2 Samuɛl 22:22 - EBƆRƐ BE KAWƆL

²² Kusɔ nɛ Enyɛnpe Ebɔrɛ bee sha nɛ mee wora. Maa ba nɛ n shile ma Ebɔrɛ n ya wora kulubi kikɛ.

2 Samuɛl 22:22 ပူးပေါင်းရင်းမြစ်များ

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

1 Bewura 9:4

Nɛ feeŋ baa kɔ kasonu n sa ma nsaa ji kashenteŋ fanɛ kananɛ fo tuto ewura Deevid daa du na, nsaa bɛ ma mbra nɛ ma keŋini so bre,

Nshɛ 119:1

Kagbenefuli la bekama nɛ bumo be kebaawɔtɔ maŋ kɔ saŋgre kikɛ nɛ baa wora asheŋ a bɛ Enyɛnpe Ebɔrɛ be mbra be ekpa so na peya nna.

Nshɛ 125:5

Enyɛnpe Ebɔrɛ na baa gberge kumukpakpasowuraana kusoe, e beeŋ gberge bekama nɛ b yige mbe ekpaana n lɛ gba kusoe. Kayurwushi e baa wɔ Israɛl be basa so!

Nshɛ 128:1

Enyɛnpe Ebɔrɛ na beeŋ nɛfa ekama nɛ e bee nu a sa mo nsaa wora asheŋ a bɛ mbe mbra be ekpa so na.

Nshɛ 18:1

Enyɛnpe Ebɔrɛ mee sha fo; fo kutɔ nɛ ma eleŋ bee shi.

Nshɛ 36:3

Kafulesheŋ nɛ efɛ e bɔlɔ bumo be nnɔ to. Bumo be nfɛra maa ŋini bumo kebaawɔtɔ lela; bumo alɛ maa wora kelela.

Aŋasa 8:32

Naniere, mbifɔlbi, men kaŋ kusoe n nu, Men wora asɔ nɛ ŋ kaŋɛ ere nɛ a shin nɛ men be ŋgbene e fuli menyi.

Zefanaiya 1:6

Meeŋ mur bekama nɛ b pal kaman n sa ma nseŋ kini ma kutɔ be kebaa ba nɛ m baa ŋini bumo ekpa na gba.”

Nɔmbɛs 16:15

Ndoŋ nna nɛ Mosis nya agbo ga nseŋ kaŋɛ Enyɛnpe Ebɔrɛ le: “Sa maŋ kaŋ sɔ sarga nɛ basa ere kɔ a bar fo ere. M maŋ wora bumo be ekama kulubi. Ma alɛ maŋ sɔ esa kama be kurma.”

Baru lela nɛ Jɔn kute na 15:10

Nɛ men baa bɛ ma mmalga naseso so, menyeeŋ baa wɔ ma kasha to fanɛ kananɛ mee bɛ Etuto na be mmalga naseso so nsaa wɔ mbe kasha to na.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

1 Samuɛl 12:3

Ma e yili nfe na. Nɛ n wora kusɔ ko ŋ gbɛ to nna, kumo ere men kaŋɛ kulubi nɛ n wora na ashi Enyɛnpe Ebɔrɛ nɛ mbe ewura laraso na kikɛ be anishito. Wanɛ be kena ŋko kurma nɛ n daŋ suge? Wanɛ nɛ n daŋ puni ŋko m mɛaŋ? Wanɛ kutɔ nɛ n daŋ sɔ brɔbu? Nɛ fanɛ n wora asɔ ere be kekama nna, kumo ere meeŋ ka kumo be kukɔ.”