2 Samuɛl 21:1 - EBƆRƐ BE KAWƆL

¹ Saŋɛ nɛ Deevid la ewura na nɛ akoŋgboŋ ko daŋ tɔr nfɛ asa. Ndoŋ nna nɛ Deevid bishi Enyɛnpe Ebɔrɛ kusɔ nɛ e beeŋ wora a laŋɛ akoŋ na be kaplɛa so. Nɛ Enyɛnpe Ebɔrɛ kaŋɛ mo le: “Ewura Sɔɔl nɛ mbe kanaŋ wora kulubi ŋkpal b ka mɔ Gibiɔnebi so.”

2 Samuɛl 21:1 ပူးပေါင်းရင်းမြစ်များ

Jɛnesis 12:10

Jemanɛ ko nɛ akoŋ tɔr Keenan be kasawule so nɛ Eebram yɔ Ijipt be efuli so nɛ e ya ji nchɛnnyɔ, ŋkpal akoŋ na ka daŋ sɔ Keenan be kasawule so kikɛ na so.

Jɛnesis 26:1

Jemanɛ ko nɛ akoŋ tɔr efuli na so, ama mannɛ kumo nɛ k daŋ ba Eebraham be jemanɛ so na. Kede daa kɔr. Akoŋ na be jemanɛ na so nɛ Aizek koso n yɔ Filistiebi be ewura Abimelɛk kutɔ ashi Gerar.

Jɛnesis 41:57

Basa daa shi efuli kama so nna gba a ba Josɛf kutɔ m ba kaa tɔ ayu, ŋkpal manɛ so, akoŋ na daa shi ga nna ashi kaplɛkama.

Jɛnesis 42:5

Amoso Jeekɔb be bibinyɛnana na daŋ tu basa nɛ b daŋ yɔ Ijipt nɛ b ya tɔ ajibi na nna n yɔ, ŋkpal manɛ so, akoŋ na daa wɔ Keenan gba be kasawule so nna.

Jɛnesis 43:1

Le be jemanɛ ere kikɛ nɛ akoŋ na kraa ti so nna ashi Keenan be kasawule na kikɛ so.

2 Samuɛl 16:8

Sɔɔl be kuwura nɛ fo sɔ nseŋ mɔ mbe basa damta na so nɛ Enyɛnpe Ebɔrɛ bee gberge fo kusoe nseŋ ta fo kuwura n sa fo pibinyɛn Absalɔm nɛ fo asheŋ maŋ naa wu anishi na. Emɔpo e la fo.”

2 Samuɛl 20:26

Nɛ Ira nɛ e shi Jaari be kade to na daa la ewura Deevid be bɔrɛmatapo.

2 Samuɛl 21:5

Nɛ b yɛ: “Sɔɔl daa sha kemur anyi kikɛ nna, saŋɛ na so anyi be ekama maaŋ naa wɔ Israɛl be efuli so.

2 Samuɛl 24:1

Enyɛnpe Ebɔrɛ na daŋ naŋ nya agbo nna ga n wɔtɔ Israɛlebi nseŋ bɔla Deevid so m bar le be tɔrɔ ere bumo so ŋ kaŋɛ Deevid le: “Ya karga Israɛl nɛ Juda be basa kikɛ.”

2 Samuɛl 5:19

Nɛ Deevid bishi Enyɛnpe Ebɔrɛ le: “K daga ŋ ka ya kɔ Filistiebi ere kena a? Meeŋ tiŋ m pɔɔ bumo so a?” Nɛ Enyɛnpe Ebɔrɛ shuli so ŋ kaŋɛ: “Mm, ya kɔ bumo! Meeŋ shin nɛ men kɔ m pɔɔ bumo so kashenteŋto!”

2 Samuɛl 5:23

Nɛ Deevid naaŋ bishi Enyɛnpe Ebɔrɛ kusɔ nɛ e beeŋ wora, nɛ e kaŋɛ mo le: “Men sa maŋ kaŋ ta kena n tu bumo nfe, ama men bela ase n ya kuŋ bumo ndibi nɛ baa tre balsam na ase ŋ kɔ bumo ndoŋ.

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

1 Bewura 18:2

Ndoŋ nna nɛ Elaija pɛ ekpa n yɔ nɛ e ya wu ewura Ahab. Kumo be jemanɛ so nɛ akoŋgboŋ tɔr Samɛria be kade to,

2 Bewura 6:25

Ŋkpal benapo na ka daŋ pugi ŋ kulti kade na so, ajibi be asheŋ daŋ ki kpakpa nna ashi kade na to. Ŋkpal loŋ so gbiti be ndarbi aduburwa nɛ b daa fa kurma be kumu nsaa fa kupuŋ to be albasa kurwa fimbi be bɔlɔ malɛ gbiti be ndarbi anu.

2 Bewura 8:1

Elaisha daŋ kaŋɛ Shunɛm be kache nɛ mbe kebia daŋ wu nɛ mo ere Elaisha tiŋi mo na nna fanɛ e keta mbe kanaŋ n yɔ kaplɛkama nɛ e bee sha n ya chena ŋkpal manɛ so Enyɛnpe Ebɔrɛ na beeŋ shin nɛ akoŋgboŋ e tɔr kasawule na so nfɛ ashunu.

Job be kawɔl 10:2

O Ebɔrɛ, sa maŋ kaŋ ji m bri ma loŋ! Manɛ be demu nɛ ma nɛ fo kɔ nɛ an ji ashi demujikpa?

Nshɛ 27:8

N yili ma kagbene to nna fanɛ meeŋ fin fo; amoso nɛ m pere kenishi nɛ n wu fo na.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Levitikɔs 26:26

Meeŋ ti ekpa nɛ menyee bɔla so a nya ajibi na, saŋɛ na so beche kudu beeŋ baa tɔ bumo be ebodobodo ashi ebodobodo be ebu koŋwule to. Baŋ baa karga amo nna a sa ekama, nɛ men we amo n loge gba, men kraa maaŋ moɛ.

Nɔmbɛs 27:21

Bɔrɛmatapowura Eliaza beeŋ baa ŋini mo kusɔ nɛ ma, Enyɛnpe Ebɔrɛ bee sha e ka bee wora. Loŋ e naŋ shin nɛ e baa tiŋ a juŋkpar Israɛlebi na a yɔ a ba.”

Joshuwa 7:1

Israɛlebi daŋ kini kenu n sa kusɔ nɛ Enyɛnpe Ebɔrɛ daŋ kaŋɛ fanɛ b sa maŋ kaŋ ta kusɔ kama ashi Jɛriko n lar na nna. Kanyɛn ko nɛ b daa tre Eekan daŋ wora n da kusɔ nɛ Enyɛnpe kaŋɛ na so nna. Ŋkpal loŋ so nɛ Enyɛnpe Ebɔrɛ nya agbo ga n wɔtɔ Israɛlebi na. Eekan mo tuto e daa la Kaami nɛ mo nananyɛn malɛ la Zabdi nɛ mo alɛ mo tuto daa la Zɛra nɛ e shi Juda be kanaŋ to na.

Joshuwa 9:20

Kusɔ nɛ anyeeŋ wora e la fanɛ, anyeeŋ shin nɛ b ji efute ŋkpal kɔnɔ nɛ an nase ere so, saŋɛ na so Ebɔrɛ be agbo maaŋ ba anyi so.”

Ruf be kawɔl 1:1

Jemanɛ nɛ demujipoana kraa juŋkpar Israɛl be efuli so ebi na be saŋko nɛ akoŋ tɔr efuli na so. Ndoŋ nna nɛ kanyɛn ko nɛ e shi Juda be kasawule so be kade nɛ baa tre Bɛtlɛhɛm na keta mbe eche nɛ mbinyɛnso anyɔ ŋ kaa n yɔ Mowab be efuli so nɛ b ya chena ndoŋ n wora nchɛnnyɔ.

1 Samuɛl 10:22

Ndoŋ nna nɛ b bishi Enyɛnpe Ebɔrɛ le: “Esa ko kraŋ naa wɔtɔ a?” Nɛ Enyɛnpe Ebɔrɛ kaŋɛ fanɛ Sɔɔl e ka, ama mo alɛ ŋana esulɔ na be kaman.

1 Samuɛl 23:11

Kiila be ndetobia na beeŋ ta ma n sa Sɔɔl a? Kashenteŋto nɛ Sɔɔl bee ba fanɛ kananɛ n nu ere a? Enyɛnpe nɛ fo la Israɛl be Ebɔrɛ, jande kaŋɛ ma kusɔ nɛ k la!” Nɛ Enyɛnpe Ebɔrɛ kaŋɛ le: “Mm Sɔɔl beeŋ ba.”

1 Samuɛl 23:2

nɛ e bishi Enyɛnpe Ebɔrɛ le: “N ya kɔ Filistiebi na kena a?” Nɛ Enyɛnpe Ebɔrɛ kaŋɛ le: “Mm, ya kɔ bumo kena nseŋ mɔlga Kiilaebi.”

1 Samuɛl 23:4

Amoso Deevid daŋ naŋ laŋɛ nna fanɛ m bishi Enyɛnpe Ebɔrɛ na kumo be asheŋ to nɛnɛ, nɛ Enyɛnpe Ebɔrɛ kaŋɛ mo le: “Ya kɔ Filistiebi na kena Kiila, ŋkpal manɛ so, meeŋ shin nɛ men kɔ m pɔɔ bumo so.”