2 Samuɛl 17:25 - EBƆRƐ BE KAWƆL

²⁵ Absalɔm daŋ ta Amasa nna n yili benapo na be enimu Jɔab be eyilikpa. Jɛta nɛ e la Ishmaɛl be kanaŋ to be esa na pibinyɛn e daa la Amasa. Nahaash be mbicheso e daa la Abigɛl, nɛ e la Amasa mo nio na nɛ Zeruwa nɛ mo alɛ la Jɔab mo nio na. Abigɛl mo sipo e daa la Zeruwa.

2 Samuɛl 17:25 ပူးပေါင်းရင်းမြစ်များ

2 Samuɛl 17:26

Giliad be kasawule so nɛ Absalɔm nɛ mbe basa daŋ ya wora bumo be keeyi to n chena.

2 Samuɛl 19:13

Kumo be kaman nɛ ewura Deevid naŋ kaŋɛ bumo fanɛ b kaŋɛ Amasa malɛ le: “Ŋkpal fo ka la ŋkurgepo so, yili kabre a yɔ, fo e naaŋ ki benapo nɛ Jɔab bee keniso na be enimu. Nɛ m baa maŋ wora loŋ, Ebɔrɛ e bishi ma!”

2 Samuɛl 19:14

Ndoŋ nna nɛ Deevid be mmalga na shin nɛ Juda be basa na kikɛ be ŋgbene kilgi m bɛ mo so nɛ b shuŋi ŋ kaŋɛ fanɛ mo nɛ mbe benapo na kikɛ e bɛta m ba Jerusalɛm.

2 Samuɛl 20:4

Ndoŋ nna nɛ ewura Deevid kaŋɛ Amasa le: “Tre Juda be benapo na kikɛ nɛ fo nɛ bumo e ba nfe nchɛ asa be kefɛato.”

1 Bewura 2:28

Adonija nɛ Jɔab daa chɛ to nɛ e ki ewura, mannɛ Absalɔm, amoso e ka nu fanɛ Adonija wu nɛ e shile n yɔ Enyɛnpe be wajɛbu na ase n ya pɛ bɔrɛsure na be abonfu to be asɔ nɛ a duli alambɛ na to ŋ keta nɛ e kuŋ mbe kumu.

1 Bewura 2:32

Ŋkpal e ka mɔ Abna nɛ e la Israɛl be benapo be enimu nɛ Amasa nɛ mo alɛ la Juda be benapo be enimu nɛ n tuto ewura Deevid maŋ nyi na so, Enyɛnpe Ebɔrɛ beeŋ gberge mo kusoe.

1 Bewura 2:5

Fo gbagba ere nyi kusɔ nɛ Zeruwa pibinyɛn Jɔab wora ma. E mɔ Neer pibinyɛn Abna nɛ Jɛta pibinyɛn Amasa nɛ b la Israɛl be benapo be benimu anyɔ na nna fanɛ kena to be bedoŋ na, nɛ b maa kɔ kena. E daŋ mɔ bumo nna nɛ b maŋ wora shɛŋ, ŋkpal mbe basa ka daŋ wu kena ko to ga so. Shin nɛ e nya mbe alubi be kakɔka.

1 Kronikɛls 12:19

Manase be yiri to be benapo ko daŋ ya ti Deevid be benapo so nna saŋɛ nɛ e daŋ lar n ya tu Filistiebi na nɛ e kɔ ewura Sɔɔl kena na. E daa maŋ naŋ chɛ Filistiebi na to ŋkpal manɛ so b daa fɛ nna fanɛ e beeŋ debɔr bumo ŋ ŋini mo nyɛnpe dra Sɔɔl. Amoso b daŋ shin nna nɛ Deevid bɛta n yɔ Ziklag.

1 Kronikɛls 2:13

Jɛsi be mbinyɛnsobi daa wɔ beshunu. Kananɛ b bɛ abar so kenimu kenimuso nde. Eliab e la mo pibinyɛn nimuso n ta Abinadab nɛ Shamaa