2 Samuɛl 20:15 - EBƆRƐ BE KAWƆL

¹⁵ Jɔab be basa na ka nu fanɛ Shɛba wɔ kade na to na nɛ b yɔ n ya kulti kumo n wɔtɔ nseŋ gbare shishɛr n deŋi abar so egbal na be kaman nɛ benapo na e ba bɔla amoso a luri kade na to nseŋ fara n ta ndibi gbɛgbɛso a da egbal na nɛ b futi kumo n luri.

2 Samuɛl 20:15 ပူးပေါင်းရင်းမြစ်များ

2 Samuɛl 20:14

Shɛba daŋ bɔla Israɛl be nnaŋ na kikɛ be efuli so nna n yɔ Abel Bɛf Maaka. Ndoŋ nna nɛ Bikri be kanaŋ to ebi na malɛ ba abar so m bɛ mo so n luri kade to.

1 Bewura 15:20

Nɛ ewura Bɛnhadad shuli kusɔ nɛ Asa kaŋɛ na nseŋ shuŋi mbe benapo nɛ bumo be benimu fanɛ b ya kɔ Israɛl be ndegboŋana na. Ndoŋ nna nɛ b ya kɔ m pɔɔ Ijɔn nɛ Dan nɛ Abel Bɛf Maaka nɛ efuli nɛ k wɔ Galili be teku na be kaba so nɛ Naftali be efuli so kikɛ.

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

2 Bewura 19:32

Kusɔ nɛ Enyɛnpe Ebɔrɛ na kaŋɛ a laŋɛ Asiriya be ewurgboŋ na be kaplɛa so nde: ‘E maaŋ nya n luri kadegboŋ ere to ŋko n to kumo ketanyembi koŋwule gba. Benapo nɛ b keta abɛlso be asɔ kuŋamuso maaŋ taga to kadegboŋ na, bumo alɛ maaŋ nya n dɔ ashigboŋ nɛ baaŋ dii so n luri kumo to ŋko ŋ kulti kumo n wɔtɔ kikɛ.

Kaŋinichiŋgeliŋ 9:14

Kadebi ko nɛ kumo to be basa daa maŋ shibi e daa wɔtɔ. Nɛ ewura lempo ko nɛ mbe benapo daŋ ba kulti kumo n wɔtɔ a shin nɛ b bure kumo be egbal n luri to ŋ kɔ kumo kena.

Aizaaya 37:33

Kusɔ nɛ Enyɛnpe Ebɔrɛ na kaŋɛ a laŋɛ Asiriya be ewurgboŋ na be kaplɛa so nde. E yɛ: ‘Asiriya be ewurgboŋ maaŋ nya n luri kadegboŋ na to ŋko n to ketanyembi koŋwule gba ashi kumo to. Mbe benapo nɛ b keta abɛlso be asɔ kuŋamuso a kuŋ bumo be amu maaŋ taga kadegboŋ na to. Bumo alɛ maaŋ nya n dɔ ashigboŋ ŋ kulti kumo kikɛ n wɔtɔ m bɔla amo so n dii n luri kumo to.

Jɛremaya 32:24

Babilɔnebi na daŋ ba dɔ ashigboŋ nna m mata egbal nɛ k kulti Jerusalɛm na nna nɛ b dii so n luri to ŋ kɔ kumo kena. Kena na nɛ akoŋ nɛ alɔ e naaŋ shin nɛ b tiŋ ŋ kɔ n sɔ kadegboŋ na. Kusɔ kama nɛ fo kaŋɛ na bɔlɔ so kashenteŋto.

Jɛremaya 33:4

Kusɔ nɛ ma, Enyɛnpe, Israɛl be Ebɔrɛ na bee kaŋɛ a laŋɛ nwu nɛ a wɔ Jerusalɛm to nɛ Juda be ewurkpaana nɛ bumo gbagba daŋ bure n ta n ti egbal na be mboŋ nɛ a bure na saŋɛ na so Babilɔn be benapo nɛ b ba kulti kadegboŋ na n wɔtɔ a sha kekɔ kumo kena na maaŋ nya n luri na be kaplɛa so nde:

Jɛremaya 6:6

Kede be kaman, nɛ Enyɛnpetale Ebɔrɛ na e kaŋɛ bewura na fanɛ b ku ndibi n yuu ajaŋ m mata egbal nɛ k kulti Jerusalɛm na nɛ benapo na e dii so n luri kadegboŋ na to. Ŋkpal manɛ so, e yɛ: “Meeŋ gberge basa nɛ b wɔ kadegboŋ ere to kusoe ŋkpal b ka bee kɔrfɛ bumo braana na so.

Ezikɛl 4:2

Kumo be kaman nɛ fo wora asɔ ŋ kulti kumo fanɛ b ka kre kena ŋ kulti kumo n wɔtɔ na. Gbare shishɛr n deŋi abar so m mata kumo be egbal nɛ k kulti kumo na fanɛ kananɛ benapo beeŋ wora n dii so n luri kade to na, nseŋ wora ndibi gbɛgbɛso nɛ baaŋ ta n da egbal na n futi na nseŋ wora benapo be keeyi to be efoto m mata ebɔ be kuboo paŋgelambi na.

Luuk 19:43

Ŋkpal manɛ so, saŋko beeŋ ba nɛ men doŋana e ba pɔr egbal ŋ kulti menyi be kade ere nseŋ chambɔ kaba kama so ŋ kulti kade na