2 Samuɛl 16:10 - EBƆRƐ BE KAWƆL

¹⁰ Nɛ ewura na kaŋɛ Abishai nɛ mo da Jɔab: “Nnɛ nɛ k nya menyi! Nɛ fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, wanɛ malɛ e wɔtɔ nɛ e tiŋ m bishi kusɔ nɛ k ba nɛ e wora loŋ?”

2 Samuɛl 16:10 ပူးပေါင်းရင်းမြစ်များ

Jɛnesis 50:20

Menyi ere daŋ kre ma kulubi nna, ama Ebɔrɛ malɛ ta kumo ŋ ki kelela, saŋɛ na so e beeŋ sɔ basa damta nɛ b wɔ ŋkpa to kabre ere n yige ŋkpal kusɔ nɛ k daŋ wora na so.

2 Samuɛl 19:22

Ama Deevid daŋ kaŋɛ Abishai nɛ mo da Jɔab nna le: “Menyi e naa ŋini ma kusɔ nɛ meeŋ wora a? Ŋko asheŋ nɛ menyee sha nɛ men fin n sa ma a? Naniere bre, ma e la Israɛl kikɛ be ewura, ma alɛ maa sha fanɛ b mɔ Israɛl be esa kikɛ kabre.”

2 Samuɛl 19:23

Ndoŋ nna nɛ ewura na nase kɔnɔ n sa Shemei fanɛ e maaŋ mɔ mo.

2 Samuɛl 3:39

Kashenteŋto nna fanɛ ma e la Ebɔrɛ be ewura laraso, ama kabre ma alɛ maŋ naa kɔ eleŋ. Zeruwa be mbinyɛnbi Jɔab nɛ Abishai bre bee ŋini ma nna fanɛ b kɔ eleŋ ga a chɔ ma. Enyɛnpe Ebɔrɛ e ta kasogberge nɛ k daga n sa le be basa lubi ere!”

1 Bewura 17:18

Ndoŋ nna nɛ ekulpoche na kaŋɛ anebi Elaija le: “Ebɔrɛ be esa, manɛ nna nɛ fo wora ma le? Fo ba nfe nna nɛ fo ba kaŋɛ Ebɔrɛ alubi nɛ n wora saŋɛ na so ma kebia beeŋ wu a?”

1 Bewura 2:5

Fo gbagba ere nyi kusɔ nɛ Zeruwa pibinyɛn Jɔab wora ma. E mɔ Neer pibinyɛn Abna nɛ Jɛta pibinyɛn Amasa nɛ b la Israɛl be benapo be benimu anyɔ na nna fanɛ kena to be bedoŋ na, nɛ b maa kɔ kena. E daŋ mɔ bumo nna nɛ b maŋ wora shɛŋ, ŋkpal mbe basa ka daŋ wu kena ko to ga so. Shin nɛ e nya mbe alubi be kakɔka.

2 Bewura 18:25

Men baa nyi fanɛ Enyɛnpe Ebɔrɛ na e kaŋɛ ma fanɛ m ba kɔ m mur menyi be efuli ere. Mo alɛ e naŋ chɛ ma to.”

Job be kawɔl 9:12

E baŋ ta kusɔ, esa maaŋ tiŋ ŋ kuŋ mo akpa. Esa malɛ maaŋ tiŋ m bishi mo fanɛ manɛ nɛ fee wora ere?

Nshɛ 39:9

Fo e shin nɛ n ji le be awurfoŋ n shin nɛ n loto a maŋ bugi kɔnɔ ŋ kaŋɛ shɛŋ na.

Kaŋinichiŋgeliŋ 8:4

Ewura be kamalga du fanɛ b ka nase mbra nna, amoso esa kama maaŋ tiŋ n ji mbe kamalga emɔrɔ.

Nfabel 3:37

Enyɛnpe Ebɔrɛ na maŋ sa kusɔ akpa k maaŋ tiŋ n wora kikɛ.

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

Matiu 16:23

Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Matiu 8:29

B ka baŋ wu Yesu epul na to nɛ b boŋ to ŋ kaŋɛ: “Ebɔrɛ Pibinyɛn, manɛ nɛ fee fin anyi to? Fo ba nna nɛ fo ba tɔrɔ anyi pɔɛŋ nɛ kachɛ na gbagba e fo a?”

Baru lela nɛ Jɔn kute na 18:11

Ndoŋ nna nɛ Yesu kaŋɛ Pita: “Bɛta fo tokobi na n wɔtɔ kumo be efar to. Fee tama fanɛ m maa sha keji tɔrɔ nɛ n Tuto yili fanɛ n ji na ŋko nuso?”

Romebi 9:20

Ama fo alɛ dimɛdi e la wanɛ nɛ fo tiŋ m malga n ji Ebɔrɛ emɔrɔ le? Kusɔ pɔrso beeŋ tiŋ ŋ kaŋɛ kumo be epɔrpo le: “Manɛ e ba nɛ fo pɔr ma le” a?

1 Pita 2:23

B daŋ tege mo, ama mo alɛ daa maŋ laŋɛ katege n sa bumo. B daŋ tɔrɔ mo, ama e daa maŋ nyaŋɛ to n tu bumo. Ama e daŋ ta mbe kumu nna m bɔɔ esa nɛ e bee ji asheŋ amo be ekpa so na enɔ.

1 Samuɛl 26:19

Yiramu, nu kusɔ nɛ mee sha nɛ ŋ kaŋɛ fo ere! Nɛ fanɛ Enyɛnpe Ebɔrɛ na e shin nɛ fee kɔ ma, kumo ere meeŋ lara sarga n sa mo nɛ e chɛrga mbe nfɛra. Nɛ fanɛ dimɛdi malɛ e naa wora loŋ, Enyɛnpe Ebɔrɛ be kɔnɔsho na e pɛ amodoŋwura. Ŋkpal manɛ so, b ju ma ashi Enyɛnpe Ebɔrɛ be kasawule so n ya lɛ nnyamase be efuli so, kakpa nɛ m maaŋ tiŋ n shuŋ Ebɔrɛ.