2 Samuɛl 18:14 - EBƆRƐ BE KAWƆL

¹⁴ Nɛ Jɔab kaŋɛ le: “M maaŋ naŋ yili n jija saŋɛ.” Absalɔm ka sha kedibi gboŋ na so a maŋ naŋ wu na, nɛ Jɔab ta akpa asa m ber abar so n da Absalɔm be kagbene to.

2 Samuɛl 18:14 ပူးပေါင်းရင်းမြစ်များ

2 Samuɛl 12:10

Amoso fo nanabiana nɛ baŋ koso kachako so na be beko beeŋ wu luwu nyaŋnyaŋso ŋkpal fo ka kini kenu n sa ma nseŋ wora le be kusɔ ŋ ŋaba ma so.

2 Samuɛl 14:30

Ndoŋ nna nɛ Absalɔm kaŋɛ mbe nyɛrbi le: “Men keni, Jɔab be aboyu be kudɔ baŋ mata meya nna. Men ya wɔtɔ kumo edɛ.” Ndoŋ nna nɛ b ya wɔtɔ kudɔ na kikɛ edɛ.

2 Samuɛl 18:15

Kumo be kaman nɛ Jɔab be benapo nɛ baa sulɔ mbe akɔsɔ na be kudu malɛ ya kulti mo nseŋ da mo nsaŋɛ m mɔ.

2 Samuɛl 18:5

Nɛ e kaŋɛ Jɔab, Abishai nɛ Ittai le: “Men sa maŋ kpal ma so n wora Absalɔm kulubi kikɛ.” Nɛ benapo na kikɛ nu kusɔ nɛ ewura Deevid kaŋɛ bumo be benimuana na.

2 Samuɛl 19:1

Ndoŋ nna nɛ b kaŋɛ Jɔab fanɛ ewura Deevid bee shu Absalɔm be keeli.

2 Samuɛl 19:11

Ewura Deevid ka nu asheŋ nɛ Israɛlebi na kaŋɛ na kikɛ nɛ e shuŋi n ya kaŋɛ bɔrɛmatapoana Zadɔk nɛ Abiata fanɛ b ya bishi Juda be bejuŋkparpoana na le: “Manɛ nna nɛ k ba fanɛ menyi e shir kaman n fɛ ewura be kelaŋɛ m ba mbe laŋ to be asheŋ?

Job be kawɔl 20:5

basa lubi be kagbenefuli maa chɛr.

Nshɛ 37:35

N wu amukpakpasowuraana ka puni basa n nyalɛ; fanɛ kananɛ ndibi bee daŋ a walɛ nɛnɛ ashi kasawule lela so na.

Nshɛ 45:5

Shin nɛ fo atanyembi pelpelso na e da ewura mo doŋana be ŋgbene to. Shin nɛ efuli pɔtɛana so ebi e tɔr fo aya ase.

Matiu 12:40

Kananɛ Jona daŋ baŋ ji nchɛ asa nɛ nnyɛ asa kɔrɔtɔgboŋ na be epun to na, loŋ gbagba na nɛ ma, Nyiŋgbasa Pibinyɛn na beeŋ ji nchɛ asa nɛ nnyɛ asa kasawule to.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

Demujipoana 4:21

Ŋkpal Sisɛra ka daŋ gben ga so, k maŋ chɛr nɛ edi la mo nɛ e di. Ndoŋ nna nɛ Jaɛl ta wajɛbu na be keyir nɛ hamma nseŋ pete boeŋ boeŋ n yɔ kakpa nɛ e dese a di na n ya gbir keyir na mbe ketaya to m bɔl m mata kasawule nɛ e wu.

Demujipoana 5:26

Kumo be kaman nɛ e ta wajɛbu be keyir enɔ ko to nseŋ ta hamma kuko to, n ya gbir Sisɛra be kumu nɛ mbe kumuwibi biɛ to.

Demujipoana 5:31

Enyɛnpe Ebɔrɛ, shin nɛ fo doŋana kikɛ e mur fanɛ Sisɛra na! Ama shin nɛ bekama nɛ baa sha fo na e baa du fanɛ epeŋi ka bee pete na! Ndoŋ nna nɛ kayurwushi naŋ ba efuli na so beeŋ wora nfɛ adena.