2 Samuɛl 2:4 - EBƆRƐ BE KAWƆL

⁴ Ndoŋ nna nɛ Juda be basa na ba Hibrɔn m ba duga ŋku n do Deevid be kumu so a ŋini fanɛ b buu mo Juda be kuwura. Deevid ka nu fanɛ Jabesh nɛ k wɔ Giliad na be basa e puli Sɔɔl,

2 Samuɛl 2:4 ပူးပေါင်းရင်းမြစ်များ

2 Samuɛl 19:11

Ewura Deevid ka nu asheŋ nɛ Israɛlebi na kaŋɛ na kikɛ nɛ e shuŋi n ya kaŋɛ bɔrɛmatapoana Zadɔk nɛ Abiata fanɛ b ya bishi Juda be bejuŋkparpoana na le: “Manɛ nna nɛ k ba fanɛ menyi e shir kaman n fɛ ewura be kelaŋɛ m ba mbe laŋ to be asheŋ?

2 Samuɛl 19:42

Nɛ Juda be basa na malɛ kaŋɛ le: “An wora loŋ nna ŋkpal manɛ so anyi nɛ ewura na la kukoŋwule nna. Manɛ nna nɛ men nya agbo ŋkpal le be kesheŋ ere so? E maŋ sa anyi ajibi, mo alɛ maŋ kɛ anyi shɛŋ malɛ gba.”

2 Samuɛl 2:11

Hibrɔn to nɛ Deevid daŋ chena n ji Juda be efuli so be kuwura nfɛ ashunu nɛ bargato.

2 Samuɛl 2:7

Men baa kɔ eleŋ nsaa kɔ kenyɛn! Menyi be ewura Sɔɔl wu, nɛ Juda be basa ta ma ŋ ki bumo be ewura.”

2 Samuɛl 21:11

Deevid ka nu kusɔ nɛ Rizpa wora na,

2 Samuɛl 21:12

nɛ e ya sɔ Sɔɔl nɛ mo pibi Jonatan be kebuni be awibi ashi Jabesh Giliad be basa na kutɔ. Filistiebi e daŋ mɔ Sɔɔl nɛ Jonatan ashi Gilbɔa be kebeegboŋ na ase saŋɛ nɛ bumo nɛ Israɛlebi daa kɔ kena na nseŋ ta bumo be eyurana n ya chɛ n shiga egbal nɛ b pɔr ŋ kulti Bɛfshan na be kowushina nɛ Jabesh Giliad be basa ya yuri bumo be eyurana na n yɔ bumo pe n ya chɔɔ.

2 Samuɛl 5:17

Filistiebi ka nu fanɛ Deevid ki Israɛl be ewura na nɛ bumo be benapo kikɛ ya ka fin mo nɛ b pɛ. Deevid malɛ ka nu loŋ nɛ e shile n yɔ kakpa nɛ e beeŋ nya kumɔlga.

2 Samuɛl 5:3

Amoso Israɛlebi be bejuŋkparpoana na kikɛ nɛ ewura Deevid daŋ wora kɔnɔkoŋwule be ŋkre nna ashi Ebɔrɛ be anishito nɛ b ta ŋku n do mbe kumu so m buu mo Israɛl kikɛ be kuwura.

2 Samuɛl 5:5

Nfɛ ashunu nɛ bargato nɛ e daŋ chena Hibrɔn ashi Juda be efuli so n ji kuwura, nseŋ naŋ chena Jerusalɛm malɛ n ji kuwura Israɛl nɛ Juda kikɛ be efuli so nfɛ adesa nɛ asa.

2 Bewura 11:12

Kede be kaman nɛ Jehowada keta Jɔash n lar kowu nseŋ ta kuwurwuro m buu mo nseŋ n ta bewura be mbra be kawɔl n sa mo nseŋ chulgi ŋku n wurge mbe kumu so n ta mo ŋ ki ewura. Ndoŋ nna nɛ ekama na kpla enɔ nseŋ cha awɔr ŋ kaŋɛ le: “Ebɔrɛ e teŋi ewura na be ŋkpa so.”

1 Kronikɛls 10:11

Jabesh be basa nɛ b wɔ Giliad na ka nu kusɔ nɛ Filistiebi na wora Sɔɔl na,

1 Kronikɛls 11:3

Amoso Israɛlebi be bejuŋkparpoana nɛ b daŋ ba Deevid kutɔ ashi Hibrɔn na shin nɛ bumo nɛ mo wora kɔnɔkoŋwule be ŋkre ashi Ebɔrɛ be anishito nna. Kumo be kaman nɛ b ta ŋku n do mbe kumu so m buu mo Israɛl be kuwura fanɛ kananɛ Enyɛnpe Ebɔrɛ ŋini anebi Samuɛl na gbagba.

1 Kronikɛls 12:23

Saŋɛ so nɛ Deevid daa wɔ Hibrɔn na, benapo damta ko daŋ ba ti mbe benapo so nna nseŋ ta Deevid ŋ ki ewura n tal Sɔɔl be katelamu fanɛ kananɛ Enyɛnpe Ebɔrɛ kaŋɛ na gbagba. Kananɛ benapo na daa sa nde. Juda be benapo daa wɔ ŋgboŋ ashe nɛ alfa aburwa nsaa kɔ akɔsɔ damta nseŋ keta asɔ kuŋso nɛ akpa. Simiɔn be yiri to be benapo nɛ b nyi kena be kekɔ nɛnɛ daa wɔ ŋgboŋ ashunu nɛ kalfa. Livai be yiri to be benapo daa wɔ ŋgboŋ ana nɛ alfa ashe. Ɛɛrɔn mo nanabi Jehowada be benapo nɛ b daa bɛ mo so daa la ŋgboŋ asa nɛ alfa ashunu nna. Zadɔk nɛ e la enapo lempo na malɛ mo kurgepoana nɛ b la benapo daa wɔ basa adunyɔ nɛ anyɔ. Bɛnjamin be yiri nɛ k la Sɔɔl gbagba be yiri na daa kɔ benapo ŋgboŋ asa. Bɛnjamin be yiri na to be basa damta daa shuŋ Sɔɔl nna. Efrayim be yiri to be benapo lempo nɛ bumo be kanaŋ to be mbuna nɛ ekama nyi bumo be asheŋ daa wɔ basa ŋgboŋ adunyɔ nɛ alfa aburwa. Manase be yiri na to be epeŋitɔrkpa be kaba so be benapo nɛ b daŋ lara fanɛ b ya buu Deevid kuwura m ba na daa wɔ basa ŋgboŋ kuduaburwa. Isaaka be yiri to be bejuŋkparpo nɛ basa nɛ b daa juŋkpar a ŋini kusɔ nɛ k daga kewora nɛ kusɔ nɛ k ba nɛ k daga b ka wora kumo na kikɛ daa wɔ basa alfa anyɔ. Zɛbyulɔn be yiri to be benapo nɛ b nyi akɔsɔ be yiri kikɛ be keta ŋ kɔ kena nseŋ wora kena to be keyɔ be shiriya saŋkama malɛ daa wɔ basa ŋgboŋ adunu, Naftali be yiri to be benapo juŋkparpo daa wɔ kagboŋ, nɛ bumo nɛ bumo be benapo nɛ b nyi asɔkuŋso nɛ ekpa b keta ŋ kɔ kena nɛnɛ malɛ daa wɔ basa ŋgboŋ adesa nɛ ashunu. Dan be yiri na to be benapo nɛ b koya kena be kekɔ nɛnɛ daa wɔ ŋgboŋ adunyɔ nɛ aburwa nɛ alfa ashe. Asha be yiri to be benapo nɛ b wora shiriya nɛ b yɔ kena to saŋkama daa wɔ basa ŋgboŋ adena. Ruben nɛ Gad nɛ Manase be epeŋilarkpa be yiri nɛ b daa wɔ Jɔɔdan be lɔr na be epeŋilarkpa be kaba so na be benapo nɛ b nyi akɔsɔ be yiri kikɛ b k ta ŋ kɔ kena na, daa wɔ ŋgboŋ kalfa nɛ adunyɔ.

1 Samuɛl 16:13

Nɛ Samuɛl duga ŋku na n do Deevid be kumu so nɛ mo daana yil a keni mo. Baŋ yili kumo be kamɔnchɛ na kikɛ nɛ Enyɛnpe Ebɔrɛ be kiyoyu ba luri m bɔlɔ Deevid to eleŋso nsaa wɔ mo to saŋkikɛ. Kumo be kamɔnchɛ na malɛ kikɛ nɛ Samuɛl bɛta n yɔ Raama.