2 Samuɛl 18:28 - EBƆRƐ BE KAWƆL

²⁸ Ndoŋ nna nɛ Ahimaaz ponte ŋ kaŋɛ le: “An kɔ m pɔɔ so! An kɔ m pɔɔ so! Kapandi e ba la Enyɛnpe fo Ebɔrɛ nɛ e shin nɛ fo kɔ m pɔɔ basa nɛ b nyaŋɛto a kɔ fo na peya, Yiramu.” Nseŋ ya jɔŋɛ mbe anishito bunyaŋ so.

2 Samuɛl 18:28 ပူးပေါင်းရင်းမြစ်များ

Jɛnesis 14:20

Kemaŋkura e baa la Ebɔrɛ Ewurgboŋ nɛ e sa fo eleŋ nɛ fo kɔ m pɔɔ fo doŋana so na peya.” Nɛ Eebram sa Mɛlkizedɛk asɔ nɛ e ya nya kena na to na kikɛ be kudukudusopo.

Jɛnesis 24:27

ŋ kaŋɛ: “Kapandi e baa la Enyɛnpetale n nyɛnpe Eebraham be Ebɔrɛ na peya, ŋkpal manɛ so e maŋ teŋ mbe kelela be kɔnɔ naseso nɛ e sa n nyɛnpe na so. Mo e juŋkpar ma le m ba luri n nyɛnpe mo kurgepoana gbagba pe.”

2 Samuɛl 1:2

Kumo be nchɛ asa be kaman nɛ kabrantiɛbia ko shi ewura Sɔɔl be keeyi to m ba. E daŋ kpɛa mbe asɔbuuso to nna nseŋ wora shishɛr n wurge mbe kumu so a ŋini kagbenejija nɛ k tɔr mo so. Kumo be kaman nɛ e yɔ Deevid kutɔ n ya jɔŋɛ m bunyaŋ mo.

2 Samuɛl 14:4

Ndoŋ nna nɛ kache na yɔ ewura Deevid kutɔ n ya gbir kasawule bunyaŋ so nseŋ kaŋɛ mo le: “Yiramu! Chɛ ma to!”

2 Samuɛl 22:27

Basa kama nɛ kulubi maŋ wɔ bumo to na nɛ fee lara fo kumu a ŋini, ama belubiworapo bre be alubi be kakɔka nɛ fee sa bumo.

2 Kronikɛls 20:26

Kumo be kachɛ nasopo na, nɛ b shɛr Bɛraka be ketaŋɛ na to nseŋ di Enyɛnpe Ebɔrɛ epaŋ ŋkpal kusɔ nɛ e wora so. Amoso nɛ baa tre ketaŋɛ na Bɛraka na. Kumo be kifito ashi Hibruwebi be ŋgbar to e la, kapandi.

Nshɛ 115:1

Anyi ere maŋ daga fanɛ b kpaŋ anyi kuraa! Enyɛnpe Ebɔrɛ na nawule e daga fanɛ ekama nyam e kpaŋ mo; ŋkpal mbe kasha nɛ k maa chɛrga nɛ mbe kashenteŋji so.

Nshɛ 124:6

Men shin nɛ an di Enyɛnpe Ebɔrɛ nɛ e maŋ sa an doŋana ekpa, nɛ b we anyi m mur fanɛ kupuŋ to be asɔbɔya na epaŋ.

Nshɛ 31:8

Fo maŋ yige ma n wɔtɔ ma doŋana be enɔ to. Ama fo sɔ ma n yige, nɛ n nya ma kumu a ji.

Ɛksodɔs 18:10

Nɛ Jetro kaŋɛ le: “Kemaŋkura e baa la Enyɛnpe Ebɔrɛ mo nɛ e mɔlga fo nɛ basa na kikɛ ashi Ijipt be ewura Fɛɛro nɛ mbe basa Ijiptebi na be kenyaya to na peya.

1 Samuɛl 17:46

Kabre be kachɛ ere, Enyɛnpe Ebɔrɛ beeŋ ta fo m bɔɔ ma enɔ nɛ m pɔɔ fo so ŋ ku fo kumu ere, nseŋ ta Filisti be benapo be eyurana n sa mbuibi nɛ kupuŋ to be asɔbɔya nɛ b ji. Saŋɛ na so nɛ durnya kikɛ e pin fanɛ Ebɔrɛ wɔ Israɛlebi kutɔ.

1 Samuɛl 24:18

Ama kabre, fo kaŋɛ ma kelela nɛ fo wora ma saŋɛ so nɛ Enyɛnpe Ebɔrɛ ta ma m bɔɔ fo enɔ nɛ fo kini kemɔ ma na.

1 Samuɛl 25:23

Abigɛl ka baŋ wu Deevid, nɛ e gbelge mbe kurma so manaŋ, m ba gbir Deevid be anishito ŋ kurgi kumu n yuu to,

1 Samuɛl 26:8

Nɛ Abishai kuli ŋ kaŋɛ Deevid le: “Naniere bre Ebɔrɛ ta fo doŋ n wɔtɔ fo enɔ to nna na. Shin nɛ n ta mo gbagba be kekpa ere m baŋ da mo m mata kasawule kela koŋwule paati. M maaŋ da mo kumo ale anyɔ!”