2 Samuɛl 18:2 - EBƆRƐ BE KAWƆL

² Kumo be kaman nɛ e shin nɛ ntuŋ na kikɛ ba abar so nɛ e naŋ barga amo to ntuŋ asa nseŋ shin nɛ Jɔab bee keni katuŋ koŋwule so nɛ mo sipo Abishai malɛ bee keni katuŋ nyɔsopo so nɛ Ittai nɛ e shi Gaaf na malɛ bee keni katuŋ sasopo na so. Le nɛ ewura Deevid daŋ kaŋɛ mbe basa na: “Ma nɛ menyi e naŋ yɔ kena na to.”

2 Samuɛl 18:2 ပူးပေါင်းရင်းမြစ်များ

2 Samuɛl 17:11

Ma kasotoji e la fanɛ fo yili Dan be kade to ashi kelargato be esoso be kaba so n chala Israɛl be benapo n ya fo Bɛshiba be kade to be kelargato be kaseto na saŋɛ na so feeŋ nya benapo, nɛ b baa shi fanɛ teku ase be leele na, nɛ fo Absalɔm gbagba e juŋkpar nɛ an ya kɔ Deevid kena.

2 Samuɛl 21:17

Ndoŋ nna nɛ Zeruwa pibinyɛn Abishai daŋ ba mɔlga Deevid nseŋ mɔ kanyɛn gboŋgboŋi na. Kumo be kaman nɛ Deevid be basa na shin nɛ Deevid nase kɔnɔ fanɛ e maaŋ naa tu bumo a yɔ kena to. Nseŋ kaŋɛ mo le: “Anyi maa sha kepaŋ fo, ŋkpal manɛ so fo nɛ Israɛlebi kikɛ bee fute a yige so.”

2 Samuɛl 23:18

Jɔab mo sipo Abishai nɛ mo nio la Zeruwa na e daa la benapo lempo adesa nɛ bumo be atre daŋ dii na to be ejuŋkparpo. E daŋ ta mbe kekpa nna ŋ kɔ benyɛn alfa asa m mɔ bumo kikɛ nɛ mbe ketre dii fanɛ benapo lempo asa nɛ bumo be atre daŋ dii a chɔɔ ekama na.

2 Samuɛl 8:16

Zeruwa pibinyɛn Jɔab e daa la benapo na be enimu, nɛ Ahilud malɛ pibinyɛn Jehoshafat daa la esa nɛ e bee sibɛ asheŋ a nase kawɔl to.

1 Bewura 2:28

Adonija nɛ Jɔab daa chɛ to nɛ e ki ewura, mannɛ Absalɔm, amoso e ka nu fanɛ Adonija wu nɛ e shile n yɔ Enyɛnpe be wajɛbu na ase n ya pɛ bɔrɛsure na be abonfu to be asɔ nɛ a duli alambɛ na to ŋ keta nɛ e kuŋ mbe kumu.

Nshɛ 3:6

Hale bedoŋ kagboŋ kulti ma gba, m maa lɔ kufu.

Demujipoana 7:16

Ndoŋ nna nɛ e barga basa alfa asa na to ntuŋ asa nseŋ ta mbel nɛ mpuya fuloŋ nɛ b chɔɔ mbulpi n wɔtɔ amo to m bɔɔ ekama enɔ.

Demujipoana 7:19

Kanyɛso, jemanɛ nɛ basa bee ku aya na, nɛ Gidiɔn nɛ basa kalfa nɛ mo nɛ bumo daa la na fo bumo doŋana na. Jemanɛ na so nɛ bekumpo pɔtɛ ba sɔ bekumpo nɛ b daa yil a da bumo be keeyi to so na so. Ndoŋ nna nɛ Gidiɔn nɛ mo braana foŋ bumo be mbel nseŋ bure mpuya nɛ b daŋ keta na.

Demujipoana 9:43

nɛ e barga mbe benapo na to ntuŋ asa nseŋ shin nɛ b ya ŋana adɔana to a jo bumo. B ka wu Shɛkɛmebi na ka bee ba nɛ b koso nɛ b kɔ bumo.

1 Samuɛl 11:11

Kumo be ŋklade nɛ Sɔɔl barga mbe basa na to ntuŋ asa nseŋ ta kena n ya tu bumo doŋana Ammɔnebi na ashi bumo be keeyi to kachipurdidi na. Israɛlebi na daŋ mɔ Ammɔnebi na nna hale n ya fo kapaso. Bumo be bumo nɛ b daa maŋ nya m mɔ na malɛ daŋ pesaŋ to nna nɛ bumo be basa anyɔ kama daŋ maŋ naa wɔ abar so.