2 Samuɛl 2:1 - EBƆRƐ BE KAWƆL

¹ Ade kikɛ be kaman nɛ Deevid bishi Enyɛnpe Ebɔrɛ le: “K daga fanɛ n yɔ Juda be ndeana ere be kuko to a?” Nɛ Enyɛnpe Ebɔrɛ shuli so ŋ kaŋɛ: “Mm!” Nɛ Deevid naŋ bishi le: “Kade mo e daga ŋ ka yɔ?” Nɛ Enyɛnpe Ebɔrɛ kaŋɛ: “Yɔ Hibrɔn!”

2 Samuɛl 2:1 ပူးပေါင်းရင်းမြစ်များ

Jɛnesis 13:18

Ndoŋ nna nɛ Eebram tia mbe wajɛbu ŋ kaa n ya chena m mata Mamre be ndibigboŋ na ashi Hibrɔn nseŋ yuu bɔrɛsure a bunyaŋ Enyɛnpe Ebɔrɛ.

Jɛnesis 32:2

Jeekɔb ka wu bumo nɛ e kaŋɛ: “Ebɔrɛ be benapo be echenakpa nde.” Kumo be kaman nɛ e nase kaboŋ na Mahanayim.

2 Samuɛl 15:7

Kumo be nfɛ ana be kaman nɛ Absalɔm kaŋɛ ewura Deevid le: “Mee sha keyɔ Hibrɔn n ya tia ma kɔnɔ nɛ n nase Enyɛnpe Ebɔrɛ be anishito na.

2 Samuɛl 2:11

Hibrɔn to nɛ Deevid daŋ chena n ji Juda be efuli so be kuwura nfɛ ashunu nɛ bargato.

2 Samuɛl 5:19

Nɛ Deevid bishi Enyɛnpe Ebɔrɛ le: “K daga ŋ ka ya kɔ Filistiebi ere kena a? Meeŋ tiŋ m pɔɔ bumo so a?” Nɛ Enyɛnpe Ebɔrɛ shuli so ŋ kaŋɛ: “Mm, ya kɔ bumo! Meeŋ shin nɛ men kɔ m pɔɔ bumo so kashenteŋto!”

2 Samuɛl 5:23

Nɛ Deevid naaŋ bishi Enyɛnpe Ebɔrɛ kusɔ nɛ e beeŋ wora, nɛ e kaŋɛ mo le: “Men sa maŋ kaŋ ta kena n tu bumo nfe, ama men bela ase n ya kuŋ bumo ndibi nɛ baa tre balsam na ase ŋ kɔ bumo ndoŋ.

1 Bewura 2:11

Deevid daŋ ji kuwura Hibrɔn be kade to nfɛ ashunu nna nseŋ ji Jerusalɛm malɛ be kade to nfɛ adesa nɛ asa nɛ mbe kuwurji kikɛ daa la nfɛ adena.

1 Kronikɛls 29:7

B daŋ sa shuwa nɛ amo be egbɛ sa fanɛ kilo ŋgboŋ kalfa nɛ adushunu, nɛ gbiti nɛ amo be egbɛ sa fanɛ kilo ŋgboŋ alfa asa nɛ adena, nɛ danyaŋ nɛ amo be egbɛ sa fanɛ ŋgboŋ alfa ashe nɛ adunyɔ, nɛ abɛlso nɛ amo alɛ be egbɛ sa fanɛ kilo ŋgboŋto ŋgboŋto be ŋgboŋ asa nɛ ŋgboŋ alfa ana.

2 Kronikɛls 11:10

nɛ Zora nɛ Aijalɔn nɛ Hibrɔn.

Nshɛ 143:8

Ŋkpal ŋ ka ta ma yirda n deŋi fo so so, shin nɛ m baa nyiŋi fo kasha nɛ k maa loge na be asheŋ kachipurso kikɛ. Mee kule fo nna nɛ fo ŋini ma ekpa nɛ meeŋ baa bɔla so a wora asheŋ.

Nshɛ 27:4

Kusɔ koŋwule nɛ mee fin Enyɛnpe Ebɔrɛ kutɔ; Kumo e la fanɛ, ŋ ka beeŋ baa wɔ mbe laŋ to saŋɛ so nɛ n wɔ ŋkpa to ere; saŋɛ na so mbe alelasheŋ beeŋ baa bɔlɔ ma kenishi, nɛ m baa wɔ mo kutɔ ashi mbe bɔrɛlambu to.

Ezikɛl 36:37

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Meeŋ naŋ shin nɛ Israɛlebi na e kule ma kechɛto nɛ n shin nɛ b wora keshi n ti so fanɛ mbolpɔ na.

Nɔmbɛs 13:22

B ka bɔla kelargato be kaseto be kaba so a yɔ na nɛ b ya tu kade ko nɛ baa tre Hibrɔn. Ndoŋ nɛ b tu Ahiman nɛ Shishai nɛ Talmai nɛ b shi basa tenteŋ gboŋgboŋi nɛ baa tre Anakebi be kanaŋ to na. Hibrɔn daŋ chena nfɛ ashunu nna pɔɛŋ nɛ Zowan nɛ k wɔ Ijipt be efuli so na chena.

Nɔmbɛs 27:21

Bɔrɛmatapowura Eliaza beeŋ baa ŋini mo kusɔ nɛ ma, Enyɛnpe Ebɔrɛ bee sha e ka bee wora. Loŋ e naŋ shin nɛ e baa tiŋ a juŋkpar Israɛlebi na a yɔ a ba.”

Joshuwa 15:13

Joshuwa daŋ bɛ kusɔ nɛ Enyɛnpe Ebɔrɛ kaŋɛ mo na so nna nseŋ ta Juda be kasawule na be kaba n sa Jefune pibi Kalɛb. E daŋ nya Hibrɔn nɛ k la Aba be kade na nna. (Aba be kaman to ebi e daa la basa tenteŋ gboŋgboŋi nɛ baa tre Anakebi na)

Demujipoana 1:1

Joshuwa ka wu be kaman, nɛ Israɛlebi na kule Ebɔrɛ m bishi mo le: “Anyi be mbuna ere be kumo e naaŋ juŋkpar n ya kɔ Keenanebi na?”

1 Samuɛl 10:22

Ndoŋ nna nɛ b bishi Enyɛnpe Ebɔrɛ le: “Esa ko kraŋ naa wɔtɔ a?” Nɛ Enyɛnpe Ebɔrɛ kaŋɛ fanɛ Sɔɔl e ka, ama mo alɛ ŋana esulɔ na be kaman.

1 Samuɛl 23:2

nɛ e bishi Enyɛnpe Ebɔrɛ le: “N ya kɔ Filistiebi na kena a?” Nɛ Enyɛnpe Ebɔrɛ kaŋɛ le: “Mm, ya kɔ bumo kena nseŋ mɔlga Kiilaebi.”

1 Samuɛl 23:4

Amoso Deevid daŋ naŋ laŋɛ nna fanɛ m bishi Enyɛnpe Ebɔrɛ na kumo be asheŋ to nɛnɛ, nɛ Enyɛnpe Ebɔrɛ kaŋɛ mo le: “Ya kɔ Filistiebi na kena Kiila, ŋkpal manɛ so, meeŋ shin nɛ men kɔ m pɔɔ bumo so.”

1 Samuɛl 30:31

nɛ Hibrɔn be kade to ebi kikɛ nna, nseŋ ta mboŋ kama nɛ mo nɛ mbe basa daŋ kilgi to n yɔ na kikɛ n ti so.