2 Samuɛl 2:23 - EBƆRƐ BE KAWƆL

²³ Ama Asahɛl maŋ pɔ aba, amoso Abna daŋ ta mbe kekpa be kedibi nna n da Asahɛl be epun hale nɛ k futi n lar mbe kaman. Ndoŋ nna nɛ Asahɛl tɔr kasawule n wu. Ekama malɛ nɛ e bee choŋ nseŋ wu mo bee yili nna ŋ keni mo kakpa nɛ e wu a dese na.

2 Samuɛl 2:23 ပူးပေါင်းရင်းမြစ်များ

2 Samuɛl 2:24

Ama epeŋi ka bee tɔr nɛ Jɔab nɛ Abishai shile n ju Abna n ya fo Ammaa be kebee nɛ k wɔ Giya be epeŋilarkpa be kaba so a yɔ ekpa nɛ k dese a yɔ Gibiɔn be kiyi to na.

2 Samuɛl 20:10

Ama Amasa malɛ daa maŋ nyi Jɔab ka keta kasaŋɛbi na mbe enɔ ko to. Ndoŋ nna nɛ Jɔab ta kasaŋɛbi na n da Amasa be epun hale nɛ mbe apumbi lar n tɔr kasawule nɛ e wu epul na to ndoŋ. Jɔab maŋ da mo kasaŋɛbi na ale anyɔ. Kumo be kaman nɛ Jɔab nɛ mo sipo Abishai bee ju Shɛba.

2 Samuɛl 3:27

Abna ka ba na nɛ Jɔab keta mo n lar kabunagboŋ na ekpa fanɛ e ka bee sha nɛ e kuli m malga mo kutɔ na, nseŋ ta kasaŋɛ n da mbe epun nɛ e wu. Ŋkpal Abna ka mɔ Jɔab mo sipo Asahɛl so nɛ Jɔab malɛ mɔ mo na.

2 Samuɛl 3:30

Jɔab nɛ mo sipo Abishai e daŋ wora kɔnɔ m mɔ Abna ŋkpal e ka mɔ bumo sipo Asahɛl ashi Gibiɔn be kena to so.

2 Samuɛl 4:6

B daŋ ya luri mbe laŋ to nna fanɛ b ka bee fin nyifu na.

2 Samuɛl 5:6

Kachako nɛ ewura Deevid nɛ mbe basa yɔ nɛ b ya kɔ Jerusalɛmebi kena. Ama Jebusiebi nɛ b wɔ ndoŋ na bre daa fɛ nna fanɛ ewura Deevid maaŋ tiŋ m pɔɔ bumo so nseŋ kaŋɛ le: “Fo maaŋ tiŋ anyi kikɛ. Anyi to be etanpo nɛ ebobi gba beeŋ tiŋ ŋ kɔ m pɔɔ fo so.”