2 Samuɛl 17:28 - EBƆRƐ BE KAWƆL

^28-29 B daŋ bar ntishaŋ nɛ mpuliya nɛ b ta ebɔ m pɔr, nɛ asɔ deseso, nɛ ajibi nna m ba sa Deevid nɛ mbe basa. Ayu nɛ aboyu nɛ aboyutɔso nɛ chɛbɛ nɛ akuloŋku nɛ mushoŋ nɛ wagashi nɛ mbolpɔ gba daŋ ti so. Ŋkpal manɛ so b daa nyi geeŋ fanɛ akoŋ nɛ achukoŋ nɛ kegben beeŋ pɛ Deevid nɛ mbe basa ashi kiyi na to.

2 Samuɛl 17:28 ပူးပေါင်းရင်းမြစ်များ

Jɛnesis 25:34

Isɔɔ ka wora loŋ na nɛ Jeekɔb sa mo bodobodo nɛ mbe epo belbelso na be ako nɛ e ji nseŋ koso n choŋ. To, kananɛ Isɔɔ daŋ keni mbe kekurge to be kenimu jiga nna na.

Aŋasa 11:25

Fo baa bugi enɔ a kɛ feeŋ dii dama. Chɛ beko to nɛ beko malɛ e chɛ fo to.

Aizaaya 32:8

Ama esa nɛ ekama bee sa bunyaŋ bre bee ji kashenteŋ nna nsaa yil kusɔ nɛ k niŋi so a wora asheŋ.

Obadaya 1:3

Fo, Edɔm be kamoowu e naa fule fo na. Fo Edɔm nɛ fo tase kebee so nɛ fo kowu wɔ kaboŋ jeŋgreŋ na, e naa puchi a kaŋɛ fo kumu fanɛ wanɛ e naaŋ tiŋ m pɔɔ fo so na, ŋko?

Matiu 5:7

Kagbenefuli la kuwɔrwupoana peya nna, ŋkpal manɛ so, Ebɔrɛ beeŋ wu bumo alɛ gba kuwɔr.

1 Samuɛl 25:18

Nɛ Abigɛl wora manaŋ n ta ebodobodo alfanyɔ nɛ nsaturbi be bɔlɔ anyɔ nɛ mbolpɔ nɛ b mɔ ŋ ŋese anu nɛ aboyu keeso be kilo kudu ashunu nɛ asɔrso jiso be asha kalfa nɛ figi be asɔrso wɔlso be ekrakashi alfa anyɔ ŋ kre amo n deŋi ekurma so.