2 Samuɛl 21:17 - EBƆRƐ BE KAWƆL

¹⁷ Ndoŋ nna nɛ Zeruwa pibinyɛn Abishai daŋ ba mɔlga Deevid nseŋ mɔ kanyɛn gboŋgboŋi na. Kumo be kaman nɛ Deevid be basa na shin nɛ Deevid nase kɔnɔ fanɛ e maaŋ naa tu bumo a yɔ kena to. Nseŋ kaŋɛ mo le: “Anyi maa sha kepaŋ fo, ŋkpal manɛ so fo nɛ Israɛlebi kikɛ bee fute a yige so.”

2 Samuɛl 21:17 ပူးပေါင်းရင်းမြစ်များ

2 Samuɛl 14:7

Naniere ma kanaŋ to ebi kikɛ yuu ma kenishi nna nseŋ kaŋɛ fanɛ m bar ma kebia na nɛ b mɔ mo alɛ gba ŋkpal e ka mɔ mo sipo so. Nɛ b baaŋ wora loŋ, kumo ere ma ere maaŋ naa kɔ ebinyɛn kikɛ nna na. B baaŋ mɔ mo, kumo ere ma tama loge, ma kul malɛ be ketre beeŋ mur kuraa.”

2 Samuɛl 18:2

Kumo be kaman nɛ e shin nɛ ntuŋ na kikɛ ba abar so nɛ e naŋ barga amo to ntuŋ asa nseŋ shin nɛ Jɔab bee keni katuŋ koŋwule so nɛ mo sipo Abishai malɛ bee keni katuŋ nyɔsopo so nɛ Ittai nɛ e shi Gaaf na malɛ bee keni katuŋ sasopo na so. Le nɛ ewura Deevid daŋ kaŋɛ mbe basa na: “Ma nɛ menyi e naŋ yɔ kena na to.”

2 Samuɛl 18:3

Nɛ bumo alɛ kaŋɛ mo le: “Fo maaŋ bɛ anyi so n yɔ, ŋkpal manɛ so nɛ anyi doŋana baŋ pɔɔ anyi so nɛ anyee shile, ŋko nɛ b mɔ anyi be benapo ere be bargato gba, k bɔ fo ere ka ti anyi so n yɔ, ŋkpal manɛ so, fo asheŋ e tir a chɔ anyi basa ŋgboŋ kudu ere kikɛ. Amoso fo ere e shir a wɔ kade to a ta kechɛto kama nɛ fo kɔ a chise anyi.”

2 Samuɛl 22:19

Saŋɛ nɛ asheŋ tu ma na, nɛ baa kɔ ma, ama Enyɛnpe Ebɔrɛ na kuŋ ma.

2 Samuɛl 22:29

Fo, Enyɛnpe Ebɔrɛ na du fanɛ kefulto nna n sa ma. Fo e naa ta kanyɛ a kilgi kapaso.

1 Bewura 11:36

nseŋ shin nɛ kuwurji na be kaba ko e baa kraa wɔ Sɔlɔmɔn pibinyɛn na be enɔ to, saŋɛ na so ewura Deevid be kanaŋ to be esa beeŋ baa kraa ji kuwura ashi Jerusalɛm be kade nɛ n lara fanɛ b baa bunyaŋ ma na to.

1 Bewura 15:4

Ama ŋkpal ewura Deevid so, Enyɛnpe mbe Ebɔrɛ na daŋ sa ewura Abija ebinyɛn nɛ e beeŋ ba ji kuwura mbe kaman ashi Jerusalɛm to nsaa kuŋ Jerusalɛm nɛnɛ nna.

Nshɛ 132:17

Meeŋ shin nɛ Deevid be kuwurji e nya eleŋgboŋ. Esa kama nɛ meeŋ lara m buu mo kuwura beeŋ baa nyɛkpɛ a fuli to fanɛ fitila na.

Nshɛ 144:10

Fo e naa shin nɛ bewura bee kɔ a pɔɔ so, fo e naa kɔ a mɔlga fo kayɛrbi, Ewura Deevid ashi kena to.

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Jɛremaya 40:15

Ndoŋ nna nɛ Johanan nawule yɔ Gɛdaliya kutɔ n ya kaŋɛ mo le: “Shin nɛ n ya mɔ Ishmaɛl nɛ esa kikɛ maaŋ pin esa nɛ e wora loŋ. Basa gbrɛbi ko e ka Juda be efuli so, ama fo nɛ bumo alɛ kikɛ baa keni na. Nɛ fo baŋ wu baaŋ pesaŋ to ŋko n wu gba.”

Baru lela nɛ Jɔn kute na 5:35

Jɔn daa du fanɛ fitila nɛ k chɔɔ so nna a sa basa kefulto nɛ men daŋ shuli n wu kefulto na be ebel gbrɛbi.