2 Samuɛl 2:6 - EBƆRƐ BE KAWƆL

⁶ Enyɛnpe Ebɔrɛ be alelasheŋ nɛ mbe kagbene koŋwule so be asheŋ woraso e baa wɔ menyi so. Ma alɛ gba beeŋ keta menyi nɛnɛ ŋkpal kusɔ nɛ men wora ere so.

2 Samuɛl 2:6 ပူးပေါင်းရင်းမြစ်များ

2 Samuɛl 10:2

Ndoŋ nna nɛ Ewura Deevid fɛ le: “A daga ŋ ka bugi kagbene n wora Hanuun kelela, fanɛ kananɛ mo tuto Nahaash gba daŋ bugi mbe kagbene n wora ma kelela na.” Amoso Deevid daŋ shuŋi mbɔ nna fanɛ b ya wora Hanuun edaŋkena. B ka ya fo Ammɔn be kasawule so,

2 Samuɛl 15:20

Menyi maŋ ba nfe n chɛr, amoso m maŋ tiŋ n shin nɛ men baa bɛ ma so loŋ. M maŋ nyi kakpa nɛ mee yɔ gba. Men bɛta n ya tu men kurgepoana, Enyɛnpe Ebɔrɛ be kelela nɛ mbe kashenteŋ e baa kra wɔ menyi so.”

2 Samuɛl 2:7

Men baa kɔ eleŋ nsaa kɔ kenyɛn! Menyi be ewura Sɔɔl wu, nɛ Juda be basa ta ma ŋ ki bumo be ewura.”

2 Samuɛl 9:3

Nɛ ewura Deevid naŋ bishi mo le: “Sɔɔl be kanaŋ ere to be esa ko kraa wɔ ŋkpa to a? Nɛ kanaŋ na be esa ko kraa wɔtɔ, kumo ere meeŋ ba sha kewora mo kelela ŋkpal Ebɔrɛ be kasha so.” Nɛ Ziba kaŋɛ le: “Jonatan kraa kɔ ebinyɛn koŋwule ko, ama mo alɛ la bobi nna.”

2 Samuɛl 9:7

Ndoŋ nna Deevid kaŋɛ mo: “Sa maa lɔ kufu. Ŋkpal fo tuto Jonatan so maaŋ tiŋ n yige kewora fo kelela. Meeŋ ta kasawule nɛ k la fo nananyɛn Sɔɔl peya na kikɛ n laŋɛ n sa fo. Ma laŋ to malɛ nɛ feeŋ baa ji saŋkikɛ.”

Nshɛ 57:3

Feeŋ shin nɛ kechɛto e shi ebɔrɛso m ba sɔ ma n yige. Nseŋ shin nɛ tɔrɔ e tɔr bumo nɛ baa kɔ ma kenishipereso na bre so. Fo la eshinteŋjipo nɛ esa beeŋ tiŋ n yirda nna.

Ɛksodɔs 34:6

nseŋ choŋ Mosis be anishito ŋ kaŋɛ awɔrso: “Ma e la Enyɛnpetale Ebɔrɛ. Ebɔrɛ nɛ kuwɔrwu bɔlɔ ma to nɛ m maa nya agbo manaŋ manaŋ nɛ ma kasha shi ga nɛ mee yɛ nsaa wora na.

Aŋasa 14:22

Bumo nɛ baa kre asheŋ lubi beeŋ foe, ama bumo nɛ baa kre alelasheŋ beeŋ nya basa be kasha nɛ yirda.

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Matiu 5:44

Ama ma e kaŋɛ menyi na fanɛ men baa sha men doŋana nsaa kule Ebɔrɛ a sa bumo nɛ baa tɔrɔ menyi na,

Matiu 5:7

Kagbenefuli la kuwɔrwupoana peya nna, ŋkpal manɛ so, Ebɔrɛ beeŋ wu bumo alɛ gba kuwɔr.

Joshuwa 2:14

Nɛ basa na yɛ: “Nɛ an baŋ maŋ wora kusɔ nɛ anyee shin nɛ an kaŋɛ fo ere, Ebɔrɛ e mɔ anyi. An nase kɔnɔ fanɛ nɛ fo baŋ maŋ kaŋɛ basa kusɔ nɛ anyee wora ere bre, kumo ere nɛ Enyɛnpe Ebɔrɛ na baŋ ta kasawule ere n sa anyi bre, anyeeŋ wora menyi kelela.”

Ruf be kawɔl 1:8

B ka bee yɔ nɛ Nawomi kaŋɛ bumo le: “Men bɛta a yɔ men nioana kutɔ. Enyɛnpe Ebɔrɛ na e ya kaa wora menyi kelela fanɛ kananɛ men wora ma nɛ menyi kulana kelela saŋɛ nɛ b daa wɔ ŋkpa to na.”