2 Samuɛl 20:22 - EBƆRƐ BE KAWƆL

²² Ndoŋ nna nɛ e yɔ kade na be basa kutɔ nɛ mo nɛ bumo kre ŋkre nɛ b ku Shɛba be kumu n ta kumo ŋ kpa egbal na be kaman n sa Jɔab. Nɛ Jɔab foŋ kabel a ŋini fanɛ mbe benapo na e lar kade na to. Benapo na ka lar n choŋ epe nɛ Jɔab malɛ bɛta n yɔ ewura Deevid kutɔ ashi Jerusalɛm.

2 Samuɛl 20:22 ပူးပေါင်းရင်းမြစ်များ

2 Samuɛl 18:16

Ndoŋ nna nɛ Jɔab ponte ŋ kaŋɛ fanɛ b foŋ kabel nɛ kena na a ku, saŋɛ na so mbe benapo maaŋ naa shile a bɛ Absalɔm be bebɛsopo na so.

2 Samuɛl 18:17

Kumo be kaman nɛ b ta Absalɔm b kebuni n ya lɛ kupo na to be kejamaŋ chiŋgeliŋ ko to nseŋ muu ajembu gboŋgboŋi damta n deŋi mo so kululu. Loŋ be jemanɛ na so nɛ Absalɔm be bebɛsopo na kikɛ pɛ ekpa n shile n yɔ bumo peana.

2 Samuɛl 2:28

Kumo be kaman nɛ Jɔab foŋ kabel nɛ mbe basa yige kebaaju a bɛ Israɛlebi na so. Ndoŋ nna nɛ kolu na ku.

2 Samuɛl 20:1

Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

2 Samuɛl 20:16

Kache nyiashempo ko malɛ daa wɔ kade na to nseŋ yili egbal na so a wora awɔr a kaŋɛ le: “Keni nfe; Kaŋɛ Jɔab nɛ e ba nfe, ŋkpal manɛ so mee sha k malga mo kutɔ nna.”

Kaŋinichiŋgeliŋ 7:19

Kusɔ nɛ esa nɛ e kɔ kanyiasheŋ beeŋ tiŋ n wora, bejuŋkparpo kudu maaŋ tiŋ n wora kumo n sa bumo be kade.

Kaŋinichiŋgeliŋ 8:11

Kulubi be kasogberge baa maa ba manaŋ manaŋ, k bee shin nɛ basa be ŋgbene bee laŋɛ kulubi be kewora so nna.