2 Samuɛl 20:19 - EBƆRƐ BE KAWƆL

¹⁹ Kadegboŋ nɛ kagbenewushi be kade e la anyi be kade ere ashi Israɛl kikɛ nɛ feeŋ tiŋ n yirda kumo be basa. Amoso manɛ e ba nɛ menyee sha k jija kade nɛ k du fanɛ enio ashi Israɛl, ŋko menyee sha nna nɛ meeŋ mur kusɔ nɛ k la Enyɛnpe Ebɔrɛ peya?”

2 Samuɛl 20:19 ပူးပေါင်းရင်းမြစ်များ

Jɛnesis 18:23

Ndoŋ nna nɛ Eebraham firgi n taga Enyɛnpe na to nseŋ bishi mo le: “Enyɛnpe, ama fo baa yɔ nna nɛ fo ya mur basa nɛ b niŋi nɛ alubiworapoana kikɛ nna a?

2 Samuɛl 14:16

Ma alɛ naa fɛ nna fanɛ feeŋ nu n sa ma nseŋ mɔlga ma nɛ ma pibinyɛn ashi basa nɛ baa sha kemɔ anyi n sɔ kasawule nɛ Ebɔrɛ ta n sa anyi na be enɔ to.

2 Samuɛl 17:16

Kumo be kaman nɛ e kaŋɛ bumo fanɛ b wora manaŋ n ya kaŋɛ Deevid fanɛ e sa maŋ kaŋ dese Jɔɔdan be lɔr na be kɔnɔ ase, ama e dii kumo manaŋ, saŋɛ na so b maaŋ nya mo nɛ mbe basa m mɔ.”

2 Samuɛl 20:18

Nɛ kache na kaŋɛ le: “Dra na, b daa kaŋɛ nna fanɛ nɛ fee sha k wu fo asheŋ be anishi kumo ere fo yɔ Abel, loŋ malɛ gbagba na e naa wora na.

2 Samuɛl 20:20

Nɛ Jɔab kaŋɛ le: “Kaarɛ gba! Maa ba nɛ m bure ŋko m mur kade ere kikɛ!

2 Samuɛl 21:3

Ndoŋ nna nɛ Deevid tre Gibiɔnebi na ŋ kaŋɛ bumo le: “Manɛ nɛ menyee sha ŋ ka wora nɛ k wushi menyi kagbene ŋkpal kusɔ nɛ Sɔɔl wora na so, saŋɛ na so menyeeŋ kule Ebɔrɛ nɛ e wu anyi mbe basa kuwɔr?”

1 Bewura 8:53

Fo ka lara an nananyɛnana ashi Ijipt be kasawule so na, nɛ fo kaŋɛ fo kayɛrbi Mosis fanɛ durnya ere kikɛ to, Israɛlebi nɛ fo lara fanɛ b baa la fo basa.”

Nshɛ 106:5

Shin nɛ n ti fo basa laraso so n nyalɛ, saŋɛ na so ma alɛ gba beeŋ ji eyur fanɛ kananɛ baa ji eyur kagbenefuliso ŋkpal b ka la fo basa so na.

Nshɛ 124:3

B daa sha kemɔ anyi kikɛ nna m mur, ŋkpal b ka daŋ nya agbo ga so.

Nshɛ 33:12

Kagbenefuli la efuli kama so ebi nɛ bumo be Ebɔrɛ la Enyɛnpe na peya nna. Kagbenefuli la bekama nɛ e lara fanɛ b baa la mbe basa na peya nna.

Nshɛ 78:71

Mbolpɔ na be kekpa to nɛ e daa wɔ nɛ Ebɔrɛ lara mo nseŋ buu mo Israɛl be kuwura nɛ e baa juŋkpar mbe basa nɛ b la Jeekɔb be kaman to ebi na.

Jɛremaya 51:34

Ndoŋ nna nɛ Jerusalɛm be basa kaŋɛ le: “Babilɔn be ewura Nebukadneeza shin nɛ kufugboŋ tɔr anyi so. E suge anyi be kadegboŋ na to be asɔ lela kikɛ ŋ ki mo peya fanɛ kuwɔ ka min kusɔ na. Asɔ nɛ e bee sha nɛ e suge n ta, nseŋ ta amo nɛ a ka na n lɛ.

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Nfabel 2:16

Menyi doŋana kikɛ bee mushe nna a wora menyi eyurto, nsaa gbɛlɛ menyi yurkishi so. Baa mɛr nnɔ nna nsaa kaŋɛ le: “An mur kumo! Kachɛ nɛ an baa jo na nna na!”

Nfabel 2:2

Enyɛnpe Ebɔrɛ na daŋ maŋ wu ndekarso nɛ a wɔ Juda be efuli so na kikɛ kuwɔr nseŋ shin nɛ a mur. E daŋ shin nɛ mboŋ lempoana nɛ a daa kuŋ kasawule na kikɛ bure n tɔr nna, nseŋ shin nɛ efuli na nɛ bejuŋkparpoana kikɛ ji anishinyɔr.

Nfabel 2:5

Enyɛnpe Ebɔrɛ na daŋ mur Israɛl nna fanɛ edoŋ na, nseŋ daŋ shin nɛ kumo be mboŋ lempoana nɛ ewurkpaana ki alambure a dese. N naŋ shin nɛ kebɔltofinfin nɛ kushu naŋ wora keshi n ti so n sa Juda be efuli so be basa.

Nɔmbɛs 16:32

n ta Deetan nɛ Abiram nɛ Koora nɛ bumo be kanaŋ kikɛ nɛ bumo be mpetɛ kikɛ m min.

Nɔmbɛs 26:10

Bumo nɛ Koora nɛ kasawule daŋ baŋɛ to n ta m min, nɛ edɛ chɔɔ benyɛn alfa anyɔ nɛ adunu nɛ b daa bɛ Koora so loŋ be jemanɛ na, nɛ k la kefiɛso n sa Israɛlebi nɛ b ka na.

1 Kɔrintebi 15:54

Amoso, nɛ eyur nɛ k bee mur ere baŋ ki eyur mo nɛ k maa mur na nɛ eyur nɛ k bee wu ere malɛ ki eyur nɛ k maa wu na, kumo ere kusɔ nɛ abɔrɛsibɛ na bee kaŋɛ na bee bɔla ekpa nna na fanɛ: “Naniere luwu mur. Kekɔmpɔɔso e ka.

2 Kɔrintebi 5:4

Ŋkpal manɛ so, an ka kraa wɔ eyur mo nɛ k du fanɛ wajɛbu ere to bre, anyee shu to nna nsaa wɔ kafɔŋ to, ŋkpal manɛ so, an maa sha fanɛ an delge so. Anyee sha fanɛ an buu anyi be ebɔrɛso be kusɔbuuso nna, saŋɛ na so ŋkpa beeŋ mur kusɔ nɛ k beeŋ wu na kikɛ nyam.

Ditɛronɔmi 20:10

Pɔɛŋ nɛ menyeeŋ kɔ kade ko to be basa kena, menyeeŋ juŋkpar n sa bumo ekpa nɛ b shuli fanɛ b tuba nna.

Ditɛronɔmi 32:9

E lara Jeekɔb be kenana bre nna n sa mbe kumu.

1 Timoti 2:2

B baa wora asheŋ ere a sa basa kikɛ, fɔnfɔŋ bewura nɛ basa nɛ b wɔ kenimu be yiri kikɛ to na. Loŋ e naaŋ shin nɛ an baa wɔ abɔrɛsheŋ be kebaawɔtɔ to boeŋ nɛ bunyaŋ nsaa kɔ kagbenewushi.

Demujipoana 5:7

nɛ basa nɛ b wɔ ndekarso maaŋ naŋ tiŋ n shuŋ bumo be adɔana to. Ndoŋ nna nɛ ma, Dɛbora ba sɔ kejuŋkpar, a kuŋ Israɛl fanɛ kananɛ enio bee kuŋ mbe mbia na.

1 Samuɛl 10:1

Ndoŋ nna nɛ Samuɛl ta ɔlif be ŋku kɔlbabi to n chulgi n wurge Sɔɔl be kumu so nseŋ chɔrɔ mo fanɛ kananɛ baa chɔrɔ ewura na ŋ kaŋɛ le: “Enyɛnpe Ebɔrɛ na e lara fo fanɛ mbe basa Israɛlebi be ejuŋkparpo. Feeŋ baa juŋkpar mbe basa a kuŋ bumo ashi bumo doŋana kikɛ kutɔ. Kusɔ nɛ ŋ kaŋɛ ere be tɔɔnɛ nɛ feeŋ wu nde:

1 Samuɛl 26:19

Yiramu, nu kusɔ nɛ mee sha nɛ ŋ kaŋɛ fo ere! Nɛ fanɛ Enyɛnpe Ebɔrɛ na e shin nɛ fee kɔ ma, kumo ere meeŋ lara sarga n sa mo nɛ e chɛrga mbe nfɛra. Nɛ fanɛ dimɛdi malɛ e naa wora loŋ, Enyɛnpe Ebɔrɛ be kɔnɔsho na e pɛ amodoŋwura. Ŋkpal manɛ so, b ju ma ashi Enyɛnpe Ebɔrɛ be kasawule so n ya lɛ nnyamase be efuli so, kakpa nɛ m maaŋ tiŋ n shuŋ Ebɔrɛ.