2 Samuɛl 18:3 - EBƆRƐ BE KAWƆL

³ Nɛ bumo alɛ kaŋɛ mo le: “Fo maaŋ bɛ anyi so n yɔ, ŋkpal manɛ so nɛ anyi doŋana baŋ pɔɔ anyi so nɛ anyee shile, ŋko nɛ b mɔ anyi be benapo ere be bargato gba, k bɔ fo ere ka ti anyi so n yɔ, ŋkpal manɛ so, fo asheŋ e tir a chɔ anyi basa ŋgboŋ kudu ere kikɛ. Amoso fo ere e shir a wɔ kade to a ta kechɛto kama nɛ fo kɔ a chise anyi.”

2 Samuɛl 18:3 ပူးပေါင်းရင်းမြစ်များ

2 Samuɛl 10:11

nɛ Jɔab kaŋɛ mo le: “Fo baŋ wu fanɛ Siriyaebi na bee pɔɔ ma so, fo wora ania m ba chɛ ma to, nɛ Ammɔnebi na malɛ kaa pɔɔ fo so, ma alɛ beeŋ ba chɛ fo to.

2 Samuɛl 17:2

Saŋɛ so nɛ e gben nsaa maŋ naa kɔ eleŋ na nɛ meeŋ fara a kɔ mo. Keyeŋiyeŋi beeŋ tɔr mo so, nɛ mbe basa kikɛ e shile ŋ ka mo nɛ m mɔ mo nawule

2 Samuɛl 21:17

Ndoŋ nna nɛ Zeruwa pibinyɛn Abishai daŋ ba mɔlga Deevid nseŋ mɔ kanyɛn gboŋgboŋi na. Kumo be kaman nɛ Deevid be basa na shin nɛ Deevid nase kɔnɔ fanɛ e maaŋ naa tu bumo a yɔ kena to. Nseŋ kaŋɛ mo le: “Anyi maa sha kepaŋ fo, ŋkpal manɛ so fo nɛ Israɛlebi kikɛ bee fute a yige so.”

1 Bewura 22:31

Siriya be ewura na daŋ kaŋɛ mbe benapo adesa nɛ anyɔ nɛ baa ta egbaŋɛturko a kɔ kena na be benimu nna fanɛ b sa maŋ kaŋ kɔ esa kikɛ ama Israɛl be ewura na nawule.

Nfabel 4:20

B daŋ pɛ ewura nɛ Enyɛnpe Ebɔrɛ gbagba lara n sa anyi nɛ an daa fute a yige mo so na nna. Mo e la ewura nɛ an daŋ yirda fanɛ e beeŋ baa kuŋ anyi ashi edoŋ kama nɛ e beeŋ ba kɔ anyi kena kutɔ.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

1 Samuɛl 18:7

Le be kashɛ nɛ beche na daa boŋ a cha: “Sɔɔl mɔ basa kagboŋ, ama Deevid bre mɔ basa ŋgboŋ kudu.”