2 Samuɛl 20:2 - EBƆRƐ BE KAWƆL

² Ndoŋ nna nɛ Israɛl be basa na shile ewura Deevid n ya bɛ Shɛba so, ama Juda be basa na bre daŋ bugi kagbene nna m bɛ Deevid so ashi Jɔɔdan be Lɔr na ase kikɛ hale n ya fo Jerusalɛm.

2 Samuɛl 20:2 ပူးပေါင်းရင်းမြစ်များ

2 Samuɛl 19:15

Ewura na ka bɛta a ba nɛ e ba tu Juda be basa ko ashi Gilgaal nɛ baa ba Jɔɔdan be lɔr na to nɛ b ba keta mo n dii.

2 Samuɛl 20:1

Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

2 Samuɛl 20:21

Ŋkpal manɛ so, anyi ere maŋ kɔ loŋ be nfɛra. Bikri pibinyɛn Shɛba nɛ e shi kebee so be kade ko nɛ k wɔ Efrayim na e nyaŋɛto a kɔ ewura Deevid. Fo baŋ tiŋ n nya mo n sa ma bre, kumo ere ma alɛ maaŋ naŋ wora menyi be kade na shɛŋ.” Nɛ kache na yɛ: “Anyi beeŋ ta mbe kumu ŋ kpa egbal na be kaman n sa menyi.”

2 Samuɛl 20:3

Ewura Deevid daŋ shin nna nɛ mo jipoana kudu na bee keni mbe laŋ so ashi Jerusalɛm. Ama e kaŋ naŋ bɛta m ba na nɛ e shin nɛ b yɛr bumo n ya wɔtɔ laŋ pɔtɛ to nseŋ shin nɛ bekumpo bee keni bumo so. E daa sa bumo kusɔ kama nɛ k tir bumo ama mo alɛ nɛ bumo daa maŋ di keche nɛ kenyɛn. Bumo alɛ daŋ baa wɔ laŋ na to nna fanɛ bekulpoche hale n ya fo bumo luwu be jemanɛ.

1 Bewura 12:20

Ndoŋ nna nɛ Israɛlebi na tre Jeroboam nɛ e shi Ijipt be efuli so m bɛta m ba Jerusalɛm na m buu mo Israɛl be kuwura. Nɛ Juda nɛ Bɛnjamin be eyiri na nawule ka a bɛ ewura Deevid be kaman to ebi so.

2 Kronikɛls 10:17

nɛ Juda be kaba so nawule ebi sɔ Rehoboam fanɛ bumo be ewura.

Nshɛ 62:9

Anyi edimɛdi baa du fanɛ esa ka fute afu nna. Anyi be ekama maŋ la shɛŋ. Anyi kikɛ be egbɛ maŋ fo esa be efute be egbɛ so.

Aŋasa 17:14

Emɔrɔ be kefara du fanɛ nchu be gbi ka bee shin nɛ k futi nna. Lar kamɔrɔji to manaŋ pɔɛŋ nɛ k kurge asheŋ n sa fo.

Ashuŋ Shunso 11:23

E ka ba ndoŋ m ba wu kananɛ Ebɔrɛ nɛfa basa na nɛ mbe kagbene fuli mo ga nɛ e leŋ bumo kikɛ to fanɛ b bugi bumo be ŋgbene kikɛ kashenteŋto a nu a sa Enyɛnpe na.