2 Samuɛl 22:16 - EBƆRƐ BE KAWƆL

¹⁶ Enyɛnpe Ebɔrɛ na ka ponte n fiɛ mo doŋana so agboso na nɛ teku feeto ŋ ka kasawule, nɛ kumo be gbaltɔlase dii efuli.

2 Samuɛl 22:16 ပူးပေါင်းရင်းမြစ်များ

2 Samuɛl 22:9

Edishi daa lar mbe kamuna to nna nɛ ajanwulɛbi be edɛ shi mbe kɔnɔ to a chɔ wuloŋwuloŋ.

Job be kawɔl 38:11

Kumo be kaman nɛ ŋ kaŋɛ kumo le: “Kakpa nɛ feeŋ tiŋ m ba fo nna na sa maŋ kaŋ choŋ so ndoŋ. Kakpa nɛ fo atili lempo na daga e fo nna na.”

Nshɛ 106:9

E daŋ kaŋɛ teku peper na nna fanɛ k ku to, nɛ k ku to. Ndoŋ nna nɛ e juŋkpar bumo kasawule wɔlso so m bɔla kumo to n choŋ.

Nshɛ 74:1

O Ebɔrɛ, manɛ nna nɛ fo kplaŋ anyi so loŋ? Feeŋ baŋ nya agbo n wɔtɔ fo basa mbaanaayɔ a?

Maika 6:2

O abeegboŋ nɛ durnya be nsawule be egbaltɔlase nɛ a wɔtɔ mbaanaayɔ, men nu asheŋ nɛ Enyɛnpe Ebɔrɛ na kɔ a semaŋ mbe basa Israɛlebi na.”

Nahum 1:4

Mo e naa ponte teku nɛ elɔr so nɛ amo be nchu bee feeto nɛ a bee wɔlto. Mo koŋwule na e naa ponte nɛ Bashan be afitiri bumbuŋ bee bolo, nɛ Kamɛl be kebeegboŋ so be ndibi bee pere kpaw nɛ Lebanɔn be ndibi be atoto lela kikɛ bee terge.