2 Samuɛl 20:13 - EBƆRƐ BE KAWƆL

¹³ B ka lɔŋɛ kebuni na ekpa na to n nase na so, benapo na maŋ naŋ ba ka shir a yili. B daŋ baa bɛ Jɔab so nna a shile a ju Shɛba.

2 Samuɛl 20:13 ပူးပေါင်းရင်းမြစ်များ

2 Samuɛl 20:1

Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

2 Samuɛl 20:11

Nɛ Jɔab be basa na be eko ba yili Amasa be kebuni na ase ŋ kaŋɛ awɔrso le: “Ekama nɛ e nyi fanɛ Jɔab nɛ Deevid nɛ e bɛso, kumo ere e bɛ Jɔab so!”

2 Samuɛl 20:14

Shɛba daŋ bɔla Israɛl be nnaŋ na kikɛ be efuli so nna n yɔ Abel Bɛf Maaka. Ndoŋ nna nɛ Bikri be kanaŋ to ebi na malɛ ba abar so m bɛ mo so n luri kade to.

2 Bewura 18:17

Ndoŋ nna nɛ Asiriya be ewura na kaŋɛ mbe benapo be ejuŋkparpo fanɛ e lar kade nɛ baa tre Lackish na nseŋ keta benapo damta n yɔ Jerusalɛm n ya kɔ ewura Hɛzekaya kena. Benapo be bejuŋkparpogboŋ asa na e daŋ yɔ n ya yili ekpa nɛ k mata ewajɛluepoana be eshuŋkpa nɛ k dese ŋ kra kuchubɔr nɛ b kur nɛ nchu bee shi esoso be Kepa na to a bɔla a yɔ kade na to na.

Aŋasa 16:17

Basa lela bee gelge alubi be ekpa nna. Esa nɛ e da ekpa nɛ e bee bɔla so so beeŋ kuŋ mbe ŋkpa.

Aizaaya 36:2

Ndoŋ nna nɛ Asiriya be ewura na kaŋɛ mbe benapo be ejuŋkparpo fanɛ e lar kadegboŋ nɛ baa tre Lackish na nseŋ keta benapo damta n yɔ Jerusalɛm to. Benapo be ejuŋkparpo na daŋ ya yili ekpa nɛ k mata ewajɛluepoana be eshuŋkpa nɛ k dese ŋ kra nchu be kubɔr nɛ b kur nɛ nchu bee shi Esoso be Kepa na to a bɔla kumo to na nna.

Aizaaya 62:10

Jerusalɛmebi, men lar kadegboŋ na to n ya lɔŋɛ ekpa n sa menyi be basa nɛ baa bɛta a ba na! Men lɔŋɛ ekpagboŋ nɛ ajembu e sa maa wɔ kumo so. Kumo be kaman nɛ men yili tuta nɛ k baa la tɔɔnɛ n sa efuli pɔtɛana na nɛ b tiŋ n wu ekpa m bɔla so.

Aizaaya 7:3

Ndoŋ nna nɛ Enyɛnpe Ebɔrɛ na kaŋɛ anebi Aizaaya le: “Keta fo pibinyɛn nɛ baa tre Shiya Jashub nɛ kumo be kifito la Basa gbrɛbi e naaŋ bɛta m ba na, nɛ men yɔ ewura Ahaz kutɔ. Menyeeŋ ya wu mo ashi ekpa nɛ k dese m mata kɔrɛwuraana na be eshuŋkpa nɛ k wɔ nchu be kubɔr nɛ k shi esoso a ba kadegboŋ na be lalaloge to na ase.

Jɛremaya 31:21

Men chiya abɔrdia n dulgi ekpa nɛ menyeeŋ bɔla so n yɔ na. Israɛl be basa, men bɛta m ba epe; men bɛta m ba nde nɛ men lar amo to n yɔ na.

Nɔmbɛs 20:19

Nɛ Israɛlebi na kaŋɛ le: “Anyeeŋ baa nite kegbembi so a yɔ. Nɛ anyi be ekama ŋko kusɔbɔya kaŋ nuu menyi be nchu, anyeeŋ ka kumo be kukɔ. An baa sha nɛ an bɔla ndoŋ nna n choŋ nawule.”

Maak 10:46

Kachako Yesu nɛ mbe bebɛsopo ba Jɛriko nsaa lar kade na to nɛ jimaŋ damta bɛ bumo so. Saŋɛ na so nɛ tanponyɛn ko nɛ baa tre Baatimeeyes, Timeeyes pibi daa tase ekpakar a kule.

Demujipoana 21:19

Kumo be kaman nɛ b bar le be nfɛra ere: “Enyɛnpe Ebɔrɛ na be kafɛ kafɛ be kachɛgboŋ na maaŋ naŋ chɛr nɛ b ji kumo ashi kade nɛ baa tre Shilo na.” Shilo daa dese kakpa nɛ baa tre Bɛtɛl na be kelargato be esoso be kaba so, nɛ Lebona be kelargato be kaseto be kaba so nna. Kumo alɛ nseŋ naa dese ekpa nɛ k wɔ Bɛtɛl nɛ Shɛkɛm be kefɛato be epeŋilarkpa na.

1 Samuɛl 6:12

Nɛ enache na bɔla Bɛf Shimɛsh be ekpa n niŋi tinini a shu a yɔ. Nɛ Filisti be bewura anu na bɛ bumo so hale n ya ka taga to Bɛf Shimɛsh be kade to.