2 Samuɛl 18:8 - EBƆRƐ BE KAWƆL

⁸ Kena na daŋ salga to nna n yɔ kade na be kupuŋ to nɛ kupo na to kikɛ nɛ benapo nɛ b wu ŋkpal kupo na to be awurfoŋ so daa shi a chɔ bumo nɛ b mɔ kena na gbagba to.

2 Samuɛl 18:8 ပူးပေါင်းရင်းမြစ်များ

2 Samuɛl 18:7

Deevid be basa na e daa kɔ a pɔɔ so nna. Benapo nɛ b daŋ wu kena na to kumo be kamɔnchɛ na daa wɔ basa ŋgboŋ adunyɔ.

2 Samuɛl 18:9

Ndoŋ nna nɛ Absalɔm ba purgi Deevid be benapo ko. E daŋ dii kurma nna m bɔla kedibi gboŋgboŋi ko be kifito nɛ mbe kumu ya fɛga kumo be ayabi to nɛ kurma na shile ŋ ka mo n shiga kedibi na so.

1 Bewura 20:30

Bumo be bumo nɛ b maŋ nya m mɔ nɛ b shile n yɔ Afɛk be kade to na be basa ŋgboŋ adunyɔ nɛ ashunu nɛ kade na be egbal malɛ tɔr so m mɔ. Bɛnhadad gba daŋ shile nna n ya ŋana Afɛk be kade na be laŋ ko be kukɔlɔbi to be ebu to.

Nshɛ 3:7

Enyɛnpe Ebɔrɛ, mɔlga ma. Gberge ma doŋana kusoe, n shin nɛ bumo be eleŋ e yɔɔ, nɛ b sa maŋ tiŋ m pɔɔ ma so. Fɛta ma doŋana be atayamu, nseŋ gbaŋ bumo be anyi.

Nshɛ 43:1

Enyɛnpe, ŋini fanɛ m maŋ wora n jija! Malga ŋ kuŋ ma ashi basa nɛ b maŋ nyi fo na kutɔ. Mɔlga ma ashi befɛpo nɛ b kɔ amu kpakpaso na kutɔ.

Ɛksodɔs 15:10

Ama Enyɛnpe Ebɔrɛ, fo efute nawule e shin nɛ teku na ba buu bumo kikɛ nyam so nɛ b chul n yɔ nchu damta na be kaseto fanɛ epal na.

Aŋasa 24:21

M pibi, baa ŋana Enyɛnpe Ebɔrɛ na nsaa ŋana bewura gba, sa maa tu amukpakpaso wuraana a wora asheŋ.

Aŋasa 24:22

Wanɛ e nyi tɔrɔ nɛ Enyɛnpe Ebɔrɛ ŋko ewura beeŋ sa bumo?

Joshuwa 10:11

Amɔriebi na ka bɔla kebee na ase ashi Bɛf Hɔrɔn a shile a mɔlga bumo be amu Israɛl be benapo kutɔ na nɛ Enyɛnpe Ebɔrɛ shin nɛ abɔrɛjembu gboŋgboŋi shi awɔlpa to a tɔr bumo so a mɔ hale n ya fo Azeka. Bumo nɛ abɔrɛjembu na daŋ mɔ na daa chɔ bumo nɛ Israɛlebi na gbagba daŋ mɔ.