2 Samuɛl 20:8 - EBƆRƐ BE KAWƆL

⁸ B ka bee yɔ n ya fo Gibiɔn be kefalta gboŋ na ase nɛ Amasa ba tu bumo ndoŋ. Jɔab malɛ daŋ buu mbe anasɔ nna nɛ mbe kasaŋɛbi wɔ kumo be efar to a chɛ mbe kashɛr to a chul. E ka bee ba Amasa kutɔ, nɛ mbe kasaŋɛbi na lar kumo be efar to n tɔr.

2 Samuɛl 20:8 ပူးပေါင်းရင်းမြစ်များ

2 Samuɛl 2:13

nɛ Jɔab nɛ mo nio la Zeruwa na malɛ keta Deevid be benapo nɛ bumo nɛ bumo ya tu abar ashi Gibiɔn be kepa na ase. Abna nɛ mbe basa daŋ yɔ kepa na be kaba ko so nna nɛ Jɔab malɛ nɛ mbe basa dii n yɔ kumo be kaba ko so.

2 Samuɛl 3:30

Jɔab nɛ mo sipo Abishai e daŋ wora kɔnɔ m mɔ Abna ŋkpal e ka mɔ bumo sipo Asahɛl ashi Gibiɔn be kena to so.

Matiu 3:4

Nyɔma be afuibi be kusɔbuuso nɛ Jɔn daŋ buu ŋ kre kawɔl be kreso kashɛr to. Elotɔr nɛ mushoŋ nɛ e daa ji.

Demujipoana 3:16

Ama pɔɛŋ nɛ Ehud yɔ na, e daŋ bɛl tokobi ji nnɔ nyɔ nna, nɛ kumo be nteŋ sa fanɛ keyadra koŋwule nɛ bargato, ŋ kre m mata mbe jisa be kebembi nseŋ buu piŋi n deŋi so.