2 Samuɛl 19:28 - EBƆRƐ BE KAWƆL

²⁸ Fo Yiramu daŋ daga fo ka mɔ n tuto be kanaŋ to be basa kikɛ nna, ama fo wu ma ere kuwɔr hale nseŋ shin nɛ mee tu fo gba a ji. Amoso, a maŋ daga ŋ ka naŋ kule fo shɛŋ.”

2 Samuɛl 19:28 ပူးပေါင်းရင်းမြစ်များ

Jɛnesis 32:10

N nyi ŋ ka maŋ daga kuwɔrwu nɛ kashenteŋji nɛ fo wu ma fo kenya ere kikɛ. Kekpabi nawule nɛ n daŋ ta n dii Jɔɔdan be lɔr ere n yɔ n wɔpa kutɔ, ama kabre m bɛta a ba nɛ basa nɛ asɔbɔya damta.

2 Samuɛl 14:17

Naniere bre ma kagbene dese ŋkpal fo ka pin alubi nɛ alela be mbarga nseŋ nase ma kɔnɔ lela so. Ma kabɔrɛkule e la fanɛ Enyɛnpe fo Ebɔrɛ na e baa wɔ fo kaman.”

2 Samuɛl 14:20

Ama e wora loŋ nna nɛ e lɔŋɛ asheŋ ere kikɛ. Yiramu, fo nyi asheŋ nna fanɛ Ebɔrɛ be kabɔ. Fo nyi kusɔ kama malɛ nɛ k bee wora kikɛ.”

2 Samuɛl 15:26

Ama nɛ fanɛ e maŋ shuli bre, kumo ere e beeŋ tiŋ n wora ma kusɔ kama nɛ e bee sha.”

2 Samuɛl 16:3

Nɛ ewura na bishi mo le: “Nnɛ nɛ fo nyɛnpe Sɔɔl mo nanabi Mifiboshɛf wɔ?” Nɛ Ziba yɛ: “E wɔ Jerusalɛm to, ŋkpal e ka bee fɛ fanɛ Israɛlebi na beeŋ laŋɛ mo nananyɛn Sɔɔl be kuwura n sa mo so.”

2 Samuɛl 19:29

Ndoŋ nna nɛ ewura na kaŋɛ le: “Fo ere e sa maŋ naŋ malga shɛŋ. N tiŋ n yili kumo fanɛ fo nɛ Ziba e naaŋ barga Sɔɔl be kapetɛ to.”

2 Samuɛl 9:10

Amoso fo nɛ fo mbinyɛnsobi kuduanu nɛ fo nyɛrbi adunyɔ na beeŋ baa dɔ Sɔɔl be kanaŋ to ebi be adɔsawule a sa fo nyɛnpe Mifiboshɛf. Saŋɛ na so Sɔɔl be kanaŋ to ebi beeŋ baa nya kusɔ jiso. Ama Mifiboshɛf bre, ma kutɔ nɛ e beeŋ baa ji saŋkikɛ.”

2 Samuɛl 9:13

Ama Mifiboshɛf nɛ e la bobi na bre daa wɔ Jerusalɛm nna nɛ mo nɛ ewura na bee bɔɔ enɔ a ji saŋkikɛ.

2 Bewura 8:3

Nfɛ ashunu na be kaman nɛ e naŋ bɛta n yɔ Israɛl be kasawule so nseŋ ya kule ewura na fanɛ b bɛta mbe kasawule nɛ mbe laŋ kikɛ n sa mo.

1 Samuɛl 26:16

Abna! Fo maŋ shuŋ fo kushuŋ nɛnɛ. Ebɔrɛ nɛ e la ma shɛdajipo na be ketre to, menyi kikɛ daga luwu nna ŋkpal men ka maŋ kuŋ men nyɛnpe nɛ Enyɛnpe Ebɔrɛ lara mo n sa menyi fanɛ ewura na so. Men keni, ewura be kekpa nɛ mbe kusɔjɔnchu nɛ a yil mbe kumu ase na kraa wɔtɔ a?”