O Enyɛnpe Ebɔrɛ, mɔlga ma ashi kumukpakpasowuraana be enɔ to! Nseŋ kuŋ ma ashi bedoŋ nyaŋnyaŋso kutɔ.

Nshɛ 140:11

Sa maŋ shin nɛ basa nɛ baa ku asheŋ a deŋi beko e nya kusɔ nɛ baa sha kasawule ere so kikɛ. Shin nɛ asheŋ lubi e ba basa nyaŋnyaŋso so m mur bumo cheche.

Nshɛ 140:4

O Enyɛnpe Ebɔrɛ, baa kuŋ ma ashi kumukpakpasowuraana nɛ bedoŋ nyaŋnyaŋso nɛ baa fin ma kemur na be enɔ to.

Nshɛ 142:4

M baŋ keni ŋ kulti, mee wu fanɛ esa kikɛ maŋ wɔtɔ nɛ e chɛ ma to, esa kikɛ maŋ wɔtɔ nɛ e kuŋ ma. Ma asheŋ malɛ maŋ tir esa kikɛ.

Nshɛ 144:2

Fo e la n teri shaso nɛ ma ekumpo lempo, Fo nɛ mee shile a mata nsaa nya ma kumu. Fo e la ma kebɛlso be kusɔ kuŋso, fo alɛ e shin nɛ mee ji kuwura anyi be basa so.

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 27:5

Saŋɛ na so e beeŋ baa kuŋ ma tɔrɔ be jemanɛ; a ta ma a ŋana mbe bɔrɛlambu to. E beeŋ ta ma n yili kefaltagboŋ so, nɛ n nya kekuŋ.

Nshɛ 28:7

Enyɛnpe Ebɔrɛ na e naa sa ma eleŋ nsaa kuŋ ma. N yirda mo kashenteŋto. E chɛ ma to n shin nɛ ma kagbene fuli ma. Amoso meeŋ ji eyur nseŋ boŋ nshɛ n di mo epaŋ.

Nshɛ 3:3

Ama, fo Enyɛnpe Ebɔrɛ na, e naa kuŋ ma saŋkikɛ. Fo e naa shin nɛ mee kɔ a pɔɔ so, nsaa shin nɛ mee nya bunyaŋgboŋ nɛ keleŋto.

Nshɛ 32:7

Fo e la ma eŋanakpa. Fo alɛ beeŋ mɔlga ma ashi tɔrɔ to; nɛ m boŋ nshɛ awɔrso ŋkpal fo ka mɔlga ma so.

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Nshɛ 46:2

Amoso hale nɛ kasawule gbuŋgbuŋ to nɛ abeegboŋ tia n tɔr teku be kakpa chiŋgeliŋ gba, kufu maŋ kɔ anyi.

Nshɛ 46:7

Enyɛnpetale Ebɔrɛ na wɔ anyi kutɔ nna. Ebɔrɛ nɛ an nananyɛn Jeekɔb shuŋ na e la anyi be ekumpogboŋ.

Nshɛ 5:12

Enyɛnpe Ebɔrɛ, fee nɛfa bekama nɛ baa wora fo kasonu nsaa wora asɔ nɛ niŋi nna. Fee kuŋ bumo nna fanɛ kananɛ kebɛlso be kusɔ kuŋso bee kuŋ benapo na.

Nshɛ 55:9

Enyɛnpe Ebɔrɛ, shin nɛ ma doŋana e wulto to. Jija bumo be ŋkre kikɛ. Kumukpakpaso nɛ kebaamaashu basa so nawule nɛ mee wu, ashi kadegboŋ na to.

Nshɛ 59:16

Ama ma ere beeŋ boŋ kasha a laŋɛ fo Ebɔrɛ be eleŋgboŋ na be kaplɛa so. Chipurso kikɛ, meeŋ boŋ kashɛ a laŋɛ fo kasha be kaplɛa so. Ŋkpal manɛ so, fo e la ma ekumpo, kakpa nɛ mee shile a ŋana ashi tɔrɔ be jemanɛ.

Nshɛ 61:3

Ŋkpal manɛ so, fo e la ma ekuŋkpa lempo, nɛ mee shile n ya kaa ŋana to ashi ma doŋana so.

Nshɛ 71:7

Ma kebaawɔtɔ ki tɔɔnɛ nna n sa basa damta ŋkpal fo ka la ma ekumpo lempo so.

Nshɛ 72:14

Mo e naa mɔlga bumo ashi kamɛaŋ nɛ awurfoŋ to, ŋkpal manɛ so, bumo be ŋkpa be asheŋ tir mo nna.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Nshɛ 84:9

O Ebɔrɛ, nɛfa anyi be ewura, nɛ fo gbagba lara n sa fo kumu na.

Nshɛ 86:14

O Ebɔrɛ, kamoowuwuraana koso ma so nna; nɛ basa lubi cha abar a fin ma nɛ b mɔ. Bumo alɛ kikɛ maŋ ta fo n tre shɛŋ.

Nshɛ 9:10

Bumo nɛ b nyi fo na beeŋ ta bumo be yirda n deŋi fo so; Ŋkpal manɛ so, fo Enyɛnpe Ebɔrɛ na maŋ naŋ pal kama n sa bekama nɛ baa fin fo kikɛ.

Nshɛ 9:9

Fo Enyɛnpe Ebɔrɛ kutɔ nɛ basa nɛ baa mɛaŋ beeŋ tiŋ n shile m ba nɛ fo kuŋ bumo. Fo e la ekuŋkpa lempo awurfoŋ be saŋɛ.

Ɛksodɔs 15:2

Enyɛnpe Ebɔrɛ na e la ma elempo nɛ ma emɔlgapo. Meeŋ boŋ kashɛ ŋ dele mo. Mo e la ma Ebɔrɛ, amoso meeŋ di mo epaŋ. N tuto be Ebɔrɛ e la mo, amoso meeŋ fur mo.

Aŋasa 18:10

Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.

Aŋasa 30:5

Ebɔrɛ be kamalga kikɛ la kashenteŋ nna. E la kusɔ kuŋso nna n sa bekama nɛ baa shile a ba mo kutɔ m baa ka fin kekuŋ na.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 32:2

Ewura na nɛ benimuana na beeŋ baa du fanɛ kusɔ kuŋ afu nɛ kakpa nɛ esa beeŋ shile n ya ŋana bɔrɛfu so nna. Bumo alɛ beeŋ baa du fanɛ mbombi ashi kiyi to nɛ kefaltagboŋ nɛ k bee kuŋ epeŋi a sa kayul.

Aizaaya 45:21

Men ba demujikpa! Bekama nɛ baaŋ tiŋ m malga ŋ kuŋ bumo be amu na e to abar jina. Dra dra na kikɛ, wanɛ e tiŋ ŋ kaŋɛ kusɔ nɛ k beeŋ wora? Mannɛ ma Enyɛnpe Ebɔrɛ nɛ e mɔlga mbe basa na e tiŋ ŋ kaŋɛ a? Ebɔrɛ kikɛ maŋ naa wɔtɔ n ti ma so.

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Jɛremaya 16:9

Kaŋ kusoe n nu kusɔ nɛ ma, Enyɛnpetale, Israɛl be Ebɔrɛ na kɔ nɛ ŋ kaŋɛ nseŋ kpele Juda be basa kusoe fanɛ meeŋ shin nɛ kagbenewushi nɛ kagbenefuli be nshɛ nɛ kejafɔ to be awɔr nɛ baa kaa chɛ na e fo ekar.

Luuk 1:47

Ma kagbene fuli ŋkpal Ebɔrɛ ma Emɔlgapo so,

Luuk 1:69

E sa anyi Emɔlgapo lempo nɛ e shi Deevid mbe kenya be kanaŋ to.

Luuk 1:71

‘E nase kɔnɔ fanɛ e beeŋ mɔlga anyi ashi an doŋana nɛ basa nɛ b kishi anyi kikɛ be eleŋ to.’

Ditɛronɔmi 32:37

Kumo be kaman nɛ Enyɛnpe Ebɔrɛ na e bishi mbe basa le: ‘Nnɛ nɛ agbirgboŋ nɛ men yirda na wɔ?

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Ditɛronɔmi 33:29

Israɛlebi, men be ŋgbene fuli pasaa! Ekama maŋ wɔtɔ e du fanɛ menyi. Enyɛnpe Ebɔrɛ na mɔlga menyi be efuli nna. Mo gbagba e naa kuŋ menyi nsaa kɔ a sa menyi. Mo koŋwule na e naa chɛ menyi to a shin nɛ menyee kɔ a pɔɔ so. Men doŋana beeŋ ba gbir ŋ kule fanɛ men wu bumo kuwɔr, nɛ men chichi bumo so m mata kasawule.”

Taites 3:4

Ama Ebɔrɛ, an be Emɔlgapo ka ba lara mbe kelela nɛ kasha ŋ ŋini basa kikɛ na nɛ e mɔlga anyi. Mannɛ anyi gbagba be kelela be asheŋ woraso ko so nɛ e mɔlga anyi.

Taites 3:6

E bɔla Yesu Kristo, an be Emɔlgapo so n shin nɛ Kiyoyu Cheeŋ na ba buu anyi so nyam.

Hibruwebi 2:13

Mo koŋwule na e kaŋɛ le: “Meeŋ yirda mo.” Kumo be kaman nɛ e naŋ kaŋɛ le: “Ma nɛ basa nɛ Ebɔrɛ ta m bɔɔ ma enɔ na kikɛ nde.”

1 Samuɛl 2:1

Ndoŋ nna nɛ Haana boŋ kashɛ ŋ kaŋɛ le: “Enyɛnpe Ebɔrɛ shin nɛ ma kagbene fuli ma. Ma kagbene fuli ma ga ŋkpal Ebɔrɛ ka mɔlga ma nseŋ sa ma eleŋ so. Ŋkpal kusɔ nɛ Ebɔrɛ wora n sa ma ere so meeŋ mushe ma doŋana.

1 Samuɛl 2:2

Ebɔrɛ kikɛ maŋ wɔtɔ a du cheembi fanɛ fo Enyɛnpe na; Esa kama maŋ du fanɛ fo. Fo an be Ebɔrɛ du fanɛ kebee nna a kuŋ anyi.