2 Samuɛl 19:8 - EBƆRƐ BE KAWƆL

⁸ Ndoŋ nna nɛ ewura na koso n ya chena kade na be kabuna to. Mbe basa na ka nu fanɛ e wɔ ndoŋ nɛ bumo kikɛ yɔ mo kutɔ. Ama le be jemanɛ ere nɛ Absalɔm be bebɛsopo na bre shile n yɔ bumo peana.

2 Samuɛl 19:8 ပူးပေါင်းရင်းမြစ်များ

2 Samuɛl 15:2

Kachipurdidi kikɛ kade na be ekarso, kakpa nɛ benimu bee shɛr a to jina na be kubɔrbi so nɛ e daa lar n ya ka yili. Esa kama nɛ e baŋ nya kamalga nsaa yɔ ewura pe nɛ e ya lɔŋɛ kumo, Absalɔm bee tre mo nna m bishi mo kakpa nɛ e shi. Esa na baŋ kaŋɛ mo kakpa nɛ e shi nɛ yiri nɛ k la mo n loge,

2 Samuɛl 18:17

Kumo be kaman nɛ b ta Absalɔm b kebuni n ya lɛ kupo na to be kejamaŋ chiŋgeliŋ ko to nseŋ muu ajembu gboŋgboŋi damta n deŋi mo so kululu. Loŋ be jemanɛ na so nɛ Absalɔm be bebɛsopo na kikɛ pɛ ekpa n shile n yɔ bumo peana.

2 Samuɛl 18:24

Kade na be mbunagboŋ anyɔ nɛ kuko la kakpa nɛ baa bɔla a luri nɛ kakpa nɛ baa bɔla a lar na be kefɛato nɛ Deevid daa tase. Ndoŋ be ekenipo na ka dii kabunagboŋ na be egbal na be ketempreŋ jeŋgreŋ na, nɛ e wu kanyɛn ko nawule ka shil a ba.

2 Samuɛl 18:4

Nɛ ewura Deevid kaŋɛ le: “Meeŋ wora kusɔ kama nɛ menyee fɛ fanɛ k walɛ n sa menyi.” Ndoŋ nna nɛ e yili m mata kabunagboŋ na a keni mbe basa, nɛ b bɛ abar so a lar ŋgboŋto ŋgboŋto nɛ kalfa kalfa be ntuŋ so.

2 Samuɛl 19:3

Ndoŋ nna nɛ benapo na bɛta boeŋ n yɔ kade to fanɛ benapo nɛ b ta anishinyɔr a shile kena na.

1 Bewura 22:36

Epeŋi ka bee tɔr, nɛ Israɛl be benapo na be eko ponte awɔrso ŋ kaŋɛ mo braana le: “Ekama e yige kena na be kekɔ nseŋ bɛta a yɔ epe!”

2 Bewura 14:12

Jehɔash be benapo daŋ kɔ m pɔɔ Amaziya be benapo kikɛ so nna nɛ b shile n yɔ bumo peana.

2 Bewura 8:21

Amoso ewura Jehoram nɛ mbe benapo be benimuana na daŋ ta egbaŋɛturko nna n yɔ kade nɛ baa tre Zair nɛ b ya kɔ Edɔmebi na kena. Ama Edɔmebi na daŋ kulti bumo nna n wɔtɔ. Kanyɛ ka biri, nɛ Judaebi na kɔ Edɔmebi kena nɛ Edɔmebi na pɔɔ bumo so nɛ b shile n yɔ epe.

1 Samuɛl 4:10

Ndoŋ nna nɛ Filistiebi na naaŋ ya kɔ Israɛlebi na kena m pɔɔ bumo so alegaiso m mɔ bumo be basa ŋgboŋ adesa, nɛ bumo nɛ b ka na kikɛ shile n yɔ bumo be elaŋ to.