2 Samuɛl 21:6 - EBƆRƐ BE KAWƆL

⁶ Amoso, lara mbe kanaŋ to be benyɛn ashunu n sa anyi nɛ an ya chɛ bumo efɔl n shiga ashi Enyɛnpe Ebɔrɛ be ewura laraso Sɔɔl be kade nɛ baa tre Gibia na be kakpa nɛ baa bunyaŋ Enyɛnpe Ebɔrɛ na.” Nɛ Deevid yɛ: “Meeŋ ta bumo n sa menyi.”

2 Samuɛl 21:6 ပူးပေါင်းရင်းမြစ်များ

Jɛnesis 40:19

Ta a ba nchɛ asa to Fɛɛro beeŋ lara fo kabuti ere to n shin nɛ b chɛ fo efɔl n shiga kedibi so m mɔ nɛ mbuibi e ba ji fo kebuni.”

Jɛnesis 40:22

Ama bodobodo worapo nimuso na bre e daŋ shin nna nɛ b chɛ mo efɔl n shiga fanɛ kananɛ Josɛf daŋ kute bumo be edareana na be afito n sa bumo na.

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

2 Samuɛl 18:10

Deevid be benapo na be ako ka wu mo nɛ e ya kaŋɛ Jɔab le: “N wu Absalɔm ka sha kedibi gboŋgboŋi ko so.”

2 Samuɛl 19:28

Fo Yiramu daŋ daga fo ka mɔ n tuto be kanaŋ to be basa kikɛ nna, ama fo wu ma ere kuwɔr hale nseŋ shin nɛ mee tu fo gba a ji. Amoso, a maŋ daga ŋ ka naŋ kule fo shɛŋ.”

1 Kronikɛls 12:3

Shema nɛ e shi Gibia na be mbinyɛnsobi Ahieza nɛ Jɔash e daa la bumo be bejuŋkparpo. Benapo na e daa la Azmavɛf be mbinyɛnsobi Jeziɛl nɛ Pɛlɛt nɛ Berika nɛ Jehu nɛ b shi Anatɔf na nɛ Ishmaya nɛ e la enapo lempo nseŋ shi Gibiɔn n daa la benapo adesa na be ejuŋkparpo na, nɛ Jɛremaya nɛ Jahaziɛl nɛ Johanan nɛ Jozabad nɛ e shi Gɛdera na, nɛ Eluzai nɛ Jɛrimɔf nɛ Bialia nɛ Shamariya nɛ Shefatiya nɛ e shi Harif na, nɛ Ɛlkana nɛ Isshaya nɛ Azarɛl nɛ Joeza nɛ Joshabim nɛ e shi Koora be kabuna na, nɛ Jeroham nɛ e shi Gɛdɔ na be mbinyɛnsobi Jola nɛ Zebadiya.

Ɛzra 6:11

Ma, ewura, bee yili kumo nna fanɛ esa kama nɛ e chɛrga ma kamalga ere, meeŋ shin nɛ b pee mbe ebu be keyɔri nseŋ shɛl kumo n da mo n futi m bɔl. Kumo be kaman nɛ b bure mbe kowu na kikɛ nɛ k ki kelambure.

Matiu 27:5

Ndoŋ nna nɛ Judas ta amansherbi na n lɛ bɔrɛlambu na to nseŋ kilgi n ya chɛ efɔl.

Ashuŋ Shunso 13:21

Jemanɛ na so nɛ b kule Samuɛl fanɛ e lara ewura n sa bumo nɛ Ebɔrɛ ta Sɔɔl, Kish nɛ e shi Bɛnjamin be kanaŋ to na pibi n sa bumo fanɛ e ji bumo so kuwura nfɛ adena.

Ditɛronɔmi 21:22

Nɛ fanɛ esa wora kulubi nɛ b kpal loŋ so n chɛ mo n shiga kedibi so m mɔ,

Joshuwa 10:26

Nɛ Joshuwa mɔ bewura na nseŋ shin nɛ b chɛ bumo kikɛ n shiga ndibi anu so. Ekama nɛ kedibi nɛ b chɛ mo n shiga so, hale n ya fo kaaseso. Ekama nɛ kedibi nɛ b chɛ mo n shiga so.

Joshuwa 8:29

E daŋ chɛ Ai be ewura na efɔl nna n shiga kedibi so nseŋ yige mbe kebuni n ya fo kaaseso. Epeŋi ka tɔr nɛ Joshuwa kaŋɛ fanɛ b ya shiga kebuni na kedibi na so n ya lɛ kade na be kabunagboŋ na ase. Kumo be kaman nɛ b bela ajembu gboŋgboŋi damta n deŋi ewura na be kebuni na so. Loŋ be kakpa na kra dese hale kabre.

1 Samuɛl 10:1

Ndoŋ nna nɛ Samuɛl ta ɔlif be ŋku kɔlbabi to n chulgi n wurge Sɔɔl be kumu so nseŋ chɔrɔ mo fanɛ kananɛ baa chɔrɔ ewura na ŋ kaŋɛ le: “Enyɛnpe Ebɔrɛ na e lara fo fanɛ mbe basa Israɛlebi be ejuŋkparpo. Feeŋ baa juŋkpar mbe basa a kuŋ bumo ashi bumo doŋana kikɛ kutɔ. Kusɔ nɛ ŋ kaŋɛ ere be tɔɔnɛ nɛ feeŋ wu nde:

1 Samuɛl 10:24

Ndoŋ nna nɛ Samuɛl kaŋɛ basa na le: “Kanyɛn nɛ Enyɛnpe Ebɔrɛ lara nna na! Esa kama maŋ du fanɛ mo.” Ndoŋ nna nɛ basa na kikɛ cha awɔr ŋ kaŋɛ le: “Ewura! Ebɔrɛ e sa fo ŋkpa tenteŋ!”

1 Samuɛl 10:26

Ndoŋ nna nɛ Ebɔrɛ malga n sa benapo lempo ko nɛ b ber ŋgbene n shuŋi Sɔɔl n yɔ Gibia.

1 Samuɛl 11:4

Mbɔ na ka ta baru na n yɔ Gibia nɛ k la Sɔɔl be kade to na n ya kaŋɛ bumo, nɛ Gibiaebi na kikɛ fara a shu awɔrso.

1 Samuɛl 24:21

Ama nase kɔnɔ Enyɛnpe Ebɔrɛ be ketre to n sa ma fanɛ fo maaŋ mur ma kanaŋ. Saŋɛ na so, ma kanaŋ be ketre maaŋ mur.”

1 Samuɛl 24:22

Nɛ Deevid nase kɔnɔ fanɛ e beeŋ wora loŋ. Ade kikɛ be kaman nɛ Sɔɔl bɛta n yɔ epe nɛ Deevid malɛ nɛ mbe basa bɛta n yɔ bumo be eŋanakpa.