2 Samuɛl 19:21 - EBƆRƐ BE KAWƆL

²¹ Ndoŋ nna nɛ Zeruwa pibinyɛn Abishai kaŋɛ le: “A daga b ka mɔ Shemei ŋkpal e ka sho Enyɛnpe Ebɔrɛ be ewura lara so na kɔnɔ so.”

2 Samuɛl 19:21 ပူးပေါင်းရင်းမြစ်များ

2 Samuɛl 16:13

Deevid ka malga n loge nɛ mo nɛ mbe basa kilgi a yɔ, nɛ Shimei malɛ bɔ kebee na be kekil to a kuŋ bumo a sho bumo kɔnɔ a kpa bumo ajembu nsaa muu shishɛr a fari bumo.

2 Samuɛl 16:5

Ewura Deevid ka bee fo kade nɛ baa tre Bahurim na nɛ Sɔɔl mo kurgepo ko nɛ baa tre Shimei nɛ e la Gɛra pibinyɛn na bee shɛr mo to nsaa tege mo a sho mo kɔnɔ.

2 Samuɛl 16:9

Kumo be kaman nɛ Zeruwa pibinyɛn Abishai kaŋɛ ewura na le: “Yiramu, manɛ nna nɛ fo shin nɛ esa fuloŋ fanɛ kujɔnɔmu ere bee sho fo kɔnɔ? Shin nɛ n yɔ n ya ku mbe kumu n lɛ!”

Nshɛ 84:9

O Ebɔrɛ, nɛfa anyi be ewura, nɛ fo gbagba lara n sa fo kumu na.

Ɛksodɔs 22:28

Ekama e sa maŋ kaŋ malga ŋ gbiti Ebɔrɛ ŋko n shoduu menyi to be ejuŋkparpo.

Nfabel 4:20

B daŋ pɛ ewura nɛ Enyɛnpe Ebɔrɛ gbagba lara n sa anyi nɛ an daa fute a yige mo so na nna. Mo e la ewura nɛ an daŋ yirda fanɛ e beeŋ baa kuŋ anyi ashi edoŋ kama nɛ e beeŋ ba kɔ anyi kena kutɔ.

1 Samuɛl 24:6

Ndoŋ nna nɛ e kaŋɛ mbe basa na le: “Enyɛnpe Ebɔrɛ e baa pete ma nɛ n wora n nyɛnpe nɛ Enyɛnpe Ebɔrɛ lara fanɛ ewura kulubi. K maŋ daga fanɛ n wora mo kulubi kikɛ!”

1 Samuɛl 26:9

Ama le nɛ Deevid daŋ kaŋɛ mo: “Sa maŋ kaŋ mɔ mo! Enyɛnpe Ebɔrɛ na beeŋ gberge esa kama nɛ e beeŋ mɔ mbe ewura laraso kusoe.