2 Samuɛl 19:23 - EBƆRƐ BE KAWƆL

²³ Ndoŋ nna nɛ ewura na nase kɔnɔ n sa Shemei fanɛ e maaŋ mɔ mo.

2 Samuɛl 19:23 ပူးပေါင်းရင်းမြစ်များ

2 Samuɛl 16:10

Nɛ ewura na kaŋɛ Abishai nɛ mo da Jɔab: “Nnɛ nɛ k nya menyi! Nɛ fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, wanɛ malɛ e wɔtɔ nɛ e tiŋ m bishi kusɔ nɛ k ba nɛ e wora loŋ?”

2 Samuɛl 19:24

Nɛ Sɔɔl mo nanabi Mifiboshɛf gba koso n lar n ya shɛr ewura Deevid to. Baŋ yili saŋɛ so nɛ ewura na lar Jerusalɛm to n naŋ ya bɛta m ba nɛ alenfia na kikɛ, Mifiboshɛf daa maŋ fɔr mbe aya gba so, e daa maŋ she mbe katɔl, mo alɛ daa maŋ naŋ fɔr mbe asɔbuuso gba.

1 Bewura 2:37

Fo baŋ wora alefasha n lar kade ere to n dii ketaŋɛ nɛ baa tre Kidrɔn ere gba, feeŋ wu nɛ fo luwu malɛ be turju e baa bɛ fo.”

1 Bewura 2:46

Kumo be kaman nɛ Ewura Sɔlɔmɔn kaŋɛ Bɛnaya fanɛ e ya mɔ Shimei, nɛ e ya mɔ mo. Ndoŋ nna nɛ ewura Sɔlɔmɔn be kuwurji wora eleŋ n ti so.

Hibruwebi 6:16

Nɛ basa baa bɔ ntaŋ, esa nɛ e chɔ bumo be ketre nɛ baa kaa ti a bɔ ntaŋ na a ji kashenteŋ a mɔ emɔrɔ kama nɛ k wɔ bumo be nfɛra to.

1 Samuɛl 11:13

Ama le nɛ Sɔɔl bre daŋ kaŋɛ: “B maaŋ mɔ esa kama kabre ŋkpal manɛ so le be kachɛ ere nɛ Enyɛnpe Ebɔrɛ ta m mɔlga Israɛl be basa.”

1 Samuɛl 28:10

Ndoŋ nna nɛ Sɔɔl nase kɔnɔ ŋ kaŋɛ le: “Enyɛnpe Ebɔrɛ nɛ e la ma shɛdajipo na be ketre so, kasogberge kikɛ maaŋ ba fo so ŋkpal fo ka kpal ma so.”

1 Samuɛl 30:15

Nɛ Deevid bishi mo le: “Feeŋ tiŋ n yɛr ma Amalɛkebi na kutɔ a?” Nɛ e yɛ: “Mm, nɛ feeŋ nase kɔnɔ Ebɔrɛ be ketre to fanɛ fo maaŋ mɔ ma ŋko n ta ma m bɔɔ n nyɛnpe enɔ bre, meeŋ yɛr fo bumo kutɔ.”