2 Samuɛl 16:23 - EBƆRƐ BE KAWƆL

²³ Ŋkpal Deevid nɛ Absalɔm kikɛ ka daa fɛ fanɛ kusɔ kama nɛ Ahitofɛl daŋ baŋ kaŋɛ shi Ebɔrɛ kutɔ na so, kasotoji kama nɛ e daŋ baŋ sa bumo baa nu nna a sa mo.

2 Samuɛl 16:23 ပူးပေါင်းရင်းမြစ်များ

2 Samuɛl 15:12

Absalɔm ka bee lara sarga na, nɛ e shuŋi fanɛ b ya tre Ahitofɛl nɛ e bee ji ewura Deevid asoeto na ashi mbe kade to Gilo m ba. Bumo be ŋkre nɛ b daŋ kre nɛ b ju ewura Deevid na daa maŋ du kpakpa n sa bumo, ŋkpal manɛ so basa nɛ baa bɛ Absalɔm so na baa wora kishi nna a ti so.

2 Samuɛl 15:31

B ka kaŋɛ Deevid fanɛ Ahitofɛl gba ti Absalɔm so nna, nɛ e kule Ebɔrɛ le: “Enyɛnpe Ebɔrɛ, jande shin nɛ Ahitofɛl be nfɛra nɛ e beeŋ sa Absalɔm na e ki nfɛra fuloŋ!”

2 Samuɛl 17:1

K maŋ chɛr ko nɛ Ahitofɛl kaŋɛ Absalɔm le: “Meeŋ lara benapo ŋgboŋ kuduanyɔ n ju m bɛ Deevid so kanyɛ ere kikɛ.

2 Samuɛl 17:14

Ndoŋ nna nɛ Absalɔm nɛ mbe bebɛsopo na kaŋɛ le: “Hushai be kasotoji ere bɔ Ahitofɛl peya na, ŋkpal manɛ so, Enyɛnpe Ebɔrɛ na e yili kumo fanɛ b sa maŋ bɛ Ahitofɛl be kasotoji na so, saŋɛ na so Absalɔm beeŋ luri asheŋ to.

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Job be kawɔl 5:12

Mo e naa melgi basa nɛ b nyi asheŋ ga be ŋkre a buu, nsaa bɔla benyiashempo be kanyiasheŋ so a pɛ bumo; saŋɛ na so kusɔ kama nɛ baa wora maa nyalɛ a sa bumo.

Nshɛ 19:7

Enyɛnpe Ebɔrɛ be mbra na bee niŋi ekpa nsaa sa ŋkpa nna. Asɔ nɛ Enyɛnpe be mbra bee ŋini na la asɔ nɛ esa beeŋ tiŋ n yirda nna. Amo alɛ bee sa bebɔlpo, kanyiasheŋ nna.

Nshɛ 28:2

Jande, nu ma kekule, saŋɛ so nɛ m maŋ ma enɔana so n shoŋi fo bɔrɛlambu cheembi na a bunyaŋ fo nsaa kule fo, a fin kechɛto ere.

Kaŋinichiŋgeliŋ 10:1

Kananɛ ashushombi bee wu a wɔtɔ tulale to nɛ amo be efɛa bee chɛrga na, aloŋ nɛ kawuli fimbi kikɛ bee jija esa be kanyiasheŋ nɛ kemaŋkura.

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Jɛremaya 8:9

Menyi be benyiashempo ka kini ma, Enyɛnpe Ebɔrɛ na be kamalga so, baaŋ ji anishinyɔr nseŋ wulto to e maaŋ naa nyi asheŋ.

Nɔmbɛs 27:21

Bɔrɛmatapowura Eliaza beeŋ baa ŋini mo kusɔ nɛ ma, Enyɛnpe Ebɔrɛ bee sha e ka bee wora. Loŋ e naŋ shin nɛ e baa tiŋ a juŋkpar Israɛlebi na a yɔ a ba.”

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Luuk 16:8

Damawura na daŋ kpaŋ mbe esibɛpo kebirkɔnshiwura na ga ŋkpal kashennyi nɛ e daŋ ŋini na so. Ŋkpal manɛ so, durnya ere to ebi kɔ kebirkɔnshi be kashennyi nna a wora bumo be asheŋ a chɔ basa nɛ b wɔ kefulto to.”

Romebi 1:22

B yɛ b nyi asheŋ, ama bumo alɛ ki bewulpo nna.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.

1 Samuɛl 30:8

Ndoŋ nna nɛ Deevid bishi Enyɛnpe Ebɔrɛ le: “N ju m buu basa nɛ baa kre kena a purgi basa ere so a? Meeŋ nya bumo m pɛ a?” Nɛ Enyɛnpe Ebɔrɛ yɛ: “Nɛ fo ju m buu bumo so, feeŋ ya pɛ bumo n sɔ fo basa.”