2 Samuɛl 17:17 - EBƆRƐ BE KAWƆL

¹⁷ Abiata pibinyɛn Jonatan nɛ Zadɔk pibinyɛn Ahimaaz daa jo Ɛnrogɛl be kebuye na ase nna ashi Jerusalɛm be kade be ekarso ŋkpal manɛ so b daa maa sha b ka wu bumo nɛ baa luri kade na to. Kebichebi ko malɛ e naa kaa kaŋɛ bumo kusɔ nɛ k bee wora nɛ bumo alɛ e ta n ya kaŋɛ ewura Deevid.

2 Samuɛl 17:17 ပူးပေါင်းရင်းမြစ်များ

2 Samuɛl 15:27

Nɛ ewura na naŋ laŋɛ ŋ kaŋɛ bɔrɛmatapo Zadɔk le: “Keta fo pibinyɛn Ahimaaz nɛ Abiata pibinyɛn Jonatan n yɔ kade na to kagbenewushiso.

2 Samuɛl 15:35

Bɔrɛmatapoana Zadɔk nɛ Abiata beeŋ baa wɔ ndoŋ, amoso wora ŋ kaŋɛ bumo kusɔ nɛ fo nu ashi ewura be lambu to na.

2 Samuɛl 15:36

Bumo be mbinyɛnbi Ahimaaz nɛ Jonatan kikɛ wɔ bumo kutɔ, fo alɛ beeŋ tiŋ ŋ kaŋɛ bumo baru kikɛ nɛ k wɔtɔ nɛ b ba kaŋɛ ma.”

1 Bewura 1:42

E kraa malga nna nɛ bɔrɛmatapo Abiata pibinyɛn Jonatan ba ndoŋ. Nɛ Adonija kaŋɛ mo le: “Fo maŋ la esa fɔmbi, amoso feeŋ baa kɔ baru lela ko a bar anyi.”

1 Bewura 1:9

Kachako nɛ Adonija ta mbolpɔ nɛ egbolu nɛ anafɔlbi nɛ b daa walɛ eyurto n lara sarga ashi kefalta nɛ baa tre ‘Kuwɔ’, nɛ k mata kebuye nɛ baa tre Enrogɛl na ase. E daŋ tre mo sipo nyɛnsobiana nɛ ewura Deevid be benimuana nɛ b shi Juda na nna m ba loŋ be sarga be kejigboŋ na to.

Joshuwa 15:7

K yili ketaŋɛ nɛ baa tre Ankɔ, nɛ baa tre kumo koŋwule na Tɔrɔ be ketaŋɛ na, n yɔ Dɛbia nseŋ naŋ kilgi n sɔ kelargato be esoso be kaba so a yɔ Gilgaal nɛ k wɔ Adummim be anishito ashi ketaŋɛ na be kelargato be kaseto be kaba so na. Ndoŋ nɛ k yili m bɛ Enshɛmɛsh be mbombi na so hale n ya paŋ m bɔl Enrogɛl,

Joshuwa 18:16

nseŋ naŋ yili ndoŋ n yɔ kebee nɛ k shoŋi Bɛn Hinnɔm be ketaŋɛ, nsaa wɔ Refaebi be ketaŋɛ na malɛ be kelargato be esoso be ekarso na be kifito, nseŋ kilgi n sɔ kelargato be kaseto be kaba so m bɔla Hinnɔm be ketaŋɛ na to ashi Jebusiebi be kebee so a laŋɛ En Rogɛl be kaba so,