2 Samuɛl 21:16 - EBƆRƐ BE KAWƆL

¹⁶ Kanyɛn gboŋgboŋi ko nɛ baa tre Ishbibenɔb nɛ e shi Rafa be kanaŋ to a kɔ danyaŋ be kekpa nɛ kumo be egbɛ daa sa fanɛ kilo asa, nɛ tokobi popɔr to na fɛ fanɛ e beeŋ tiŋ m mɔ Deevid.

2 Samuɛl 21:16 ပူးပေါင်းရင်းမြစ်များ

Jɛnesis 14:5

Kafɛ kuduanasopo na to nɛ ewura Kedɔrlawomer nɛ bewura asa nɛ b daŋ ti mo so na nɛ bumo be benapo yɔ n ya kɔ m pɔɔ Refayebi nɛ b wɔ Ashterɔf Karnaya na nɛ Zuzebi ashi Ham nɛ Emiebi ashi Shaivaa Kiryatayim be kepreŋ so

Jɛnesis 6:4

Jemanɛ na so nɛ kumo be kaman nɛ basa ko nɛ b daa tre Nefilebi nɛ b la basa tenteŋ nsaa kɔ eleŋ a kɔ kena ga nɛ basa kikɛ bee sa bumo bunyaŋ ga na daa wɔ durnya to. Le be saŋɛ ere nɛ Ebɔrɛso be asɔtoso nyɛnsoana daa ta edimɛdi be bibichesobiana a kurge mbia na.

2 Samuɛl 21:18

Kede be kaman nɛ kena ko malɛ naŋ koso Israɛlebi nɛ Filistiebi na be kefɛato ashi Gɔɔb. Loŋ be kena na to nɛ Sibɛkai nɛ e shi Husha na mɔ kanyɛn gboŋgboŋi ko nɛ baa tre Saaf nɛ e la Rafa be kanaŋ to be esa na.

2 Samuɛl 21:20

Ndoŋ nna nɛ kena ko malɛ naŋ koso ashi Gaaf. Kanyɛn gboŋgboŋi ko nɛ mo alɛ gba shi Rafa be kanaŋ to nsaa sha kolu ga na daa wɔ ndoŋ. Ashilbi ashe she nɛ anashibi ashe she nɛ e daa kɔ.

2 Samuɛl 21:22

Le be basa ana gboŋgboŋi ere kikɛ daŋ shi Rafa be kanaŋ to nna ashi Gaaf nɛ Deevid nɛ mbe benapo mɔ bumo kikɛ.

2 Samuɛl 5:18

Nɛ Filistiebi be benapo na pesaŋ to n sɔ Refaebi be ketaŋɛ na to kikɛ.

Nɔmbɛs 13:22

B ka bɔla kelargato be kaseto be kaba so a yɔ na nɛ b ya tu kade ko nɛ baa tre Hibrɔn. Ndoŋ nɛ b tu Ahiman nɛ Shishai nɛ Talmai nɛ b shi basa tenteŋ gboŋgboŋi nɛ baa tre Anakebi be kanaŋ to na. Hibrɔn daŋ chena nfɛ ashunu nna pɔɛŋ nɛ Zowan nɛ k wɔ Ijipt be efuli so na chena.

Nɔmbɛs 13:28

Ama basa nɛ b wɔ ndoŋ na kɔ eleŋ ga nseŋ pɔr egbal ŋ kulti ndegboŋ nɛ a wɔ ndoŋ na kikɛ nɛnɛ. An wu Anak be kanaŋ to be basa tenteŋ gboŋgboŋi lempoana gba ndoŋ.

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

Ditɛronɔmi 2:10

(Pɔɛŋ nɛ Enyɛnpe Ebɔrɛ na ta kasawule na n sa Mowabebi na, edimɛdi be yiri ko nɛ b daŋ pɔlto nsaa du jeŋgreŋ jeŋgreŋ nɛ b daa tre bumo Emim, e daa wɔ Ar. B daŋ pɔlto nsaa du jeŋgreŋ jeŋgreŋ nna fanɛ edimɛdi be yiri ko nɛ baa tre Anak na.

Ditɛronɔmi 2:11

Mowabebi ere e daa tre bumo Emebi, ama bekama daa tre bumo Refaebi nna fanɛ kananɛ b daa tre Anakebi na nna.

Ditɛronɔmi 2:21

Zamzummimebi ere daa la yiri nɛ b shi nsaa kɔ eleŋ ga nseŋ naa du jeŋgreŋ jeŋgreŋ fanɛ Anak be yiri to ebi na nna. Ama Enyɛnpe Ebɔrɛ na daŋ mur bumo nna, saŋɛ na so Ammɔnebi beeŋ sɔ bumo be kasawule na n chena so.

Ditɛronɔmi 3:11

(Ewura Ɔg e daŋ ka edimɛdi be yiri nɛ baa tre Refaebi na be esa lalalogesopo. Kejembu nɛ b daŋ ta n lɔŋɛ deka nɛ b ta m puli mo na. Kumo be nteŋ daa sa fanɛ ayadra kuduana nɛ kumo be mparto malɛ daa sa fanɛ ayadra ashe, nɛ esa kraa beeŋ wu kumo ashi Ammɔnebi be kadegboŋ nɛ baa tre Rabba na to.)

Ditɛronɔmi 9:2

Basa na gbagba wɔ nteŋ nsaa kɔ eleŋ a chɔ menyi, nɛ menyi alɛ bee nu fanɛ esa kama maŋ tiŋ n tu bumo ŋ kɔ m pɔɔ so.

Joshuwa 11:22

Anakebi na be ekama daa maŋ naa wɔ Israɛl be efuli so. Gaaza nɛ Gaaf nɛ Ashdɔd nawule nɛ beko daa wɔ.

Joshuwa 15:14

Ndoŋ nna nɛ Kalɛb ju Anak be kaman to ebi na ashi Hibrɔn be kade to. Bumo e daa la Shishai nɛ Ahiman nɛ Talmai be mbuna na.

1 Samuɛl 17:7

Mbe kekpa be kedibi be bumburuŋ daa sa fanɛ keyapuye, nɛ kumo be kumu be egbɛ malɛ sa fanɛ kilo ashunu. Enapo ko daa juŋkpar mo nna a keta mbe kebɛlso be kusɔ kuŋso na.