2 Samuɛl 19:13 - EBƆRƐ BE KAWƆL

¹³ Kumo be kaman nɛ ewura Deevid naŋ kaŋɛ bumo fanɛ b kaŋɛ Amasa malɛ le: “Ŋkpal fo ka la ŋkurgepo so, yili kabre a yɔ, fo e naaŋ ki benapo nɛ Jɔab bee keniso na be enimu. Nɛ m baa maŋ wora loŋ, Ebɔrɛ e bishi ma!”

2 Samuɛl 19:13 ပူးပေါင်းရင်းမြစ်များ

Jɛnesis 29:14

Ndoŋ nna nɛ Leeban kaŋɛ mo: “Ma ŋklaŋ e baa la fo.” Kede be kaman nɛ Jeekɔb chena ndoŋ kufɔl koŋwule.

2 Samuɛl 17:25

Absalɔm daŋ ta Amasa nna n yili benapo na be enimu Jɔab be eyilikpa. Jɛta nɛ e la Ishmaɛl be kanaŋ to be esa na pibinyɛn e daa la Amasa. Nahaash be mbicheso e daa la Abigɛl, nɛ e la Amasa mo nio na nɛ Zeruwa nɛ mo alɛ la Jɔab mo nio na. Abigɛl mo sipo e daa la Zeruwa.

2 Samuɛl 18:11

Nɛ Jɔab malɛ kaŋɛ mo le: “Nɛ fo ka wu mo, manɛ nna nɛ fo maŋ mɔ mo epul to ndoŋ? N daa beeŋ sa fo gbiti be ndarbi kudu nɛ benapo be kreso.”

2 Samuɛl 20:4

Ndoŋ nna nɛ ewura Deevid kaŋɛ Amasa le: “Tre Juda be benapo na kikɛ nɛ fo nɛ bumo e ba nfe nchɛ asa be kefɛato.”

2 Samuɛl 3:27

Abna ka ba na nɛ Jɔab keta mo n lar kabunagboŋ na ekpa fanɛ e ka bee sha nɛ e kuli m malga mo kutɔ na, nseŋ ta kasaŋɛ n da mbe epun nɛ e wu. Ŋkpal Abna ka mɔ Jɔab mo sipo Asahɛl so nɛ Jɔab malɛ mɔ mo na.

2 Samuɛl 5:1

Ndoŋ nna nɛ Israɛl be kanaŋ na kikɛ ba Deevid kutɔ ashi Hibrɔn m ba kaŋɛ mo le: “Fo nio pibiana e la anyi.

2 Samuɛl 8:16

Zeruwa pibinyɛn Jɔab e daa la benapo na be enimu, nɛ Ahilud malɛ pibinyɛn Jehoshafat daa la esa nɛ e bee sibɛ asheŋ a nase kawɔl to.

1 Bewura 19:2

Ndoŋ nna nɛ Jɛzebel shuŋi fanɛ b ya kaŋɛ Elaija kubɔya ere. E yɛ: “Ta a ba echefo saŋɛ ere so nɛ ŋ ka maŋ wora fo kusɔ nɛ fo wora agbirwuraana ere gbagba n tal to, kumo ere agbir na e mɔ ma.”

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

Ruf be kawɔl 1:17

Kakpa nɛ feeŋ wu, ndoŋ nɛ meeŋ wu nɛ b puli ma ndoŋ. Nɛ mannɛ luwu e naaŋ barga ma nɛ fo to so, kusɔ kama nɛ n naaŋ kpal kumo so n shin nɛ ma nɛ fo barga abar, Enyɛnpe Ebɔrɛ na e bishi ma kɔnɔ ŋkpal loŋ so.”