2 Samuɛl 20:21 - EBƆRƐ BE KAWƆL

²¹ Ŋkpal manɛ so, anyi ere maŋ kɔ loŋ be nfɛra. Bikri pibinyɛn Shɛba nɛ e shi kebee so be kade ko nɛ k wɔ Efrayim na e nyaŋɛto a kɔ ewura Deevid. Fo baŋ tiŋ n nya mo n sa ma bre, kumo ere ma alɛ maaŋ naŋ wora menyi be kade na shɛŋ.” Nɛ kache na yɛ: “Anyi beeŋ ta mbe kumu ŋ kpa egbal na be kaman n sa menyi.”

2 Samuɛl 20:21 ပူးပေါင်းရင်းမြစ်များ

2 Samuɛl 20:1

Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

2 Samuɛl 20:2

Ndoŋ nna nɛ Israɛl be basa na shile ewura Deevid n ya bɛ Shɛba so, ama Juda be basa na bre daŋ bugi kagbene nna m bɛ Deevid so ashi Jɔɔdan be Lɔr na ase kikɛ hale n ya fo Jerusalɛm.

2 Samuɛl 20:20

Nɛ Jɔab kaŋɛ le: “Kaarɛ gba! Maa ba nɛ m bure ŋko m mur kade ere kikɛ!

2 Samuɛl 23:18

Jɔab mo sipo Abishai nɛ mo nio la Zeruwa na e daa la benapo lempo adesa nɛ bumo be atre daŋ dii na to be ejuŋkparpo. E daŋ ta mbe kekpa nna ŋ kɔ benyɛn alfa asa m mɔ bumo kikɛ nɛ mbe ketre dii fanɛ benapo lempo asa nɛ bumo be atre daŋ dii a chɔɔ ekama na.

1 Bewura 11:26

Nebat pibinyɛn Jeroboam nɛ e shi Efrayim be kade ko nɛ baa tre Zereda nseŋ daa la ewura Sɔlɔmɔn be benimuana na be eko na gba daŋ kilgi nna ŋ ki ewura Sɔlɔmɔn mo doŋ. Mo nio Zeruwa daa la ekulpoche nna.

2 Bewura 10:7

B ka kraŋ ewura Jehu be kawɔl na nɛ Samɛria be bejuŋkparpoana na mɔ Ahab be kaman to ebi adushunu na nseŋ ku bumo be amu n wɔtɔ nlantaŋɛ to n ya sa Jehu ashi Jizreel.

2 Bewura 5:22

Nɛ Gehazi kaŋɛ: “N nyɛnpe e shuŋi ma fanɛ ŋ kaŋɛ fo fanɛ anebiana be katuŋ ko be basa anyɔ e shi Efrayim be kebee be efuli so m ba. Amoso e bee sha fanɛ fo sa bumo gbiti be ndarbi ŋgboŋ asa nɛ ewajɛ lela malɛ be yiri yiri mpɔ anyɔ.”

Jɛremaya 4:15

Mbɔ shi Dan be kadegboŋ to nɛ Efrayim be abeesawule nɛ e wɔ kelargato be esoso be kaba so a ber baru lubi be kebomboŋ a ba.

Jɛremaya 50:19

Ama meeŋ naŋ bɛta Israɛl be basa na m ba bumo be kasawule so. Baaŋ dɔ adɔjibi kama nɛ baa sha ashi Kaamɛl be kebee nɛ k mata Mɛditerenia be Teku na nɛ Bashan be kebonfu nɛ k wɔ Jɔɔdan be lɔr na be epeŋilarkpa be kaba so na nɛ Efrayim nɛ Giliad be apreŋsawule so n ji kanaŋkama nɛ baa sha.

Joshuwa 24:33

Nɛ Ɛɛrɔn pibinyɛn Eliaza wu nɛ b ta mo n ya puli Gibia nɛ k wɔ Efrayim be abee be efuli so na. Ndoŋ nɛ b daŋ ta n sa mo pibinyɛn Finihas na.

Demujipoana 2:9

Mo gbagba be kasawule nɛ k wɔ kakpa nɛ baa tre Timnaf Hɛrɛs na nɛ b daŋ puli mo. Kasawule na daa wɔ efuli nɛ baa tre Efrayim be kebeesawule so a laŋɛ kebee nɛ baa tre Gaash na be kelargato be esoso na be kaba so nna.

Demujipoana 7:24

Nɛ Gidiɔn shuŋi mbɔ Efrayimebi nɛ b chena kebeesawule so na kutɔ ŋ kaŋɛ: “Men gbelge to m ba kɔ Midianebi na. Men baa kuŋ bumo nɛ b sa maŋ nya n dii Jɔɔdan nɛ mbombi nɛ a wɔ Bɛf Bara na.” Ndoŋ nna nɛ Efrayimebi na lar n ya yili Jɔɔdan be lɔr na ase a kuŋ hale n ya fo Bɛf Bara.

Demujipoana 9:55

Israɛlebi na ka wu fanɛ Abimelɛk wu naniere bre nɛ b yɔ bumo peana.

1 Samuɛl 24:6

Ndoŋ nna nɛ e kaŋɛ mbe basa na le: “Enyɛnpe Ebɔrɛ e baa pete ma nɛ n wora n nyɛnpe nɛ Enyɛnpe Ebɔrɛ lara fanɛ ewura kulubi. K maŋ daga fanɛ n wora mo kulubi kikɛ!”

1 Samuɛl 26:9

Ama le nɛ Deevid daŋ kaŋɛ mo: “Sa maŋ kaŋ mɔ mo! Enyɛnpe Ebɔrɛ na beeŋ gberge esa kama nɛ e beeŋ mɔ mbe ewura laraso kusoe.