2 Samuɛl 19:5 - EBƆRƐ BE KAWƆL

⁵ Nɛ Jɔab yɔ ewura na be laŋ to n ya kaŋɛ mo le: “Kabre fo ta anishinyɔr m pɛ fo benapo nɛ b mɔlga fo nɛ fo mbinyɛnbi nɛ mbichebi nɛ fo beche nɛ fo jipoana be ŋkpa na ga.

2 Samuɛl 19:5 ပူးပေါင်းရင်းမြစ်များ

2 Samuɛl 15:30

Nɛ Deevid ta asɔ m buu mbe kumu so nsaa nite aya fuloŋ a shu n yɔ kebeegboŋ nɛ baa tre Ɔlifs na ase a ŋini kagbenejija nɛ k tɔr mo so. Basa nɛ b daa bɛ mo so na gba daŋ ta asɔ nna m buu bumo be amu so a shu a bɛ mo so.

2 Samuɛl 18:17

Kumo be kaman nɛ b ta Absalɔm b kebuni n ya lɛ kupo na to be kejamaŋ chiŋgeliŋ ko to nseŋ muu ajembu gboŋgboŋi damta n deŋi mo so kululu. Loŋ be jemanɛ na so nɛ Absalɔm be bebɛsopo na kikɛ pɛ ekpa n shile n yɔ bumo peana.

2 Samuɛl 19:13

Kumo be kaman nɛ ewura Deevid naŋ kaŋɛ bumo fanɛ b kaŋɛ Amasa malɛ le: “Ŋkpal fo ka la ŋkurgepo so, yili kabre a yɔ, fo e naaŋ ki benapo nɛ Jɔab bee keniso na be enimu. Nɛ m baa maŋ wora loŋ, Ebɔrɛ e bishi ma!”

2 Samuɛl 19:4

Ewura Deevid daŋ buu mbe anishi so nna a shu awɔrso a kaŋɛ le: “O m pibinyɛn! Absalɔm! Absalɔm, m pibinyɛn!”

2 Samuɛl 19:6

Basa nɛ baa sha fo na nɛ fo kishi nsaa sha bumo nɛ b kishi fo na bre! Fo shin nɛ k dii efuli naniere fanɛ fo benapo nɛ bumo be benimuana na kikɛ maŋ la shɛŋ fo kutɔ. Nɛ Absalɔm daa wɔ ŋkpa to nɛ anyi ere kikɛ wu gba, fo kagbene daa beeŋ fuli fo.

2 Samuɛl 3:39

Kashenteŋto nna fanɛ ma e la Ebɔrɛ be ewura laraso, ama kabre ma alɛ maŋ naa kɔ eleŋ. Zeruwa be mbinyɛnbi Jɔab nɛ Abishai bre bee ŋini ma nna fanɛ b kɔ eleŋ ga a chɔ ma. Enyɛnpe Ebɔrɛ e ta kasogberge nɛ k daga n sa le be basa lubi ere!”

Nehemaya 9:27

Amoso fo ta bumo nna m bɔɔ bumo doŋana enɔ, nɛ b kɔrfɛ bumo ga. Ama bumo be awurfoŋ na to, b daŋ kule fo fanɛ fo chɛ bumo to nna. Ebɔrɛso nɛ fo wɔ nseŋ nu bumo be kekule, ŋkpal fo kuwɔrwu ka shi ga so, fo daŋ shuŋi bejuŋkparpo nna nɛ b ba kɔ n suge bumo ashi bedoŋ be enɔ to.

Nshɛ 3:8

Kekuŋ shi Enyɛnpe Ebɔrɛ kutɔ nna. Enyɛnpe nɛfa fo basa.