2 Samuɛl 21:7 - EBƆRƐ BE KAWƆL

⁷ Ama ŋkpal kashenteŋ be kɔnɔ naseso nɛ Deevid nɛ Jonatan nase n sa abar na so Deevid daŋ yige Sɔɔl mo nanabi Mifiboshɛf nɛ e la Jonatan pibi na bre nna.

2 Samuɛl 21:7 ပူးပေါင်းရင်းမြစ်များ

2 Samuɛl 16:4

Nɛ ewura na kaŋɛ Ziba le: “Mifiboshɛf be kusɔ kama nɛ e kɔ na ki feya nna naniere.” Nɛ Ziba malɛ yɛ le: “Yiramu! Ebɔrɛ e shin nɛ m baa wora fo aparsheŋ saŋkama, ŋkpal manɛ so n la fo kayɛrbi nna.”

2 Samuɛl 19:25

Mifiboshɛf ka shi Jerusalɛm n fo ewura na kutɔ nɛ e bishi mo le: “Mifiboshɛf manɛ nna nɛ fo daa maŋ bɛ ma so n yɔ?”

2 Samuɛl 4:4

Sɔɔl mo nanabiana na be eko e daa la Jonatan pibinyɛn Mifiboshɛf. Saŋɛ nɛ kubɔya shi Jezreel m ba fanɛ b mɔ Sɔɔl nɛ Jonatan na nɛ eche nɛ e bee keta Mifiboshɛf na ta mo a shile. Ŋkpal e ka daa kuse so, nɛ kebia na suge mbe enɔ to n tɔr ŋ ki bobi. Loŋ be saŋɛ nɛ Mifiboshɛf la nfɛ anu.

2 Samuɛl 9:1

Kachako nɛ Deevid bishi le: “Esa ko kraa wɔ Sɔɔl be kanaŋ ere to nɛ meeŋ tiŋ n wora mo kelela ŋkpal Jonatan so a?”

2 Samuɛl 9:10

Amoso fo nɛ fo mbinyɛnsobi kuduanu nɛ fo nyɛrbi adunyɔ na beeŋ baa dɔ Sɔɔl be kanaŋ to ebi be adɔsawule a sa fo nyɛnpe Mifiboshɛf. Saŋɛ na so Sɔɔl be kanaŋ to ebi beeŋ baa nya kusɔ jiso. Ama Mifiboshɛf bre, ma kutɔ nɛ e beeŋ baa ji saŋkikɛ.”

2 Samuɛl 9:6

Jonatan pibinyɛn Mifiboshɛf nɛ e la Sɔɔl mo nanabi na ka ba nɛ e ba gbir m bunyaŋ Deevid. Nɛ Deevid kaŋɛ le: “Mifiboshɛf!” Nɛ mo alɛ shuli so ŋ kaŋɛ: “Fo e wɔ ma, n nyɛnpe.”

2 Samuɛl 9:7

Ndoŋ nna Deevid kaŋɛ mo: “Sa maa lɔ kufu. Ŋkpal fo tuto Jonatan so maaŋ tiŋ n yige kewora fo kelela. Meeŋ ta kasawule nɛ k la fo nananyɛn Sɔɔl peya na kikɛ n laŋɛ n sa fo. Ma laŋ to malɛ nɛ feeŋ baa ji saŋkikɛ.”

Kaŋinichiŋgeliŋ 8:2

Fo baŋ nase kɔnɔ Ebɔrɛ be anishito fanɛ feeŋ baa nu a sa ewura, kumo ere a daga fanɛ fo baa wora loŋ.

1 Samuɛl 18:3

Ŋkpal Jonatan malɛ ka bee sha Deevid ga so, e daŋ shin nna nɛ b nase keteri kpakpaso be kɔnɔ n sa abar.

1 Samuɛl 20:12

nɛ Jonatan kaŋɛ le: “Enyɛnpe Ebɔrɛ nɛ e la Israɛl be Ebɔrɛ nsaa la ma shɛdajipo na be eleŋto, ta n ya ka fo eklade saŋɛ ere so nɛ m pin kusɔ nɛ n tuto bee fɛ. E kaa fɛ fo nfɛra lela, meeŋ kaŋɛ fo.

1 Samuɛl 20:15

kumo ere fo wora ma kanaŋ kelela. Hale nɛ Enyɛnpe Ebɔrɛ mur fo doŋana kikɛ gba, baa kraa wora ma kanaŋ kelela.

1 Samuɛl 20:17

Ŋkpal Jonatan ka daa sha Deevid fanɛ kananɛ e bee sha mo gbagba be kumu so e daŋ shin nɛ Deevid nase kɔnɔ kela nyɔsopo nna n sa mo fanɛ e beeŋ baa la mo teri kpakpaso.

1 Samuɛl 20:42

Ndoŋ nna nɛ Jonatan kaŋɛ Deevid le: “Ebɔrɛ e yɛr fo nɛ alenfia, ama baa nyiŋi kananɛ ma nɛ fo nase kɔnɔ Enyɛnpe Ebɔrɛ be ketre to a yɔ anyi be keteri be kaplɛa so n sa abar na. Ebɔrɛ malɛ beeŋ shin nɛ ma kanaŋ nɛ fo kanaŋ e bɛ kɔnɔ naseso ere so hale mbaanaayɔ.” Ndoŋ nna nɛ Deevid choŋ, nɛ Jonatan malɛ bɛta n yɔ kade to.

1 Samuɛl 20:8

Jande, wora ma kechɛto nseŋ bɛ kɔnɔ nɛ ma nɛ fo yili Enyɛnpe Ebɔrɛ be ketre so n nase na so. Nɛ n wora kulubi nna, kumo ere fo gbagba mɔ ma bɔ fo ka ta ma n sa fo tuto nɛ e mɔ.”

1 Samuɛl 23:18

Ndoŋ nna nɛ bumo benyɔ kikɛ naŋ nase keteri kpakpaso be nnɔ ashi Ebɔrɛ be anishito n sa abar. Nɛ Deevid bre daŋ shir a wɔ Hɔrɛsh nɛ Jonatan malɛ yɔ epe.

1 Samuɛl 24:22

Nɛ Deevid nase kɔnɔ fanɛ e beeŋ wora loŋ. Ade kikɛ be kaman nɛ Sɔɔl bɛta n yɔ epe nɛ Deevid malɛ nɛ mbe basa bɛta n yɔ bumo be eŋanakpa.