2 Samuɛl 20:1 - EBƆRƐ BE KAWƆL

¹ Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

2 Samuɛl 20:1 ပူးပေါင်းရင်းမြစ်များ

Jɛnesis 46:21

Bɛnjamin malɛ be mbia e daa la Bela nɛ Bekaa nɛ Ashbel nɛ Gera nɛ Naaman nɛ Ehai nɛ Rosh nɛ Mupim nɛ Hupim nɛ Ard.

2 Samuɛl 15:10

nseŋ ya shuŋi mbɔ Israɛl be kanaŋ na be kekama to fanɛ b ya kaŋɛ bumo le: “Men kaŋ baŋ nu mbel ka bee shu, men baa ponte a kaŋɛ: ‘Absalɔm e ki Hibrɔn be ewura!’ ”

2 Samuɛl 16:11

Kede be kaman nɛ Deevid kaŋɛ Abishai nɛ mbe benimuana na le: “M pibinyɛn gbagba e naa fin ma nɛ e mɔ na, amoso men sa maŋ shin nɛ kusɔ nɛ Bɛnjamin be esa ere wora ere gba a tir menyi. Nɛ kashenteŋ nna fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, kumo ere fo yige mo nɛ e baa wora.

2 Samuɛl 16:7

Shimei daŋ sho mo kɔnɔ nna ŋ kaŋɛ le: “Fo emɔpo nɛ esa jiga ere! Baa yɔ ŋ ka anyi.

2 Samuɛl 18:17

Kumo be kaman nɛ b ta Absalɔm b kebuni n ya lɛ kupo na to be kejamaŋ chiŋgeliŋ ko to nseŋ muu ajembu gboŋgboŋi damta n deŋi mo so kululu. Loŋ be jemanɛ na so nɛ Absalɔm be bebɛsopo na kikɛ pɛ ekpa n shile n yɔ bumo peana.

2 Samuɛl 20:2

Ndoŋ nna nɛ Israɛl be basa na shile ewura Deevid n ya bɛ Shɛba so, ama Juda be basa na bre daŋ bugi kagbene nna m bɛ Deevid so ashi Jɔɔdan be Lɔr na ase kikɛ hale n ya fo Jerusalɛm.

2 Samuɛl 20:22

Ndoŋ nna nɛ e yɔ kade na be basa kutɔ nɛ mo nɛ bumo kre ŋkre nɛ b ku Shɛba be kumu n ta kumo ŋ kpa egbal na be kaman n sa Jɔab. Nɛ Jɔab foŋ kabel a ŋini fanɛ mbe benapo na e lar kade na to. Benapo na ka lar n choŋ epe nɛ Jɔab malɛ bɛta n yɔ ewura Deevid kutɔ ashi Jerusalɛm.

2 Samuɛl 23:6

Ama belubiworapoana bre du fanɛ ewi nɛ esa maaŋ tiŋ n ta mbe enɔ m pulgi nna.

1 Bewura 12:16

Basa na ka wu fanɛ Rehoboam maŋ nu n sa bumo na, nɛ b ponte ŋ kaŋɛ le: “Anyi nɛ ewura Deevid nɛ mbe kanaŋ maŋ kɔ shɛŋ! Manɛ nɛ b daŋ wora n sa anyi? Israɛlebi, men shin nɛ an yɔ epe! Men yige Rehoboam nɛ e baa ji mbe laŋ to ebi nawuleso kuwura. Ndoŋ nna nɛ Israɛlebi na kini kenu n sa mo

1 Bewura 21:10

Men fin befɛpo anyɔ nɛ b yili mbe anishito ŋ ku mo kɔnɔ fanɛ e sho Ebɔrɛ nɛ ewura kikɛ kɔnɔ. Kumo be kaman nɛ men lara mo n yɔ kade na be ekarso n ya kpla mo ajembu m mɔ.”

2 Kronikɛls 10:16

Basa na ka wu fanɛ ewura na maŋ nu n sa bumo na, nɛ b ponte ŋ kaŋɛ le: “Anyi nɛ Deevid nɛ mbe kanaŋ maŋ kɔ shɛŋ! Manɛ nɛ b daŋ wora n sa anyi? Israɛlebi, men shin nɛ an yɔ epe! Men yige Rehoboam nɛ e baa ji mbe laŋ to ebi nawuleso kuwura.” Ndoŋ nna nɛ Israɛlebi na kini kenu n sa mo

2 Kronikɛls 10:6

Kumo be kaman nɛ Rehoboam ya bishi benimu nɛ b daa la mo tuto be asoetojipoana na le: “Manɛ nɛ menyee sha fanɛ ŋ kaŋɛ basa ere?”

Nshɛ 17:13

Enyɛnpe Ebɔrɛ koso ŋ kɔ m pɔɔ bumo so. Ta fo tokobi m mɔlga ma ashi amu kpakpasowuraana be enɔ to.

Nshɛ 34:19

Basa lela bee kaa nya etɔrɔ damta nna. Ama Enyɛnpe Ebɔrɛ na beeŋ mɔlga bumo ashi etɔrɔ na kikɛ to.

Aŋasa 25:8

Sa maa kuse a ta asheŋ a yɔ demujikpa. Mannɛ aloŋ b baŋ ji m bri fo anishinyɔr beeŋ pɛ fo.

Aŋasa 26:21

Kananɛ ndibi nɛ ajanwulɛ bee shin nɛ edɛ bee nyɛrga na, aloŋ nɛ elushapo bee keta kolu to a chɛr.

Maak 3:24

Ewura kama nɛ mbe basa barga to a kɔ abar kena, kuwura na maaŋ chɛr ŋkeŋ tɔr.

Luuk 19:14

Mbe efuli so ebi malɛ daŋ kishi mo ga, amoso, e ka yɔ nɛ b shuŋi mbɔ fanɛ b bɛ mo so n ya kaŋɛ bumo nɛ baaŋ buu mo kuwura na le: ‘Anyi ere maa sha kanyɛn ere ka ki anyi be ewura.’

Luuk 19:27

Ade kikɛ be kaman nɛ enyɛnpe na kaŋɛ le: ‘To, naniere men ya pɛ ma doŋana nɛ b daŋ kaŋɛ fanɛ m maaŋ ki bumo be ewura na m ba teŋ bumo ma anishito.’ ”

Baru lela nɛ Jɔn kute na 13:8

Ndoŋ nna nɛ Pita kaŋɛ: “Ayai, fo maa ba nɛ fo ba fɔr ma aya so kuraa.” Nɛ Yesu kaŋɛ mo: “Nɛ m baŋ maŋ fɔr fo so, ma nɛ fo maaŋ baa kɔ shɛŋ.”

Ditɛronɔmi 13:13

fanɛ menyi be efuli so be basa jiga ko fule bumo be ndeana to be basa ko nɛ b shuŋ agbirana nɛ menyi maŋ naŋ shuŋ ŋ ku so kikɛ.

Demujipoana 19:22

Jemanɛ nɛ baa ji na nɛ kade na to be basa lubi ba kulti laŋ na n wɔtɔ nseŋ fara a ŋmea kukuloŋ na a ponte to a kaŋɛ kanyɛnnimubi na le: “Shin nɛ kanyɛn nɛ fo keta m ba fo laŋ to na e lar m ba! Anyee sha kedi mo keche nɛ kenyɛn nna!”

Demujipoana 3:27

Ehud ka fo Siira ashi Efrayim be abeesawule so, nɛ e foŋ kabel n tre Israɛl be basa fanɛ b lar m ba kɔ kena, nseŋ juŋkpar bumo ŋ gbelge abee na so

Ruf be kawɔl 2:3

Ndoŋ nna nɛ Ruf lar n yɔ kudɔ ko to n ya bɛ kudɔ na to be beshumpo so a shishi. Kajaa Bowas nɛ e daŋ shi Elimelɛk be kanaŋ to na e la loŋ be kudɔ na wura.

1 Samuɛl 13:2

Kachako nɛ Sɔɔl lara Israɛl be benyɛn ŋgboŋ asa nɛ b ki mbe benapo. Benapo na be ŋgboŋ anyɔ daa wɔ mo kutɔ nna ashi abee nɛ a kulti Mikmash nɛ Bɛtɛl na, nɛ kagboŋ koŋwule malɛ daa wɔ Jonatan kutɔ ashi Gibia nɛ k wɔ Bɛnjamin be efuli so na, nɛ e shin bumo nɛ b ka na yɔ epe.

1 Samuɛl 2:12

Eli be mbinyɛnsobi na daa la basa lubi nna nsaa maa nu a sa Ebɔrɛ,

1 Samuɛl 30:22

Ama le nɛ Deevid be basa nɛ b daŋ yɔ kena na to nsaa la basa fuloŋ a kɔ amukpakpaso na bre daŋ kaŋɛ: “Ŋkpal basa ere ka maŋ tu anyi n yɔ kena ere to so, anyi nɛ bumo maaŋ barga asɔ nɛ an ya muu kena na to na n sa abar. Ama bumo be ekama beeŋ tiŋ ŋ keta mbe eche nɛ mbia bre a yɔ.”