2 Samuɛl 20:9 - EBƆRƐ BE KAWƆL

⁹ Nɛ Jɔab kaŋɛ Amasa le: “Ŋkurgepo, alenfia wɔtɔ a?” Nɛ e ta enɔ jisa m pɛ mbe katɔl to m ber mo to kashaso.

2 Samuɛl 20:9 ပူးပေါင်းရင်းမြစ်များ

2 Samuɛl 15:5

Esa kama nɛ e baŋ ba Absalɔm kutɔ nɛ e ba bunyaŋ mo, Absalɔm bee daŋ keshɛr mo to nna nseŋ chɔrɔ mo kashaso.

2 Samuɛl 17:25

Absalɔm daŋ ta Amasa nna n yili benapo na be enimu Jɔab be eyilikpa. Jɛta nɛ e la Ishmaɛl be kanaŋ to be esa na pibinyɛn e daa la Amasa. Nahaash be mbicheso e daa la Abigɛl, nɛ e la Amasa mo nio na nɛ Zeruwa nɛ mo alɛ la Jɔab mo nio na. Abigɛl mo sipo e daa la Zeruwa.

2 Samuɛl 18:29

Nɛ ewura na bishi le: “Absalɔm lar a?” Nɛ Ahimaaz yɛ: “Fo benapo be enimu Jɔab ka shuŋi ma na nɛ n nu kebagato be awɔr, ama ma alɛ maŋ pin kusɔ nɛ k la.”

2 Samuɛl 3:27

Abna ka ba na nɛ Jɔab keta mo n lar kabunagboŋ na ekpa fanɛ e ka bee sha nɛ e kuli m malga mo kutɔ na, nseŋ ta kasaŋɛ n da mbe epun nɛ e wu. Ŋkpal Abna ka mɔ Jɔab mo sipo Asahɛl so nɛ Jɔab malɛ mɔ mo na.

1 Bewura 2:32

Ŋkpal e ka mɔ Abna nɛ e la Israɛl be benapo be enimu nɛ Amasa nɛ mo alɛ la Juda be benapo be enimu nɛ n tuto ewura Deevid maŋ nyi na so, Enyɛnpe Ebɔrɛ beeŋ gberge mo kusoe.

Nshɛ 55:21

Mbe kamalga wɔ ebel nna fanɛ mushoŋ; ama kekishi e bɔlɔ mbe kagbene to nɛ e wora shiriya nɛ e ta tokobi ŋ kɔ ma.

Aŋasa 26:23

Kamalga belbelso nɛ nfɛra lubi wɔ kumo be kaman du nna fanɛ b ka ta shuwa n fɛfa ebɔ be kusɔ so nɛ k bee nyɛkpɛ na.

Aŋasa 27:6

Eteri lela be kefiɛso bɔ edoŋ ka lela fo so.

Jɛremaya 41:2

nɛ Ishmaɛl nɛ basa kudu nɛ b daa wɔ mo kutɔ na pee etokobi m mɔ Gɛdaliya.

Maika 7:2

Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Demujipoana 3:15

Ndoŋ nna nɛ Israɛlebi na naŋ shu n tre Enyɛnpe Ebɔrɛ na nɛ e naŋ sa bumo emɔlgapo nɛ baa tre mo Ehud, nɛ e la enapo nsaa la kanyɛn nɛ baa tre Gɛra, nɛ e shi Bɛnjamin be yiri to na pibinyɛn. Israɛlebi daŋ ta bumo be lampo nna n shuŋi Ehud fanɛ e ta n ya sa ewura Ɛglɔn nɛ e la Mowab be efuli so be ewura na.