2 Samuɛl 17:16 - EBƆRƐ BE KAWƆL

¹⁶ Kumo be kaman nɛ e kaŋɛ bumo fanɛ b wora manaŋ n ya kaŋɛ Deevid fanɛ e sa maŋ kaŋ dese Jɔɔdan be lɔr na be kɔnɔ ase, ama e dii kumo manaŋ, saŋɛ na so b maaŋ nya mo nɛ mbe basa m mɔ.”

2 Samuɛl 17:16 ပူးပေါင်းရင်းမြစ်များ

2 Samuɛl 15:14

Ndoŋ nna nɛ Deevid kaŋɛ mbe benimu nɛ mo nɛ bumo wɔ Jerusalɛm to na le: “Nɛ an baa maa sha Absalɔm ka pɛ anyi bre, kumo ere an wora manaŋ n lar, nɛ manɛ a loŋ, e beeŋ tu anyi nfe naniere kikɛ ŋ kɔ m pɔɔ anyi so nseŋ mɔ basa nɛ b wɔ kade ere to gba kikɛ n ti so!”

2 Samuɛl 15:28

Ama meeŋ jo kiyi na to be kakpa nɛ baa bɔla a dii lɔr na n ya fo jemanɛ kama nɛ meeŋ nu kubɔya ashi menyi kutɔ.”

2 Samuɛl 15:35

Bɔrɛmatapoana Zadɔk nɛ Abiata beeŋ baa wɔ ndoŋ, amoso wora ŋ kaŋɛ bumo kusɔ nɛ fo nu ashi ewura be lambu to na.

Nshɛ 35:25

Sa maŋ shin nɛ b kaŋɛ le: “Mannɛ mo nde a? An nya mo n wɔtɔ enɔ to a!”

Nshɛ 55:8

N daa beeŋ nya manaŋ n yɔ kakpa nɛ meeŋ nya kekuŋ ashi afugboŋ nɛ atiligboŋ so.

Nshɛ 56:2

Bumo be bedamta baa yuu ma so nna, a kɔ ma kamoowuso.

Nshɛ 57:3

Feeŋ shin nɛ kechɛto e shi ebɔrɛso m ba sɔ ma n yige. Nseŋ shin nɛ tɔrɔ e tɔr bumo nɛ baa kɔ ma kenishipereso na bre so. Fo la eshinteŋjipo nɛ esa beeŋ tiŋ n yirda nna.

1 Kɔrintebi 15:54

Amoso, nɛ eyur nɛ k bee mur ere baŋ ki eyur mo nɛ k maa mur na nɛ eyur nɛ k bee wu ere malɛ ki eyur nɛ k maa wu na, kumo ere kusɔ nɛ abɔrɛsibɛ na bee kaŋɛ na bee bɔla ekpa nna na fanɛ: “Naniere luwu mur. Kekɔmpɔɔso e ka.

2 Kɔrintebi 5:4

Ŋkpal manɛ so, an ka kraa wɔ eyur mo nɛ k du fanɛ wajɛbu ere to bre, anyee shu to nna nsaa wɔ kafɔŋ to, ŋkpal manɛ so, an maa sha fanɛ an delge so. Anyee sha fanɛ an buu anyi be ebɔrɛso be kusɔbuuso nna, saŋɛ na so ŋkpa beeŋ mur kusɔ nɛ k beeŋ wu na kikɛ nyam.

1 Samuɛl 20:38

Sa maŋ yili ndoŋ, wora manaŋ!” Ndoŋ nna nɛ kebia na ta ketanyembi na m ba sa mo nyɛnpe Jonatan.