2 Samuɛl 18:17 - EBƆRƐ BE KAWƆL

¹⁷ Kumo be kaman nɛ b ta Absalɔm b kebuni n ya lɛ kupo na to be kejamaŋ chiŋgeliŋ ko to nseŋ muu ajembu gboŋgboŋi damta n deŋi mo so kululu. Loŋ be jemanɛ na so nɛ Absalɔm be bebɛsopo na kikɛ pɛ ekpa n shile n yɔ bumo peana.

2 Samuɛl 18:17 ပူးပေါင်းရင်းမြစ်များ

2 Samuɛl 19:5

Nɛ Jɔab yɔ ewura na be laŋ to n ya kaŋɛ mo le: “Kabre fo ta anishinyɔr m pɛ fo benapo nɛ b mɔlga fo nɛ fo mbinyɛnbi nɛ mbichebi nɛ fo beche nɛ fo jipoana be ŋkpa na ga.

2 Samuɛl 19:8

Ndoŋ nna nɛ ewura na koso n ya chena kade na be kabuna to. Mbe basa na ka nu fanɛ e wɔ ndoŋ nɛ bumo kikɛ yɔ mo kutɔ. Ama le be jemanɛ ere nɛ Absalɔm be bebɛsopo na bre shile n yɔ bumo peana.

2 Samuɛl 19:9

Nɛ Israɛl be basa na kikɛ fara a bile asheŋ a kaŋɛ abar le: “Ewura Deevid e mɔlga anyi ashi anyi doŋana kutɔ, nseŋ naŋ mɔlga anyi ashi Filistiebi kutɔ ama e shile n lar efuli ere so ŋkpal Absalɔm so.

2 Samuɛl 20:1

Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

2 Samuɛl 20:22

Ndoŋ nna nɛ e yɔ kade na be basa kutɔ nɛ mo nɛ bumo kre ŋkre nɛ b ku Shɛba be kumu n ta kumo ŋ kpa egbal na be kaman n sa Jɔab. Nɛ Jɔab foŋ kabel a ŋini fanɛ mbe benapo na e lar kade na to. Benapo na ka lar n choŋ epe nɛ Jɔab malɛ bɛta n yɔ ewura Deevid kutɔ ashi Jerusalɛm.

2 Bewura 14:12

Jehɔash be benapo daŋ kɔ m pɔɔ Amaziya be benapo kikɛ so nna nɛ b shile n yɔ bumo peana.

2 Bewura 8:21

Amoso ewura Jehoram nɛ mbe benapo be benimuana na daŋ ta egbaŋɛturko nna n yɔ kade nɛ baa tre Zair nɛ b ya kɔ Edɔmebi na kena. Ama Edɔmebi na daŋ kulti bumo nna n wɔtɔ. Kanyɛ ka biri, nɛ Judaebi na kɔ Edɔmebi kena nɛ Edɔmebi na pɔɔ bumo so nɛ b shile n yɔ epe.

Aŋasa 10:7

Basa lela be alela so nɛ baa nyiŋi bumo, ama b maa nyiŋi belubiwurapo bre kikɛ.

Ditɛronɔmi 21:20

Kusɔ nɛ baaŋ ya kaŋɛ nde: “An pibinyɛn ere kpeŋ nna nsaa maa nu a sa anyi. E la esa nɛ e bee boo nsa nsaa jija amansherbi nna.”

Ditɛronɔmi 21:21

Saŋɛ na so nɛ kade na be benyɛn e kpa kebia na ajembu m mɔ, nɛ kumo be loŋ e lara le be kulubi ere ashi menyi to nɛ kufu e pɛ Israɛl be esa kama nɛ e nu kumo be asheŋ.

Joshuwa 10:27

Epeŋi ka bee tɔr nɛ Joshuwa ponte ŋ kaŋɛ fanɛ b shiga bubuni na ndibi na so n ta bumo n ya lɛ kebeelaŋ nɛ b daŋ ŋana to na to, nseŋ gbelti ajembu gboŋgboŋi n ti kumo so. Loŋ be ajembu na kra wɔtɔ hale kabre.

Joshuwa 7:26

B daŋ bela ajembu gboŋgboŋi damta nna n deŋi Eekan so kululu. Nɛ Enyɛnpe Ebɔrɛ be agbo nyaŋnyaŋso na wushi. Amoso nɛ b kra tre kaboŋ na Akɔɔ be ketaŋɛ to hale kabre na.

Joshuwa 8:29

E daŋ chɛ Ai be ewura na efɔl nna n shiga kedibi so nseŋ yige mbe kebuni n ya fo kaaseso. Epeŋi ka tɔr nɛ Joshuwa kaŋɛ fanɛ b ya shiga kebuni na kedibi na so n ya lɛ kade na be kabunagboŋ na ase. Kumo be kaman nɛ b bela ajembu gboŋgboŋi damta n deŋi ewura na be kebuni na so. Loŋ be kakpa na kra dese hale kabre.

1 Samuɛl 4:10

Ndoŋ nna nɛ Filistiebi na naaŋ ya kɔ Israɛlebi na kena m pɔɔ bumo so alegaiso m mɔ bumo be basa ŋgboŋ adesa, nɛ bumo nɛ b ka na kikɛ shile n yɔ bumo be elaŋ to.