2 Samuɛl 2:26 - EBƆRƐ BE KAWƆL

²⁶ Nɛ Abna ponte awɔrso ŋ kaŋɛ Jɔab le: “K daga fanɛ an baa wɔtɔ a kɔ abar mbaanaayɔ a? Fo maŋ nyi fanɛ kumo be lalaloge anyi maaŋ nya shɛŋ, ama kenyaŋɛto n wɔtɔ abar a? An la menyi be efuli so ebi nna, saŋɛ mo nɛ feeŋ kaŋɛ fo basa nɛ b yige kebaakɔ anyi?”

2 Samuɛl 2:26 ပူးပေါင်းရင်းမြစ်များ

2 Samuɛl 11:25

Nɛ ewura Deevid kaŋɛ kabɔ na le: “Ya kaŋɛ Jɔab fanɛ e sa maa pɔ aba ŋko n shin nɛ mbe kagbene e baa jija mo, ŋkpal manɛ so, esa kama maŋ nyi esa nɛ e bee wu kena to. Kaŋɛ mo nɛ e laŋɛ ŋ kre mbe ntua nɛnɛ nseŋ kɔ n sɔ kade na.”

2 Samuɛl 2:14

Nɛ Abna ponte ŋ kaŋɛ Jɔab le: “Men shin nɛ an lara anyi be benapo ere be bumo nɛ b kɔ eleŋ ga nɛ b kɔ abar nɛ an keni.” Nɛ Jɔab shuli so ŋ kaŋɛ le: “K nyalɛ.”

2 Samuɛl 2:16

Ndoŋ nna nɛ b to m pɛ abar be amu to n da abar nsaŋɛbi nɛ bumo basa adunyɔ nɛ ana na kikɛ wu. Ndoŋ nna nɛ b nase kaboŋ na ashi Gibiɔn fanɛ: “Etokobi be kasawule.”

2 Samuɛl 2:25

Nɛ Bɛnjamin be kanaŋ to ebi be benyɛn ko ba kulti Abna ashi kebee na be esoso nɛ b kɔ mo kena.

2 Samuɛl 2:27

Nɛ Jɔab kaŋɛ le: “Ebɔrɛ e la ma shɛdajipo. Nɛ fanɛ fo daa maŋ malga nna, dafanɛ ma basa ere kraa beeŋ ju m bɛ menyi so hale n ya fo echefo chipurso.”

Job be kawɔl 18:2

“Job, saŋɛ mo nɛ feeŋ yige fo mmalga ere bre? Baa kɔ nfɛra nseŋ shin nɛ anyi ere e malga.

Job be kawɔl 19:2

“Manɛ nna nɛ fee kɔrfɛ ma nɛ fo mmalga ere bre?

Nshɛ 4:2

Saŋɛ mo nɛ menyi basa ere beeŋ yige ma katege? Saŋɛ mo nɛ menyeeŋ yige asheŋ fuloŋ be kasha, nɛ kebaaju a buu efɛ so?

Aŋasa 17:14

Emɔrɔ be kefara du fanɛ nchu be gbi ka bee shin nɛ k futi nna. Lar kamɔrɔji to manaŋ pɔɛŋ nɛ k kurge asheŋ n sa fo.

Aizaaya 1:20

Ama nɛ men kplaŋ ma so bre, kumo ere menyeeŋ wu kena to. Ma, Enyɛnpe Ebɔrɛ na, e kaŋɛ na.”

Jɛremaya 12:12

Benapo damta nɛ b shi keshishɛrsawule so nɛ abeesawule so e ba kɔ m mur kasawule na so be kusɔ kama. Ma e sa ekpa fanɛ b ta kena m ba mur kasawule na so be kusɔ kikɛ nɛ esa kikɛ maŋ ji efute kena na to.

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 4:21

Jemanɛ mo, nɛ m maaŋ naa wu kena ka bee kɔ, ŋko kena be mbel be kushu?

Jɛremaya 46:10

Enyɛnpetale Ebɔrɛ na be kachɛ nna na; e beeŋ wora n tal to kabre; kabre e beeŋ gberge mo doŋana kusoe. Mbe tokobi beeŋ mɔ bumo kumo be keparso, nɛ ŋklaŋ e gbiti kumo be kaplɛkama le gbetɛɛ. Enyɛnpetale Ebɔrɛ na beeŋ ta bumo n lara sarga ashi kelargato be esoso a mata Yufreetes be Lɔrgboŋ na.

Jɛremaya 46:14

E yɛ: “Ber kebomboŋ ashi Ijipt be ndeana to; fɔŋfɔŋ ashi Migdɔl nɛ Mɛmfis nɛ Taapanes, ŋ kaŋɛ le: ‘Men wora shiriya ŋ kɔ n suge menyi be amu; asɔ kama nɛ men kɔ na kikɛ beeŋ mur kena to!

Hoziya 11:6

Baaŋ ta kena n luri bumo be nde to n jija bumo be kadegboŋ be kabuna to be akuloŋgboŋ na, nɛ kusɔ nɛ baa fɛ baaŋ wora na e jija.

Ashuŋ Shunso 7:26

Kumo be ŋklade nɛ e wu Israɛlebi be benyɔ ka bee bile nɛ e yɔ nɛ e ya wora ania m barga bumo to ŋ kaŋɛ: ‘Men nu nfe, men la basa koŋwule nna nɛ manɛ e ba nɛ menyee wora a da abar so le?’