2 Samuɛl 20:26 - EBƆRƐ BE KAWƆL

²⁶ Nɛ Ira nɛ e shi Jaari be kade to na daa la ewura Deevid be bɔrɛmatapo.

2 Samuɛl 20:26 ပူးပေါင်းရင်းမြစ်များ

Jɛnesis 41:43

E ka wora Josɛf loŋ na nɛ e shin nɛ b ta mo gbaŋɛturko to nɛ basa ko juŋkpar mo a ponte to a kaŋɛ: “Men baa bunyaŋ mo, men baa bunyaŋ mo!” Nɛ k ŋini fanɛ mbe eyilikpa e bɛ Fɛɛro so. Ade kikɛ nɛ Fɛɛro daŋ wora n shin nɛ Josɛf ki Ijipt be kasawule na kikɛ so be ekenipo.

Jɛnesis 41:45

Ade kikɛ be kaman nɛ Fɛɛro sa Josɛf ketre Zafenat Panea nseŋ ta On be kegbirwura Potifera pibiche nɛ baa tre Asenat na n sa mo fanɛ e baa la mbe eche. Josɛf ka nya loŋ be eyilikpa na nɛ e fara a nite Ijipt be efuli na kikɛ so.

2 Samuɛl 20:25

Shiiva malɛ e daa la bumo be demujikpa be esibɛpo, Zadɔk nɛ Abiata e daa la bɔrɛmatapoana.

2 Samuɛl 21:1

Saŋɛ nɛ Deevid la ewura na nɛ akoŋgboŋ ko daŋ tɔr nfɛ asa. Ndoŋ nna nɛ Deevid bishi Enyɛnpe Ebɔrɛ kusɔ nɛ e beeŋ wora a laŋɛ akoŋ na be kaplɛa so. Nɛ Enyɛnpe Ebɔrɛ kaŋɛ mo le: “Ewura Sɔɔl nɛ mbe kanaŋ wora kulubi ŋkpal b ka mɔ Gibiɔnebi so.”

2 Samuɛl 8:18

Jehowada pibinyɛn Bɛnaya e daa la esa nɛ e bee kuŋ ewura Deevid. Ewura Deevid malɛ be mbinyɛnsobi e daa la mbe asoetojipoana.

1 Bewura 4:5

Esa nɛ e daa la abane na be abonfu abonfu be bejuŋkparpo be enimu gboŋ e daa la Neetan pibinyɛn Azariya, nɛ bɔrɛmatapo Zabud nɛ mo alɛ gba la Neetan pibinyɛn na malɛ la bewura be asoetojipo.

2 Kronikɛls 35:15

Livaiebi nɛ b la beshɛbompo nsaa shi Asaf be kabuna na bre daa wɔ kaboŋ nɛ ewura Deevid nɛ Asaf nɛ Heman nɛ Jedutum nɛ e la ewura Deevid be anebi na daŋ yili fanɛ b baa wɔ na nna. Bekumpo nɛ baa keni bɔrɛlambu na be mbuna so na gba daa maŋ yige bumo be ashuŋ, ŋkpal bumo braana Livaiebi na ka shuŋ kebansonchoŋ be kejigboŋ na be kushuŋ n sa bumo so.

Ɛksodɔs 2:14

Nɛ emo nɛ e daŋ fara kolu na bishi Mosis le: “Wanɛ e ta fo ŋ ki anyi be enimu nɛ anyi be demujipo? Ŋko, fee sha kemɔ ma alɛ gba nna fanɛ kananɛ fo daŋ mɔ Ijipt be esa na a?” Ndoŋ nna nɛ kufu pɛ Mosis nɛ e kaŋɛ mbe kumu: “To, k baŋ di efuli nna na fanɛ basa pin kusɔ nɛ n wora na.”

Ɛksodɔs 2:16

Nɛ Jetro nɛ e daa la bɔrɛmatapo ashi Midian na be mbichebi ashunu ba nɛ b ba jɔ nchu ketirbu na to n wɔtɔ asɔbɔya be asɔnuunchu to n sa bumo tuto be mbolpɔ nɛ mboe.

Ɛksodɔs 24:11

Ama Ebɔrɛ daa maŋ teŋi mbe enɔ m bar tɔrɔ Israɛl be bejuŋkparpo na be ekama so. B daŋ wu mo kenishiso nseŋ kraa wɔtɔ a ji a nuu.

Ditɛronɔmi 3:14

Ndoŋ nna nɛ kanyɛn nɛ baa tre Jaiya nɛ e shi Manase be yiri to na malɛ ta Agob be efuli so be kebonfugboŋ be kasawule na kikɛ, yili Bashan hale n ya lar Gɛshɔr nɛ Maaka be basa be egbaŋ to. (Jaiya daŋ ta mbe ketre nna n nase ndewurbi na kikɛ, hale nɛ mbre baa tre amo Jaiya be ndewurbi nna.)