2 Samuɛl 17:8 - EBƆRƐ BE KAWƆL

⁸ Fo gbagba na nyi fo tuto Deevid nɛ mbe basa ka bee pere kenishi a kɔ kena ga, bumo alɛ nseŋ naŋ lubi a chɔ shishiri nɛ b mɔ kumo be mbia. Fo tuto nyi kena to nɛnɛ ga amoso e maaŋ tu mbe benapo n dese kakpa koŋwule kanyɛ ere.

2 Samuɛl 17:8 ပူးပေါင်းရင်းမြစ်များ

2 Samuɛl 15:18

Deevid ka yil na, nɛ e wu mbe benapo nɛ mbe bekumpo ka ba choŋ. Katuŋ nɛ b shir kaman m ba choŋ na e daa la benapo alfa ashe nɛ b daŋ bɛ mo so ashi Gaaf nɛ k wɔ Filisti be efuli so na. Ittai e daa la benapo na be enimu.

2 Samuɛl 17:9

Ashere e ŋana kebeelaŋ to ŋko kakpa ko naniere gba. Basa kama nɛ bumo alɛ baŋ nu fanɛ Deevid bee kɔ fo basa, beeŋ kaŋɛ fanɛ b pɔɔ fo basa so,

2 Samuɛl 23:16

Nɛ benapo lempo asa nɛ bumo be atre dii benapo adesa na to na pete n yɔ Filistiebi na be keeyito n ya jɔ ketirbu na be nchu m ba sa Deevid, ama Deevid daa maŋ nu nchu na. E daŋ chulgi amo nna n wurge kasawule fanɛ sarga n sa Enyɛnpe Ebɔrɛ,

2 Samuɛl 23:18

Jɔab mo sipo Abishai nɛ mo nio la Zeruwa na e daa la benapo lempo adesa nɛ bumo be atre daŋ dii na to be ejuŋkparpo. E daŋ ta mbe kekpa nna ŋ kɔ benyɛn alfa asa m mɔ bumo kikɛ nɛ mbe ketre dii fanɛ benapo lempo asa nɛ bumo be atre daŋ dii a chɔɔ ekama na.

2 Bewura 2:24

Elaisha ka gbɛ ŋ keni n wu bumo nɛ e gbɛlɛ bumo nseŋ sho bumo kɔnɔ ashi Enyɛnpe Ebɔrɛ be ketre to. Epul to nɛ eshishiri cheso anyɔ lar kupuŋ to ŋ kpɛa mbia na be adena nɛ anyɔ to chɛbarchɛbarbi.

Aŋasa 17:12

Fo ka purgi buluŋ cheso nɛ k bee yɛla kenishi to a fin kumo pibi bɔ fo ka tu ewulpo a wora kawulisheŋ.

Aŋasa 28:15

Ewura lubi nɛ e bee tɔrɔ betirpo du nna fanɛ buluŋ nɛ e bee ponte to na, ŋko shishiri nɛ akoŋ kɔ.

Ezikɛl 19:2

“Men nio daa la fanɛ buluŋ cheso nɛ e daa kɔ kenyɛn nna nseŋ bela mbe bibi ashi ebuluŋ nyɛnso lempo to!

Danɛl 7:5

Kusɔbɔya nyɔsopo na malɛ daa du nna fanɛ shishiri nsaa yil kumo be mmantoya so. Akentibi asa daa fɛa kumo be kɔnɔ to nna, nɛ ebɔl ko kaŋɛ kumo le: “We eblaŋ na kanaŋkamaso nɛ fee sha!”

Hoziya 13:8

Meeŋ kɔ menyi nseŋ kpɛa menyi to cheche fanɛ shishiri nɛ kumo be bibi foe na. Meeŋ tɛ n yuu menyi so epul to fanɛ buluŋ na, nseŋ kpɛa menyi to m min fanɛ kupuŋ to be kusɔbɔya na.

Demujipoana 18:25

Ndoŋ nna nɛ Dan be yiri to be basa na kaŋɛ: “Sa maa malga a kesar anyi. Fo baŋ shin nɛ an nya agbo, fo nɛ fo kanaŋ kikɛ beeŋ wu.”

1 Samuɛl 16:18

Nɛ mbe nyɛrbi na be eko kaŋɛ: “Kanyɛn ko nɛ baa tre Jɛsi nɛ e wɔ Bɛtlɛhɛm na be kebia nyi jaŋjilaŋ be kelaŋ ga. E la enapo mo nɛ e kɔ kenyɛn nna ga nsaa walɛ kayɛrbi ga nɛ mbe mmalga gba wɔ ebel nɛ Enyɛnpe Ebɔrɛ na wɔ mo kutɔ.”

1 Samuɛl 17:50

Ketababu nɛ kejembu nɛ Deevid daŋ ta m pɔɔ Goliɛf so. E daa maŋ ta tokobi.

1 Samuɛl 23:23

Men lege to n fin mboŋ kama nɛ e bee kaa shile a ŋana na nseŋ ba kaŋɛ ma. Saŋɛ na so ma nɛ menyi beeŋ fin mo. E baa wɔ efuli ere so bre men nya mo. Hale nɛ meeŋ keni Juda be efuli so kikɛ gba n fin mo nna meeŋ wora loŋ.”