2 Samuɛl 2:27 - EBƆRƐ BE KAWƆL

²⁷ Nɛ Jɔab kaŋɛ le: “Ebɔrɛ e la ma shɛdajipo. Nɛ fanɛ fo daa maŋ malga nna, dafanɛ ma basa ere kraa beeŋ ju m bɛ menyi so hale n ya fo echefo chipurso.”

2 Samuɛl 2:27 ပူးပေါင်းရင်းမြစ်များ

2 Samuɛl 2:14

Nɛ Abna ponte ŋ kaŋɛ Jɔab le: “Men shin nɛ an lara anyi be benapo ere be bumo nɛ b kɔ eleŋ ga nɛ b kɔ abar nɛ an keni.” Nɛ Jɔab shuli so ŋ kaŋɛ le: “K nyalɛ.”

2 Samuɛl 2:26

Nɛ Abna ponte awɔrso ŋ kaŋɛ Jɔab le: “K daga fanɛ an baa wɔtɔ a kɔ abar mbaanaayɔ a? Fo maŋ nyi fanɛ kumo be lalaloge anyi maaŋ nya shɛŋ, ama kenyaŋɛto n wɔtɔ abar a? An la menyi be efuli so ebi nna, saŋɛ mo nɛ feeŋ kaŋɛ fo basa nɛ b yige kebaakɔ anyi?”

2 Samuɛl 2:28

Kumo be kaman nɛ Jɔab foŋ kabel nɛ mbe basa yige kebaaju a bɛ Israɛlebi na so. Ndoŋ nna nɛ kolu na ku.

Job be kawɔl 27:2

“Ma kenishi pere nna ŋkpal Enyɛnpetale Ebɔrɛ ka kini kewora kusɔ nɛ k daga nseŋ shin nɛ kebaawɔtɔ ki kekera n sa ma so.

Aŋasa 15:1

Kɔnɔ belbelso bee ju agbo nna, ama kɔnɔ nyaŋnyaŋso bre bee kaa agbo nna.

Aŋasa 17:14

Emɔrɔ be kefara du fanɛ nchu be gbi ka bee shin nɛ k futi nna. Lar kamɔrɔji to manaŋ pɔɛŋ nɛ k kurge asheŋ n sa fo.

Aŋasa 20:18

Fo baa bela ase nɛ fo kɔ kena, kumo ere fin kasotoji lela nɛ k chɛ fo to.

Aŋasa 25:8

Sa maa kuse a ta asheŋ a yɔ demujikpa. Mannɛ aloŋ b baŋ ji m bri fo anishinyɔr beeŋ pɛ fo.

Aizaaya 47:7

Men daa fɛ fanɛ menyeeŋ baa ji kuwura jemanɛ kikɛ nna. Menyi alɛ daa maŋ ta asheŋ ere n wɔtɔ kagbene to, ŋko n fɛ kananɛ amo kikɛ beeŋ loge to be asheŋ.

1 Samuɛl 25:26

Enyɛnpe Ebɔrɛ na e shin nɛ fo maŋ wora n tal fo doŋana to m mɔ bumo, ama Enyɛnpe Ebɔrɛ nɛ e la ma shɛdajipo na be ketre to, fo doŋana nɛ basa nɛ baa sha ketɔrɔ fo na kikɛ beeŋ nya kasogberge fanɛ kananɛ fee sha kegberge Nabaal kusoe ere.