2 Samuɛl 19:24 - EBƆRƐ BE KAWƆL

²⁴ Nɛ Sɔɔl mo nanabi Mifiboshɛf gba koso n lar n ya shɛr ewura Deevid to. Baŋ yili saŋɛ so nɛ ewura na lar Jerusalɛm to n naŋ ya bɛta m ba nɛ alenfia na kikɛ, Mifiboshɛf daa maŋ fɔr mbe aya gba so, e daa maŋ she mbe katɔl, mo alɛ daa maŋ naŋ fɔr mbe asɔbuuso gba.

2 Samuɛl 19:24 ပူးပေါင်းရင်းမြစ်များ

2 Samuɛl 12:20

Ndoŋ nna nɛ Deevid koso kasawule n ya bɛr m mɔ mbe emin to, n chɛrga mbe epiŋi nɛ e buu na nseŋ yɔ Enyɛnpe Ebɔrɛ be lambu to n ya bunyaŋ mo. E ka bɛta m ba ewurkpa, nɛ e shin nɛ b sa mo ajibi nɛ e ji amo epul na to.

2 Samuɛl 15:30

Nɛ Deevid ta asɔ m buu mbe kumu so nsaa nite aya fuloŋ a shu n yɔ kebeegboŋ nɛ baa tre Ɔlifs na ase a ŋini kagbenejija nɛ k tɔr mo so. Basa nɛ b daa bɛ mo so na gba daŋ ta asɔ nna m buu bumo be amu so a shu a bɛ mo so.

2 Samuɛl 16:3

Nɛ ewura na bishi mo le: “Nnɛ nɛ fo nyɛnpe Sɔɔl mo nanabi Mifiboshɛf wɔ?” Nɛ Ziba yɛ: “E wɔ Jerusalɛm to, ŋkpal e ka bee fɛ fanɛ Israɛlebi na beeŋ laŋɛ mo nananyɛn Sɔɔl be kuwura n sa mo so.”

2 Samuɛl 9:11

Nɛ Ziba kaŋɛ le: “N nyɛnpe, meeŋ wora kusɔ kama nɛ fo kaŋɛ ma.” Amoso Mifiboshɛf nɛ ewura Deevid e daa bɔɔ enɔ a ji fanɛ mo gbagba pibinyɛn na.

1 Bewura 2:8

Nyiŋi Gɛra pibinyɛn Shimei nɛ e la Bɛnjamin be yiri to be esa, nsaa shi Bahurim na gba. Mo e daŋ tege ma nseŋ sho ma kɔnɔ kachɛ nɛ mee yɔ Mahanaim na. Ama kumo be kaman e ka ba tu ma Jɔɔdan be Lɔr na ase na, n daŋ nase kɔnɔ kpakpaso ashi Enyɛnpe Ebɔrɛ be ketre to nna fanɛ m maaŋ shin nɛ b mɔ mo.

Ɛksodɔs 19:10

Nɛ Enyɛnpe Ebɔrɛ kaŋɛ Mosis: “Bɛta n yɔ basa na kutɔ n ya kaŋɛ bumo nɛ b ta kabre nɛ echefo n lara alubi ashi bumo be ŋgbene to nseŋ ki cheembi. K daga fanɛ b fɔr bumo be asɔbuuso gba

Aizaaya 15:2

Ndoŋ nna nɛ basa nɛ b wɔ kade nɛ baa tre Dibɔn na dii n yɔ kegbir ase ashi kebee so n ya shu ndoŋ. Mowab be basa daŋ shu kagbenejijaso nna ŋkpal ndegboŋ nɛ baa tre Nɛbo nɛ Mɛdiba na so. B daŋ she bumo be amu nɛ ntɔl kagbenejijaso gba nna.

Jɛremaya 41:5

benyɛn aduburwa ko daŋ shi nde nɛ baa tre Shɛkɛm nɛ Shilo nɛ Samɛria na nna m ba. B daa kɔ ayu nɛ eduwu be ŋkɛ nna a yɔ nɛ b ya sa Enyɛnpe Ebɔrɛ na bɔrɛlambu na to ashi Jerusalɛm. Bumo alɛ daŋ she bumo be ntɔl nna nseŋ kpɛa bumo be asɔbuuso to nseŋ naŋ ku ŋ ku bumo be eyurana, ŋkpal b ka daa shu keeli so.

Matiu 6:16

Nɛ men baa kishi, men sa maa gbir kenishi to fanɛ kananɛ kebirkɔnshiwuraana na bee wora na, ŋkpal manɛ so, baa kaa chɛrga bumo be anishiakpaana nna nɛ basa e wu b ka bee kishi. Kashenteŋ nɛ mee kaŋɛ menyi na fanɛ b teŋ nya bumo be kechɔrɔ kikɛ.

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

Hibruwebi 13:3

Men baa nyiŋi bumo nɛ b wɔ kabuti to na fanɛ menyi nɛ bumo kikɛ nɛ b ti ebu na nseŋ naa nyiŋi bumo nɛ baa tɔrɔ nfɛlso na fanɛ menyi alɛ gba ka bee ji loŋ be tɔrɔ na.