2 Samuɛl 16:21 - EBƆRƐ BE KAWƆL

²¹ Nɛ Ahitofɛl malɛ kaŋɛ mo le: “Yɔ nɛ fo nɛ fo tuto mo jipoana nɛ e yige kaman fanɛ b baa keni mbe laŋ so na e ya di keche nɛ kenyɛn, saŋɛ na so ekama nɛ e wɔ Israɛl to beeŋ pin fanɛ naniere bre fo doŋ gbagba e la fo tuto nɛ keleŋ basa nɛ b bɛ fo so na kikɛ to ga.”

2 Samuɛl 16:21 ပူးပေါင်းရင်းမြစ်များ

Jɛnesis 34:30

Le be asheŋ ere ka wora na be kaman nɛ Jeekɔb kaŋɛ Simiɔn nɛ Livai le: “Men bar ma tɔrɔ nna na. Naniere Keenanebi nɛ Pɛrizebi, nɛ b wɔ efuli ere so ere beeŋ kishi ma. Anyi alɛ be basa maŋ shi. Nɛ basa ere kikɛ wora kɔnɔkoŋwule, baaŋ mur ma nɛ ma laŋ to ebi ere kikɛ.”

Jɛnesis 35:22

Saŋɛ nɛ Jeekɔb daa wɔ ndoŋ na nɛ Ruben ya tu mo tuto Jeekɔb mo jipoche Bilha n di nɛ Jeekɔb nu kumo be asheŋ. Jeekɔb daa kɔ mbinyɛnbi kuduanyɔ nna.

Jɛnesis 38:16

Ndoŋ nna nɛ e yɔ mo kutɔ ekpakar na n ya kaŋɛ mo le: “Keni, shin nɛ an ya di keche nɛ kenyɛn ai.” E daŋ kaŋɛ loŋ nna ŋkpal e ka daa maŋ pin e ka la mo shache so so. Ndoŋ nna nɛ kache na malɛ bishi mo: “Nɛ ma nɛ fo di, manɛ nɛ feeŋ sa ma?”

Jɛnesis 6:4

Jemanɛ na so nɛ kumo be kaman nɛ basa ko nɛ b daa tre Nefilebi nɛ b la basa tenteŋ nsaa kɔ eleŋ a kɔ kena ga nɛ basa kikɛ bee sa bumo bunyaŋ ga na daa wɔ durnya to. Le be saŋɛ ere nɛ Ebɔrɛso be asɔtoso nyɛnsoana daa ta edimɛdi be bibichesobiana a kurge mbia na.

2 Samuɛl 10:6

Ammɔnebi na ka pin fanɛ b wora n da ewura Deevid so ga so, nɛ b ya fin Siriya be benapo nɛ bumo be ŋgboŋ adunyɔ shi Bɛtrihɔb nɛ Zoba, nɛ ŋgboŋ kuduanyɔ malɛ shi Tɔb, nɛ kagboŋ malɛ shi Maaka be ewura kutɔ.

2 Samuɛl 12:11

Ma Enyɛnpe Ebɔrɛ e naa kaŋɛ fo na fanɛ meeŋ shin nɛ esa ko nɛ e shi fo kanaŋ to e kil asheŋ m ba sa fo. Ma alɛ beeŋ sɔ fo beche fo kutɔ n ta bumo n sa fo kanaŋ to be esa ko nɛ mo bumo e di keche nɛ kenyɛn kowushina kapiidi basa be anishito.

2 Samuɛl 13:5

Nɛ Jonadab kaŋɛ mo le: “Wora fanɛ fo ka bee lɔ na nseŋ ya dese fo gedo so. Fo tuto kaŋ ba nɛ fo kaŋɛ mo le: ‘Jande shin nɛ ma sipoche Tamaa a daŋɛ ajibi m bar ma. E ba ma kutɔ nɛ m baa keni mo nɛ e ba daŋɛ, saŋɛ na so e kaŋ daŋɛ n loge, e beeŋ baa ku amo a wɔtɔ ma kɔnɔ to.’ ”

2 Samuɛl 15:16

Ndoŋ nna nɛ ewura na nɛ mbe kanaŋ kikɛ nɛ mbe benimuana lar, nɛ e shin nɛ mo jipoana be kudu bre shir kaman a keni mbe laŋ so.

2 Samuɛl 16:20

Kede be kaman nɛ Absalɔm kilgi m bishi Ahitofɛl le: “Manɛ be kasotoji nɛ fo kɔ nɛ fo sa anyi nfe naniere?”

2 Samuɛl 17:7

Nɛ Hushai kaŋɛ le: “Ahitofɛl be kasotoji nɛ e sa fo naniere bre maŋ walɛ.

2 Samuɛl 2:7

Men baa kɔ eleŋ nsaa kɔ kenyɛn! Menyi be ewura Sɔɔl wu, nɛ Juda be basa ta ma ŋ ki bumo be ewura.”

2 Samuɛl 20:3

Ewura Deevid daŋ shin nna nɛ mo jipoana kudu na bee keni mbe laŋ so ashi Jerusalɛm. Ama e kaŋ naŋ bɛta m ba na nɛ e shin nɛ b yɛr bumo n ya wɔtɔ laŋ pɔtɛ to nseŋ shin nɛ bekumpo bee keni bumo so. E daa sa bumo kusɔ kama nɛ k tir bumo ama mo alɛ nɛ bumo daa maŋ di keche nɛ kenyɛn. Bumo alɛ daŋ baa wɔ laŋ na to nna fanɛ bekulpoche hale n ya fo bumo luwu be jemanɛ.

1 Bewura 11:25

Ewura Sɔlɔmɔn be kuwurji be jemanɛ so kikɛ, nɛ Rezɔn nɛ Hadad la Israɛl be efuli so ebi bumo doŋ nna.

1 Bewura 2:17

Amoso, jande, ya kule mo fanɛ e shin nɛ n ta Abishag nɛ e shi Shunɛm na ŋ ki ma eche.”

1 Bewura 2:22

Nɛ ewura Sɔlɔmɔn malɛ kaŋɛ mo le: “Manɛ nna nɛ fee sha ŋ ka ta Abishag n sa mo? Kumo ere kusɔ nɛ fee ŋini e la fanɛ n daŋ shin nɛ e ji kuwura ere gba k walɛ ŋkpal manɛ so e la n da nna nɛ bɔrɛmatapo Abiata nɛ Jɔab kikɛ yil mbe kaman!”

Levitikɔs 18:8

A maŋ daga fo tu fo tuto be eche kama n di keche nɛ kenyɛn m bar ŋaba mo so.

Levitikɔs 20:11

Nɛ enyɛn di mo tuto be eche, e ŋaba mo tuto nna na nɛ a daga fanɛ b mɔ mo nɛ eche na kikɛ. Bumo alɛ be luwu be turju beeŋ baa bɛ bumo.

Zakareya 8:13

Efuli pɔtɛana be basa bee shoduu menyi Juda nɛ Israɛl be efuliana so ebi nna, ama meeŋ mɔlga menyi nseŋ shin nɛ men ki nɛfa be basa. Men baa kɔ kenyɛn nsaa maa lɔ kufu.”

1 Kɔrintebi 5:1

Basa wɔtɔ nna a kaŋɛ fanɛ kesakalea be keji wɔ menyi to nna, kesakalea mo nɛ b maa ji bumo nɛ b maŋ nyi Ebɔrɛ gba to, kumo e la fanɛ menyi to be eko kɔ mo tuto be eche nna a sha.

1 Samuɛl 13:4

Nɛ mbɔ na kaŋɛ Israɛl be basa le: “Sɔɔl mɔ Filistiebi be benapo be enimu na ashi Gɛba nɛ Israɛlebi be asheŋ pɛ Filistiebi na agbo ga, amoso k daga fanɛ kade kikɛ ka lara benapo nɛ b ya ti Sɔɔl be benapo so ashi Gilgaal.”

1 Samuɛl 27:12

Akish daŋ yirda Deevid ga nsaa fɛ le: “Ŋkpal Deevid be basa, Israɛlebi, ka kishi mo ga so e beeŋ ki ma kayɛrbi mbaanaayɔ.”